Обрежување на девојчиња

Пред малку налетав на една статија, и да бидам искрена се згрозив. Ме интересира што вие мислите за ваков чин, и дали би се осмелиле да го сторите тоа на ваше дете? Еве го и линкот:

Спојлер

http://www.medio.rs/34651_I-u-Nemackoj-obrezuju-devojcice.html

Прочитајте сами, јас не знам што би додала на ова, тука се си пишува. СТРАШНО...

Спојлер

Однапред се извинувам ако е дупла темава.

 

какви не болни умови постојат низ светов
мајката ја однела керката, а на неа вака да и правеле, како би и било

 

Страшно. Имам гледано еден филм за ова. Жената беше толку истрауматизирана што не можеше да легне ни со сопствениот сопруг.

Да не праиме муабет за тоа дека тој вандалски чин не се прави дури ни во хигиенски услови. Во некои затуцани места, со трски го прават тоа. Да не праиме муабет за тоа колку жени умреле од инфекција која им се јавила после такво “обрежување“. Тие мислат дека ако го направат тоа на дете од 3 години, како поголема ќе заборави на тоа искуство. Не, тоа е искуство кое ја уништува жената и психички и физички за цел живот, а во многу случаи завршува и со смрт.

 

Одамна имам слушнато за вакви традиции и според мене тоа е варварски чин. Како прво, тоа е многу болна постапка, а како второ зошто некој би сакал да и го одземе на жената правото да ужива во сексуалниот чин.

 

Според тоа јас што читав за овој обичај, наводно за жената било грев да ужива во тој чин, само мажот требал да чувствува задоволство, а жената само болка. Глупости, да земеш тие тоа што го прават на плоштад живи да ги дереш, сантим по сантим.

 

Се згрозив. Значи не ми се верува дека постојат такви луѓе (родители), си ги уништуваат своите деца. Страшно.

 

Ми отиде појадокот сабајлево..

Како можат бе вака да им прават на децава? Секакви чуда шетаат по светов.. Ма ова треба да се забрани и да се казнува.. Ццц, денес секој се нарекува родител..Страшно!

 

http://www.imdb.com/title/tt1054580/
Овој филм базиран на вистинска приказна многу убаво го опишува овој немилосрден чин..Што нема по светов ц,ц,ц,ц,ц.........

 

Ова е катастрофа на што личи ова
Ова треба со закон да се забрани

 

Како можат тоа да го прават на сопствените деца.. жално.. страшно..

 

Ауууу! Па овие ум немале! Трагично, жално, болно!
Премногу се чуствувам исфрустрирано после ова што го видов! Па со кој ум бе!
И мајките, сигурно им правеле и нив, знаат колку боли, па како може да си го однесат девојчето така ?! лелелелелеле солзи ми дојдоја на очи :'(

 

Подебилно нешто од ова HEMA! Cега ајде колку олку е банирано низ муслиманскиот свет, само секако некаде во Aвганистан и некои забутани села се уште се користи.
Ги кастрираат за да не уживаат во сексот, нели, жена е нема право...
И после зашто девојките се исфрустрирани од таму, зашто не сакаат да имаа односи со мажите.
па кој е само мажот да ужива бог да чува.
Mногу ненормални работи има по светов, сироти жени, им го ускратуваат тоа задоволство

Hа википедија може да видите, во која земја колку % се уште се практикува, ама како што кажав, банирано е скоро секаде

 

Јас за ова прв пат читав во книгите на Принцезата Султана и ова е ‘‘традиција‘‘ во муслиманскиот свет. Многу жално е тоа што бидете сигурни дека и ден денес на неки места овој нечовечки чин се спроведува, а уште пожално е тоа што сето ова се спроведува во нехигиенски услови.

 

Ама најдебилно е шо се вадат со вера а логички ако размислиме нема никаква поврзаност...фактички му се спротивставуваат на нешто Бог што го сторил...самите се прават богови со тоа што им ја одредуваат судбината на девојчињата.

 

Ова е болно,страшно нешто.За жал тоа е од неукост на луѓето и веруваат во нешто што не го налага бог.Како може родителите тоа да им го направат на своите деца Жената за жал од секогаш ја сметале за подолу од мажот во секаква смисла и бил угнетувана.Добро е што се намалува процентот на обрежувањето во земјите,но сепак сеуште не искоренета и тоа во развиени земји се случува ова.За жал девојчињата цел живот ги носат траумите од тоа лошо искуство,кај сите се јавува некоја болест,па и во нехигиенски услови охх колку жално. Зарем мајките не го преживеле ова,па сакаат и своите деца да го преживеат?Сигурно и нив не им било лесно да поминат низ тоа,па сега ги тераат своите деца.Некои работи никогаш нема да ми бидат јасни,до какви крајности човекот може да оди не ми се верува.

 

Чисто информативно да напоменам ова нема никаква врска со муслиманската вера и религија и се изведува претежно во заостанатите и сиромашни земји и предели најмногу во Африка со цел да се ускрати женското од сексуалните задоволства и да се намали либидото.

Постојат неколку видови на обрежување прикажани на сликата во спојлер.
WARNING EXPLICIT CONTENT

Спојлер

 

Јас искрено прв пат читам за вакво нешто. И не ми се верува. Болна работа.. Не знам.. Не можам да сфатам, како што не можам да сфатам ни сунетот зошто го прават муслиманите.

 

Не знам во која книга за жените од муслиманската вероисповед, дал Султана чинам, но имам читано токму за ова. Дотогаш немав поима за женското обрежување. Истражував и се згрозив начисто.
Ајде што постапката е ненормална, што е болна, туку за жал може да биде и кобна, има и смртни случаи на крварење до смрт или на инфекции бидејки таа рана треба да се прегледува, а таму жените не добиваат речиси никаква здравствена заштита, па доста има случаи на смртност по ова обрежување.
Машкото обрежување дури некои и од здравствени причини го практикуваат, но женското во многу земји е апсолутно казниво. Женското обрежување е самото казна за жената. Не ми се верува како може тоа да го прават токму на жените, на оние кои раѓаат. Добро од друга страна кога ќе помислам дека мажите имаат право да ги убијат слободно жените, тогаш не ме чуди ни ова.
Ова се врши во земјите на блискиот исток и во африканските земји, страшно и трагично.
Додека еден дел од светот се бори за некои права, додека жените се на исто рамниште со мажите, во други се убиваат слободно без да има казна за извршителите.
Којзнае кога ќе се развие свеста на овие луѓе.
Само мене ме интересира зашто обрежувањето го поврзуваат со религијата. Иако немам читано ама 100% сум сигурна дека женското обрежување не е поврзано со Куранот и тука нема религиски причини за него, туку пред се за понижување на женскиот род.

 

Имам видено свашта во животов, верувајте луѓе имам многу јак желудник и од ништо не ми е мака, но кога еднаш гледав емисија за ова, сум се згрозила ко никогаш. Сега само што се сетив на сцените ми се сврте паметов и ми се слоши.

Болно, со еден збор.

 

Како ја прочитав статијата и мене ме заболе доле
И јас да нагласам дека ова не е од страна на исламската религија туку во некои позаостанати афрички земји како Египет, Етиопија, Судан, Џибоути, Нигерија и многу други. Според некои податоци дневно се обрежуваат по 6000 девојчиња. Страшно...

Спојлер

Постојат повеќе видови на обрежувања
мека суна: Бодење, засекување или отстранување на кожичката на клиторисот
модифицирана суна: делумно или целосно отстранување на клиторисот
клиторидектомија/обрежување: отстранување на делови или на целиот клиторис како и на дел или целите внатрешни срамни усни. Оваа операција најчесто создава лузна на ткивото што е толку голема, што го прикрива вагиналниот отвор
инфибулација/фараонско обрежување: отстранување на клиторисот и на внатрешните срамни усни како и на внатрешниот слој на надворешните срамни усни. Преостанатите надворешни срамни усни се сошиваат со црево од мачка или се прицврстуваат една со друга со шилци. Во раната се става едно мало парче од цевка, за да остави отвор за урината и менструалната крв.

Во филмот Desert Flower главната глумица беше обрежана со инфибулација и зборуваше дека на првата брачна ноќ мажите со нож ги расекувале за да го стават пенисот внатре.