Оскари 2023

Требаше да гласам за Аватар по грешка гласав за Top Gun. Не ни видов дека Аватар е номиниран.

Криво ми е, Top Gun не сум го ни гледала.

Спојлер

Аватар е предобар, трае 190 минути и задржува внимание. Најмоќна сцена а воедно и најтажна е кога умира син му и смртта на китовите ( мајката и младото). Штета што Мајлс го издаде целото племе спасувајќи го непријателот, давајќи му слобода да живее.

Додуша, сите кадри беа предобри, го гледав во 3Д и целосно уживав.

 

Не сум гледала сѐ уште ниеден, маратонски ќе ги гледам .

 

Јас само Елвис го имам гледано. Супер филм, ама не мислам дека ќе го земе оскарот. Можеби Батлер, за главна машка улога.

 

Јас вчера изгледав нешто повеќе од пола, досаден ми беше. Искрено, не знам ни зошто е номиниран, ваљда зошто е на Спилберг за Спилберг.

Во септември вака сум пишала:

Во меѓувреме изгледав пола од "Tàr" и ми беше предосаден. "The Whale" го немам гледано, чекам торент.
Други од овие номинираните што гледав "Elvis" - ми се допаѓа и филмот и глумата мислам дека Austin Butler ќе земе за главна машка улога (иако уште го немам гледано китот); “The Banshees of Inisherin” - ми се допадна глумата и кинематографијата, ама приказната ми беше досадна и банална; “Everything Everywhere All at Once” - ќе освои за интернационален филм; “Triangle of Sadness” - и овој ми беше предосаден, ми се свиѓа само сцената кога бродот се клатеше и сите повраќаа од скапата храна, искрено не знам зошто е номиниран филмов; друго немам гледано.
Можно е најдобар филм да земе “All Quiet on the Western Front”, војничките трагични филмови секогаш добро проаѓаат. За женска улога мислам дека ќе земе Ana de Armas, го немам гледано "Blonde", ама се изнаслушав позитивни критики за нејзината улога, башка американците паѓаат на Монро, исто како и на Елвис. Аватар ќе земе за најдобра визуализација, Ke Huy Quan најдобра споредба машка.

 

Грешно сум запамтила, сепак “All Quiet on the Western Front” е номиниран и за интернационален. Тука може ќе освои оскар, ако не за best picture.

 

Од 10 номинирани сум гледала само 6. Не се постигнува.

Засега ирскиот The Banshees of Inisherin е мој апсолутен фаворит и според мене има најголеми изгледи. Пишував за него утрово пред да ги објават номинациите

Maverick не разочара, ама не ми се верува дека ќе го добие оскарот за најдобар филм, повеќе е наменет за поширока публика. Ми се допаѓа музиката која би сакала да однесе признание, и ептен ми е жал што Том Круз не доби номинација за најдобар актер. Но сега можам раат да навивам за Колин Фарел.

Triangle of Sadness ми се допадна солидно, типичен европски филм.

Tár е онака, добар. Ветуваше повеќе отколку што испорача, гледајќи го, очекував нешто интересно да се случи, но никогаш не дојде до тој дел. Ама не го исклучувам.


The Fabelmans е најслабиот филм на Спилберг што го имам гледано, нека земе Спилберг за режија (иако конкуренцијата му е јака), но би се разочарала доколку самиот филм заврши на пиедесталот само поради името кое е потпишано. Не верувам дека ќе освои.

Спојлер

Многу, многу далеку од најдобриот филм кој говори за почетоците на еден режисер - Cinema Paradiso

Elvis e тинејџерски филм, немам чувство дека припаѓа во категоријава, но сметам дека ја исполни целта да го доближи ликот и делото на легендарниот пејач до помладата публика.



Мислам дека The Menu повеќе заслужуваше номинација од последниве два кои ги наведов.

И мило ми е што Ана Де Армас е номинирана за најдобра актерка (Blonde мене ми беше ОК филм, иако не го очекував во потесна трка и не се ни најде), таа пренесе најверна имитација на Мерилин на филмско платно, но се чини дека Кејт Бланшет има поголеми шанси.
За актер во главна улога го фаворизираат Брендан Фрејзер, се заинтересирав, барав каде да го гледам The Whale и никако не успеав.

 

Elvis: заслужува (така и гласав)
Avatar: исто би било заслужено

 

Досега само Triangle of Sadness го имам гледано, и тоа уште во август на фестивалот Браќа Манаки. Пријатно бев изненаден и воглавно ми се допадна.

 

Според мене Аватар ќе биде рекордер во освоени оскари. Најдобра машка улога Батлер во улогата на Елвис

 

Ги имам изгледано само Елвис и Everything Everywhere All at Once....и двата многу ми се допаднаа, особено глумата на Батлер, а вториов некако целосно како филм многу уникатен и креативен...треба да ги изгледам и другите за да одберам фаворити.

И мене ми фали тој на листава, многу е добар.

 

А голема е веројатноста и Брендан Фрасер да земе оскар за најдобра машка улога

 

Ќе се самоцитирам за огромната глупост која ја напишав
Колку што видов Аватар само 4 номинации а се си мислев дека во повеќе категории го има, по мое видување Елвис е со најмногу номинации ако не грешам

 

Everything, everywhere... го симнував 100 пати и никако да го почнам, последниот коментар од другарка е дека не е за мене, не си знаел што гледаш. А јас очекував многу. И, сега не знам дали да го гледам. Мислам дека не.
За другиве не знам што да кажам. Аватар растури по кината низ светот и слушнав дека вреди од аспект на кинематографија, слика. За приказната не можам да коментирам - не сум го гледал.
Елвис го почнав и го оставив на пола, предолг ми беше и, искрено, досаден.

МЕНИТО ми е филм на годината мене, без разлика што не е номиниран во ниту една категорија.

Веќе ништо не ме чуди, и Оскарите не се тоа што беа. Се номинира сѐ и свашта, и таму има врски триста илјади... Колку само филмови има кои заслужуваат да се на листата на номинирани ама, ете, тоа е.

Виола Дејвис, пример, ме изненади што не е номинирана. И Бред Пит, исто така.

Но, што е - тука е.

Порано запнував и од номинации до главна вечер морав да изгледам сѐ, од документарци до кратки анимирани (сѐ што можев да најдам онлајн). Од пред некоја година почнав да не практикувам, немам нерви, а и голем дел од номинираните не се по мој вкус и не гледам причина зошто да се мачам, па не сум филмски критичар кој мора да издржи свашта )))))

А, да. За песна... Не сум ја слушал Гага, ама мене ми е скроз фина Лифт ми ап на Ријана. Би сакал таа да го земе оскарот, зашто се враќа на сцената и мислам дека е совршен тајминг за нешто вакво да ѝ се случи. Во најмала рака, се радувам ако воопшто ги отпеат песните во живо на самата оскаровска вечер. Реално, високи се можностите да се случи тоа.

 

Мислам дека е прва година од последниве неколку кај што сите филмови од номинираните за best picture сакам да ги гледам.

Ги имам изгледано Elvis & Everything everywhere all at once.

Elvis е навистина добар, меѓутоа не мислам дека ќе го земе оскарот. Austin Butler го има доловено Елвис маестрално, и ќе навивав за него за оскар за главна машка улога да не беше номиниран Brendan Fraser, човеков заслужува оскар, иако го немам гледано се уште The Whale.

Првичниот впечаток за Everything everywhere all at once ми беше дека не мораше да е баш толку долг, ама после некое време сфатив дека сепак целовкупно беше одлична приказна и покрај времетраењето. Убава приказна стварно има, и скроз онака weird e ко за оскаровски филм.

Од цртаните само Puss in boots: the last wish ми е гледан и си пуштив солзи, ептен ептен wholesome беше, ќе ги гледам и Guillermo del Toro's Pinocchio, The Sea Beast & Turning Red, ама мислам или мачаков во чизми или пинокио ќе земе.

Да ги изгледам повеќето филмови, па ќе дојдам пак да прокоментирам