http://www.youtube.com/watch?v=dA5lmTbc ... r_embedded Наслов: Панкот не е мртов Премиера: 15 април 2011 Режија: Владимир Блажевски Улоги: Јордан Симонов, Камка Тоциновски, Тони Михајловски, Џевдет Јашари Продуцент: Дарко Попов Сценарио: Владимир Блажевски Музика: Александар Пејовски Студио: Punk Film Production Спојлер Протагонисти во оваа црна комедија се бивши панкери кои намерно остануваат на маргините во матните времиња на македонската транзиција. Рутината на преживување на овие аутсајдери е нарушена со понуда од една локална НВО: да го реоформат нивниот некогашен култен панк бенд и да настапат на бизарен мулти-култи хепенинг. Целта на хепенингот е да се прикаже лажна слика за Македонија како земја со релаксирани меѓуетнички тензии. Филмот е црна комедија, некаде во лимбо просторот измеѓу road movie и драма. Документаристичен cinema verite пристап, екстремно нискобуџетен, не само продукциски, туку и естетски. Еден од ретките филмови во Македонија кој се занимава со повеќе социјални приказни, ликови што сме ги виделе на улица, реплики што сме ги изговориле самите, во филмот скоро и да нема ништо измислено освен самата приказна која пак се базира на некоја приказна која ординирала на овие простори во Скопје. *Превземено од тука Мое мислење е дека долгото чекање комплетно вредеше. Филмов е предобар и дефинитивно вреди да се погледне. Сниман е со релативно мал буџет, но тоа не го спречува да се вброи во најдобрите филмови кои се направени во нашава држава изминатите неколку години. Покрај тоа што е смешен, во себе носи многу реалност и огромна поука која треба да се извлече. Патем, мислам дека Дани е утка во филмот. Не се совпадна во целата „шема“ воопшто. Кое е вашето мислење околу филмов?
Јас имам поделено мислење. Пред се затоа што е доста реален, и затоа што доловува слика која ретко кој ја приметува. Значи идеата е одлична, ама сепак имам чувство дека не беше добро реализирана. Сепак секоја чест за глумците, многу добро си ја одработија работата, а улогата на Дани мене уште не ми е јасна, многу без врска ја ставиле. А фердинанд во срце ми остана. Како и Кили, ептен си го љубам
Спојлер Првото појавување на Кили мене ми беше многу смешно. А тоа околу недополнетата слика претпоставувам ти е поради нискиот буџет. Мене пак таа „недополнетост“ посебно ми се допадна, за мене тоа е реалност, без некои посебни ефекти, не знам какви луксузи и сл. Можеби сепак идеологијата на панкерите не е баш оваа која е претставена во филмов бидејќи нели, не живеат сите баш вака голтарски. Спојлер Фердинанд срце. Мада жално го убија. Како мрсули да секнеа. Искрено размислувам да си чувам жаба летово. А на крај колку и да беше тажно, мислам дека ќе се помочав од смеење кога го завиткаа во шалот и го ставија во музичката кутија. Патем, мислам дека требаше да има повеќе музика. И го има ли некој текстот на „Депонија“ ? Ми го земаа црното ливче на влез, т.е. на сите им ги земаа, но може некое преживеало.
баш денес го гледав филмот и искрено ми се допадна но не премногу.Повеќе ми се допаѓаше Сенки и Мајки.Во филмот исто така и јас мислам дека Дани е тотална утка,а да на глумел и Тони Михалјловски мислам дека и самиот филм ќе немаше толкава вредност !!! Баш му даде свежина на филмот,со неговиот лик внесе доза хумор во него.Како и да е од мене има солидна оценка
мене не ми ни дадоа црно ливче Мислам дека тоа што не ми се свиѓаше беше како ги претставија панкерите. Буџетот е битен, но не е пресуден за добар филм. Јас одсекогаш имам чувство дека сите македонски филмови се базирани на тезата "Нас ни е многу тешко, ама ние не можеме да направиме ништо да го промениме тоа, па затоа само ќе си се жалиме и ќе чекаме некој да ни помогне." Овој филм некако ми го испреплетува тоа со панкот, а панкот има баш спротивна идеа, ако не ти се допаѓа нешто превземи акција за да го смениш тоа. А за Фердинахд морам да спомнам, а заврши филмот другарка ми запна да идеме на Водно и да го откопуваме. Ако бидне нешто известувам по брза постапка
Сеуште не сум го гледала, и многу ми е криво, но ќе го гледам. За љубителите на филмот, информација можеби за оние кои не го забележале мојот вчерашен пост полн со гордост - филмов победи викендов во категоријата филмови наречена Источно од западот, на меѓународниот филмски фестивал во Карлови Вари (Чешка) (силна конкуренција, да не мислите дека не)
Дани, Дани, Дани. Не сфаќам зошто? Многу голем промашај. Не можам а да не дадам остра критика за шминката. Стварно не ја разбирам поентата од тоа Горогранц да биде задолжена за тоа. Не знам, некако не ми е логично ни малку. Костимограф: Ангеловска Илина. Сценограф: Кирил Спасески.
Само да се надоврзам со Пирамида, во истата категорија се натпреваруваа уште 11 филмови. Околу шминката, според мене шминката беше сосема добра. Всушност, шминка и немаше многу. Таков и требаше да биде филмот - реален. Доколку беше натрупан со шминка и еден куп ефекти ќе го загубеше шмекот. А за Дани, секој коментар е излишен. Ниту мене не ми се допадна нејзината улога ни најмалку...
Вајлд да не се разбереме погрешно. Шминката е одлична, ама ме нервира што е таа, а не некој друг назначен на таа позиција. Со какви не шминкери располага Македонија, јас на газ паѓам кога им го гледам делото.
Хах, од сите супер работи баш за шминката коментирате. Ај не е битно. И како не ви се допаѓа како биле претставени панкерите? Тие ликови се правени според двајца реални ликови кои и денес си живуркаат низ Скопје. За Дани се согласувам потполно. Фердинандите (не е еден) се живи и здрави во продавницата на Војо (ако не ги купиле уште). А да, „Сенки“ е срамота воопшто да се споменува заедно со „панкот...“, а не да се споредува. Разликата меѓу овој и тој режисер е што едниот има милиони (а одамна нема идеи). „Мајки“, пак, нема да го дискутирам. Дилетантизам
Филмов го немам гледано, а би сакала. Не го гледав во кино кога го даваа, па дали го има на интернет!? Ако знае некој нека пише
Јас па ко што сум си емотивна, на крајот пуштив солза за тоа жабата.. Филмчево инаку океј. Ја разработи темата што и очекував да ја разработи и тоа.. ни позитивен ни негативен коментар не давам
Врв е филмот бееее мене многу ми се допадна само се прашувам Дани што к** ја ставиле оф мори мајко али ај мање битна и така ја нема многу . А секоја чест за Тончи како ме изнасмеа
Конечно го гледав филмов И ми се допадна, интересен и смешен ми е, Мирса и Љак се најзакон...нема лабаво Филмов го има и во реалноста и го имам искусено, на некој начин - мислам на нивната дружба и така тоа Не ми се веруваше дека и братучед ми имаше мала улога во филмов, хахахаха кога го видов лелелеле Односно тој и така си е цел со тетоважи значи нема гајле и затоа го земале во филмов, иначе тој што се натпреварува со Тони (Љак), кој прв ќе го испие пивото, е братучед ми...лелеле гад е еј, кога ждригаше ццццц мрднат
Дефинитивно еден од најдобрите македонски филмови на сите времиња. Глумата на Тони едноставно никогаш не остарува,а да не спомнуем колку му е заразно тоа смеењето ко врана. Инаку и ја и другарчињава сакавме да одиме да го откопуваме Фердинанд,којзнае уште на колку им дошла таа идеја... Инаку,за идеологијата на панкерите,ова повеќе одликува на оние постари панкери,додека сега панкерите се куп деца што немаат на што да ги трошат парите па пробуваат да се вклопат во друштвото на постарите купувајќи мартинки,кожњак,искинати цигара фармерки,маица со панк бенд,ранец со беџови итн. Не сите но повеќето се такви.