Здраво на сите, вакава тема не најдов па ја отворив за да споделите ваше искуство. Дали сте користеле производи препорачани за вашиот тип на кожа како целосна рутина со гелови, тоници, маски, кремови... ? На инста има повеќе страни како coslovemetics, magnolija и слични со извонредни резултати од слики пред и потоа, на кои не знам дали може да им се верува. Доколку сте практикувале рутина колку време било тоа, дали сте задоволни од резултатите, колку ве чинеле препаратите и слични информации споделете, би било од помош за некои кои се двоумат.
Со coslovemetics немам искуство, но индиректно сум бил во контакт со луѓе кои земале рутина од magnolija и за неа имам забележано дека определен период, зависно од типот на кожа, тера едни те исти производи па после тоа прави промена на друг сет производи и така еден период па повторно промена. Исто така, случајно бев сведок кај шо на стори прикачи слики од "пред и потоа" кај шо немаше навистина никаков резултат, за да потоа ги тргни и ги прикачи истите слики од "потоа", но значително фотошопирани. За некои резултати, особено кога се работи за длабоки брчки, не е во ред да се дава погрешна слика дека можат потполно да исчезнат со користење на било каква козметика, бидејќи то е нереално.
Сметам дека треба да се користат макс 2 производи за нега на кожа (доколку ви е нормална). Најмладолики, стегнати лица во историјата се тие што имале добра исхрана (зеленчук/месо). Тогаш не користеле милион продукти кои се само јадица за профит како денес. Кожата не е наменета за 12 продукти, оставете ја да дише. Таа сама се регенерира.
Сите производи кои ги препорачува magnlolia, се само реклама. Си рекламира па си заработува, па затоа и рутината и е бесплатна. Побарав рутина, добив производи кои и не одговараат на мојот проблем, внимателно ги прочитав состојките на сите производи, и тие се исти како и дрогериските производи, а цената дупло повисока. Едни исти слики објавува, на некои и нема разлика. Мagnolia не ја препорачувам, а за coslovemetics не сум чула, па ако некој има искуство нека сподели
И јас имам рутина од кослове, навистина ми се среди лицето во однос на тоа како претходно ми беше. Но, не би се држела стриктно до нивните препораки секогаш, бидејќи сепак цел е профитот. После одредено време и искуство, може да си видите и сами што ви одговара. Тешко е преку слики да се долови се. Даваат доста активни состојки, на секој втор кандидат ретинал со тенденција за зголемување на концентрација и секојдневно користење, што мислам дека е многу. Сум приметила и нејасни совети од нивна страна, пример комбинирање на 3 серуми меѓу кои и хијалуронска и пептиден серум, без да ми објаснат во кој редослед. Ми кажаа само после пептидниот дека треба крема. Знам дека хијалуронската се става на влажна кожа и се затвара со крем, па не ми беше јасно како да ја вметнам, но разјаснување не добив.
Јас конкретно имав суво лице и козметика која ми помогнс беше LA Roche . Конкретно овие два производи.
И мене пептиден серум и хијалуронска ми дадоа, прво само пептиден користев, ама се пожалив дека ми треба поголема хидратација ми ја,додадоа и х.киселина. прво х.киселина, па пептидниот серум. А азелаична користев навечер, па ми рекоа да,направам пауза и да користам ретинол почесто, од азелаичната ми се среди лицето доста од флеките исчезнаа и немам потреба веќе од него
Секако Хијалуронската https://coslovemetics.mk/product/geekgorgeous-ha-5-light-hyaluronic-acid-serum-30ml/ Азелаичната https://coslovemetics.mk/product/geekgorgeous-apad-20-azeclair-serum-30ml/ Пептидниот серум https://coslovemetics.mk/product/marymay-6-peptide-complex-serum-30ml/
Јас користам рутина од кослове веќе 3та недела. Им пишав најмногу поради акни (не знам ни дали се акни како болни тврди чуда се) околу устата. Во глобала ок е рутината, не ми ја суши кожата, ама за конкретниов проблем не гледам резултат, баш и полошо сум некако периодов. Кога почнавте да имате резултати од рутините?
Јас користам рутина која сама си ја имам направено. Имав пишано и на Магнолија и на Кослов ама сепак на крај се одлучив да си купам други производи, со слични состојки. Доста истражував за моето лице и што ми е потребно (иначе со акни се борам од дете), и иако едно време ми беше топ, зимава пак се нафрлав и ми беше во ужасна состојба. Јас моментално ги користам следниве производи за акни: Насабајле: Bioderma Sebium Gel Moussant Aurora Skincare Vitamin C serum (овие ги наручав од инстаграм, био се и многу се добри, ептен ми помагаа) Frezyderm SPF50+ Навечер: Nivea Micellar Water with Hyaluronic Acid Bioderma Sebium Gel Moussant Nivea Toner with Salicilyc Acid (во последно време ова го сменив со Boric Acid 3%) Аurora Skincare Salycilic Acid serum Uriage Hyseac Hydra face cream *битно е вечерните продукти да ги аплицирате барем 1 час пред спиење за да се апсорбираат добро и да менувате јастучници барем на секои 3 дена. Јас после еден месец. Кога почнав да ја користам рутината прво лицето ми беше полошо, бидејќи сето тоа што ми беше нечистотијата внатре во кожата изби надвор (познат термин - purging) што со салицилната киселина секогаш е случај. Дури секогаш кога сум миела лице претходно сум чувствувала грутки на образите - тоа се акни кои уште не избиле на површината. Кога ми избија сите сега кога го мијам лицето немам такво чувство - нема грутки, ама мора да сте упорни во тој период каде што ќе ви изгледа дека лицето станува полошо од тоа што било - тоа е само процес. Исто така да знаете дека рутината за лице нема да е толку ефективна ако не смените малку начин на живот. Значи без јадење благо, многу мрсно, секој ден треба да јадете овошје (поготово жолто и портокалово), да пиете билни чаеви и ќе видите како и внатрешно ќе почнете да се чистите. Редовно исфрлање на токсини е клучна работа во се ова, а и регулирање на хормони. Јас секое сабајле си пијам ginger turmeric shot (пишете го вака на Google и ќе ви излезат рецепти) на гладно, престанав да пијам кафе на гладно (бидејќи многу ги пореметува хормоните), пијам секој ден билен чај, најчесто од нане (добро за хормони) и општо гледам да исфрлам шеќер колку можам повеќе (не се давам во чоколади и слично). Исто така пијам витамини за кожа, коса и нокти. Извинете малку сум офф топик, се што сакав да кажам е дека едното без друго не иде - надворешно и внатрешно чистење, за максимален резултат.
Јас искрено ја користам корејската козметика на олпео и до сега ми се покажа како многу ефективна. Немам многу сериозен проблем, само постојано зацрвенување на образите и имам ретко рапава кожа иако премногу време посветувам на лицето и со продуктите ми се подобри и рапавоста и црвенилото. Рутината што ми ја препорачаа е ефективна, ме прашаа до колку пари, мене ми одговараше докај 3-4 илјади и таква и рутина ми направија. Продуктите се ептен добри и јас многу читав предходно пред да купам. Рутината ми е следнава со следниве продукти: Утрински: 1. Чистам со пенлив чистач, не ми ја суши ниту затега кожата, таман е. https://olpeo.mk/product/cosrx-low-ph-good-morning-gel-cleanser/ 2. Потоа нанесувам тонер за хидратација, регулирање на pH баланс и одржување на чисти пори и подобрување на тенот. https://olpeo.mk/product/your-vegan-the-rice-bran-toner/ 3. После овие две си нанесувам крем (што патем многу ми помогна за црвенилото) https://olpeo.mk/product/skin1004-madagascar-centella-soothing-cream/ 4. И потоа си додавам СПФ што си го користам секој ден https://olpeo.mk/product/benton-air-fit-uv-defense-sun-cream-12ml/ Вечерната рутина ми е иста, со истите постапки и чекори само не ставам СПФ бидејќи не излегувам надвор туку си легнувам. Би ги препорачала производите на Олпео ептен, и вработените таму се многу фини (имаат продавница во гтц). Исто така може да си прашате за персонализирана рутина.
Фала на одговорот. Да, во право си дека треба пазење прво внатрешно. Јас во глобала гледам да имам мерка со се во животот, па така и со храната. Благо не ни сакам, понекогаш знам да каснам еднаш дневно многу малку. Кафе гледам да не пијам на гладно, мрсно, сокови не консумирам, леб гледам по малку да јадам, обично само еднаш дневно. Е сега овошје и чаеви не консумирам, тоа е грешка. Во глобала овие досадни акни ми се појавија после пораѓај, а секогаш сум имала релативно чисто лице. Основните хормони барав упат од гинеколог лани, ми беа сите во граници на нормала, годинава на преглед пак ќе му побарам. Дали знаеш кој конкретно хормон влијае на ова, можеби не го проверувам. Како и да е, мене ми дадоа азелаична киселина од кослов, имам и нешто како розацеа на лицето (исто после пораѓај), па киселинава е добра и за тоа гледам. Ќе бидам упорна, ако не видам резултат ќе одам пак на дерматолог, можеби ќе ме упати кои испитувања да ги направам понатаму.
Колку се смени времето... Порано сапун и вода и помадичка. Сега пептиди, мептиди, семки од млади зумбули, рскавци од коски на ајкула, волчји нокти, бла бла... А сѐ се сведува на вода, еве приметете баш во содржината на скапите продукти за нега на кожа-вода! Природата си е... природа. Ама, ете... Тренд. Интернетот сите нѐ среди.
Јас во август почнав до рутината, некаде крај на октомври ми беше лицето многу почисто. Треба да помине време. Колку време ја користиш рутината? За акните доколку се хормонски , освен терапија ништо не помага.
Пред можда 4 год магнолија ми состави рутина но не бев во можност да купам се тоа, по извесен период сама си составив рутина. 1. Гарниер мицеларна со вит ц 2. Гарниер pure active hydrating гел 3. Гарниер pure active 3in1 против бубуљици 4. Nacomi vit c 5. La roche cicaplast (најдобрата крема за лице што може да постои) Ноќна рутина се исто само место накоми вит ц ставам серум со ниацинамид И лицето никогаш почисто не ми било, а склоно ми е на бубуљици
Во среда полни 3 недели, баш ќе им пратам напредок па ќе видиме. За хормоните, пишав, лани испитав 5 од гинеколог што дава упат, тој ми викаше демек јас на ехо гледам ти немаш проблем со хормони и редовен циклус, во граници ми беа сите.. Ама не знам може не сум го испитала тој што треба. Ја прашав и друга членка, не знам кој конкретно влијае за лицето..
