Првиот анимиран филм за љубовта помеѓу две момчиња ќе се прикажува и во Македонија–поделени мислењa

Не знам колку е прикладно темата да биде во оваа категорија, но не е проблем и да биде преместена во филм и тв.

"Чудесен свет" е првиот анимиран филм на Дизни за тинејџери, во кој се зборува за 16-годишно момче кое е вљубено во друго момче, а доби различни критики од јавноста. Едни сметаат дека е време за прифаќање и напредни идеи во цртаните, други, пак, сметаат дека филмот не е соодветен за деца.

Најновиот анимиран филм на Дизни, Strange World (Чудесен свет) ќе се прикажува и во нашите кино сали, а околу него веќе почна да се „крева прашина“ на социјалните мрежи.

Станува збор за научно-фантастична авантура инспирирана од приказните на Жил Верн, во која за првпат ќе биде опишана љубовта помеѓу две момчиња.

Филмот ќе има светска премиера на 23-ти ноември, а од следниот ден ќе се емитува и во нашите кино сали.

"Чудесен свет" нѐ запознава со легендарното семејство Клејдс кое се обидува да го истражи непознатото земјиште. Eкипажот е составен од немирен „блоб“, триножно куче, како и Итан Клајд, 16-годишно хомосексуално момче.

Засега на социјалните мрежи има повеќе коментари од оние што имале можност да го погледнат цртаниот филм на претпремиера и според нив станува збор за прекрасна анимација на чудесниот свет, кој има убава порака за прифаќање на луѓето од хомосексуалната заедница.
За некои твитерџии овие сцени се слатки и неодоливи и тие сметаат дека е време за модернизирање на содржините наменети за деца. Од друга страна, се појавија и критики за филмот во кои го обвинуваат Дизни дека негативно влијае врз младата популација и дека воопшто филмот не е погоден за деца, токму заради хомосексуалната приказна.

Што мислите вие? Време ли е децата да почнат на овој начин да се учат дека треба да ги прифаќаат луѓето без разлика на нивната сексуална определба или ова воопшто не е соодветно за млада публика?

Извор: црнобело

 

Освен да се прифатат гејовите ко нормални, да се збора за нив т.е да се таласа безпотребно, друга порака има филмов?

 

И Дизни не е тоа што беше

 

Ќе ги уништат и цртаните филмови.

 

Не е ова за наш крај

 

Филмови со ЛГБТ содржина веќе се прикажуваат кај нас и тоа во ударен термин (на Fox Life конкретно) така што ништо ново.

 

Ај да е за повозрасни.
Ама на мали деца,НИКАД не им би дала да гледаат вакви филмови.Има време коа треба се да дознаат за светот околу нив и какви луѓе постојат.

 

"There are parents saying, 'Wait a minute, why do we have to import a sexual message into kids' programming?' And so even if we talk beyond this specific LGBT agenda, I think there's concern that why does everything have to be sexualized? Is it possible to just have entertainment that's innocent, that leaves that for later and doesn't bring that into everything we're doing,"

е ова.

 

Прво за филмот, не сум голем фан на Disney и Pixar и нивните дела во последните неколку години, но филмот визуелно и аудитивно изгледа ок. Еден од моите омилени анимирани кратки филмови е In A Heartbeat кој хомосексуалноста ја зема како главна тема и многу убаво ја прикажува мислата дека да се сака некого од ист род е ок, а не само како потточка за „репрезентација на геј популацијата во нашиот нов филм затоа што е 2022 и мора да имаме репрезентација или ќе бидеме canceled“.
Не сум мајка, но доколку би имала деца не би ми пречело тие да гледаат вакви филмови.

За сите што напишаа пред мене или после мене имам едно прашање и општо за сите родители:
„Не би им дозволил/а на моите деца да гледаат филмови за хомосексуалност или филмови каде што има хомосексуалци или транс луѓе, не ми се допаѓа како ја наметнуваат оваа тема и ги тераат да си мислат дека е во ред или ги прават моите деца геј“
Ги гледате паровите од ист род како нешто што не е во ред но тогаш зошто им дозволувате на вашите деца да гледаат турски серии? Зошто уште како мали дечиња кои штотуку почнале да зборуваат им НАМЕТНУВАТЕ љубовни зборови во смислата дека тие ќе имаат пријателче/пријателка и родителите тоа го гледаат како „Ах, дечко/девојка ли ти е тоа?“.
Доколку хомосексуалните парови не се во ред, тогаш зошто има многу повеќе насилство и не се поздрави хетеро паровите во реалноста, а и во фикцијата? Доколку бев мајка повеќе би сакала моите деца да ги однесам на кино и да го гледаат овој филм отколку да седат дома и да гледаат на ТВ како богат турчин наоѓа сиромашна турчинка и и наметнува врска и ја контролира и малтертира. Повеќе би сакала да го гледаат овој филм отколку серија за девојка која била сексуално силувана и мора да живее со својот насилник. Да го гледаат овој филм отколку некоја серија каде што маж со нерешени нервни проблеми зема пиштол, оди во куќата на својота девојка, крши се во нејзиниот дом, повредува некого... само затоа што некој друг маж и презборил и ред други примери.

Можеби дека пораснав со интернет и социјални мрежи, мислењето ми омекна кон овие теми, но разберете дека светот се менува и идните генерации мора да се научат да се прифаќаат помеѓу себе.
Никој не им наметнува на вашите деца да бидат геј, само сакаат да им покажат дека тоа не е зло дело.
И не само сексуалноста, туку и љубовта, општо, сметам дека треба да им ја прикажуваме на најмалите како позитивна врска.
Не сум многу добра во искажување на моите мисли и извинете доколку не е мое место да зборувам во оваа тема, но тоа ми е финалното мислење: да бев мајка, не ќе имав проблем со моите деца да гледаат LGBT анимирани филмови

 

@паралелограмче јас во мојата околина не знам никој кој гледа или им пушта на децата турски серии. Може се случува некаде во некои семејства, сешто ќе најдеш по светов, ама како го напиша како сите да седиме и турски серии на децата да им пуштаме абе како "факти" нафрлате на форумов, чудо едно.

 

Не велам дека сите го правите тоа но има огромен број на деца во нашата држава кои ги гледаат затоа што родителите не се замараат со тоа што се прикажува на ТВ и што гледаат нивните деца. Ок тогаш да го сменам примерот, многу деца сега гледаат видеа на youtube оние со разнобојни thumbnails кои имаат многу непријатни и грозни сцени со фетиши но личноста која зборува на видеото го прави тоа на бебешки начин и е во ред децата да го гледаат тоа, но границата се поставува кога има сосема здраво прикажана врска во филм помеѓу луѓе од ист пол?

 

Sexual message.
Тоа што сите queer луѓе ги доживувате така, зборува многу повеќе за вас, отколку за нив.

 

Имам неколку прашања:
Зошто кога има љубов помеѓу ист пол одма по дифолт значи сексуализација, перверзност, а љубовта меѓу машко и женско се гледа како некој идеал? Зошто љубовта меѓу Пепелашка, Снежана, Заспаната убавица, Бел, Ариел, Јасмин и соодветните принцови не е несоодветна за децата, не се сфаќа на сексуален, перверзен начин, туку само истополовата?

Исто како што постои романтична, невина љубов меѓу машко и женско, постои и кај машко и машко и женско и женско. И обратно, исто како што постои сексуален нагон и сексуализација меѓу истополови луѓе, постои и меѓу луѓе со спротивен пол. Зошто секогаш се става акцент само на едното при вакви случаи?

Како ги замислувате истополовите парови во секојдневен контекст, дека цело време голи се плескаат со камшици? Не постои нежност, не постои негување љубов, семејна приврзаност еден кон друг и кон свои деца, почит, доверба итн? Со исти проблеми се соочуваат како и во секоја хетеро врска...

Да одговорам на темата: не би имала никаков проблем со тоа.

 

Очигледно не си гледала доволно.
Не се сите турски серии вакви.А, има серии и филмови од ваков тип и од други држави така што нема смисла да се напаѓаат турските.



На темава...
И ова ли ви смета?
Содржина што треба да ги научи децата да прифаќаат поинакви од нив или ако станат дел од таа заедница да се борат за својата љубов.
Ако вака гледаме, оние кои ги сметаме за традиционални анимирани филмови имаат нешто што е несоодветно за деца.Но, не се буните за тоа.Веројатно не ни знаете.
Има јутубери кои зборуваат за тоа.Гуглајте и гледајте.

Да, време е.

 

Мене ми е сосема прифатливо. Така децата ќе научат дека не се сите исти и дека треба да се прифатат сите врски. Плус, од голема помош е, доколку некое детенце се чувстува на "поинаков" начин, ќе знае дека е сосема нормално да имаш чувства кон ист пол и дека не треба да се сраме од истото.

Сигурно нема после анимираниот филм, сите деца да "испаднат геј". Додека бев основно, децата од клас гледаа Долина на Волците, па еве, никој не стана мафијаш.

 

Не ми е прифатливо ни за возрасни а уште помалку за деца.

 

Не знам како е нормално и прифатливо деца да гледаат Beauty and the Beast а не е прифатливо да гледаат филм со ЛГБТ содржина?

 

Незнам во која насока се движи приказната во филмот па да коментирам дали е соодветно или не и дали би дозволила да го гледа на толку мала возраст или не.
Ама имам едно прашање за оние кои без да го знаат контекстот на приказната, рипнаа против. Дали не ви смета да живеат децата во заблуда за принцези и принцови и розев свет на бајки? Какви очекувања разбудува ова кај децата, особено кај девојчињата? Нели е потрагично да се создаде илузија дека во иднина ги очекува принц кој ќе им обезбеди замок, пари и убави нешта, наместо да се создаваат јаки личности кои треба да размислуваат дека сами треба да се грижат и борат за себе и своите потреби било тоа да се девојчиња и момчиња? И дека нема машки и женски работи, дека нема машки и женски бои и други банални разлики.

 

Истиве луѓе викаат дека геј луѓето не треба да имаат деца поради тоа што ќе ги исмејуваат во школо, а кога се работи за едукативна содржина што е баш направена за да се одбегне тоа, одма мрчат.

Можеби вие треба да го изгледате филмов па да научите нешто ново.

 

Што може непристојно да има во анимиран филм за деца со PG rating (како и речиси сите анимирани филмови)?