Најздравиот начин да го ревитализирате вашето тело со витаминска бомба е преку природен домашно исцеден сок. Свежите сокови од овошје го чистат организмот од насобраните токсини, а соковите од зеленчук го регенерираат, додека заедно го зајакнуваат имунитетот. Потребен е само соковник и добра волја, па чашата на здравјето ќе биде и чаша на задоволство. СОК ОД ЈАБОЛКО Сокот од јаболко содржи пектин кој ги чисти црниот дроб и цревата и ја обновува цревната флора. Ги апсорбира отровите од цревата и со тоа го олеснува прочистувањето на крвта и кожата, а исто така го подобрува и излачувањето на мокрачната киселина. Благодарение на изобилното количество витамини и минерали, сокот од јаболко ги чува срцето и крвните садови и го намалува нивото на холестерол во крвта. Сокот мора да биде 100% чист, без додаток на шеќер. СОК ОД МОРКОВ Сокот од морков содржи бета каротен, фолна киселина, витамини Ц, Б и Е (наречени уште и витамини на младоста), калиум, фосфор, магнезиум, калциум, па морковот е идеален помошник за зачувување на убавината на кожата, ноктите и косата. Богат е и со витамин А, кој го стимулира растот на клетките и нивната делба, ја нормализира размената на материите и хемиската рамнотежа во организмот, го зголемува имунитетот и го подобрува видот. Препораки: Бидејќи во сокот од морков има доста шеќер, не треба да се пие во големи количини и најдобро е да се разреди во однос 1:1 со вода или со сок од друг зеленчук или овошје. За освежување на организмот: во соковник се цедат два моркова, едно јаболко и парче целер. За зајакнување на организмот: во соковник се цедат два моркова, две цвекла и еден лимон, а се додава малку магдонос, една лажичка сусам и една лажичка матичен млеч. Се препорачува за пушачи за блокирање на канцерогените материи присутни во цигарата. СОК ОД ДОМАТ Сокот од домат содржи многу ликопен, кој штити од рак и од болести на срцето, но и ја штити кожата од штетните влијанија на УВ зрачењето. Исто така, содржи витамини Ц и Е, па се користи и за релаксација на нервите. Се користи чист сок од домат или разреден во однос 1:2 (еден дел чист сок и два дела вода). СОК ОД ЗЕЛКА Листовите на зелката содржат калиум, сулфур, железо, калциум и селен, кои штитат од рак, но и делуваат позитивно на желудочната и цревната слузокожа и спречуваат појава на чир, а ако тој веќе постои, влијаат поволно. Сокот од зелка изобилува со витамини Ц, Б и Е и провитамин А. Препораки: Сокот од зелка има силен вкус, па се препорачува да се консумира со сок од јаболко или морков. Сличен состав има и келот, па може да се користи како замена на зелката. СОК ОД КОМПИР Изобилува со витамини Ц, Б и К, како и со минерали калциум, калиум, железо и магнезиум. Поволно делува на органите за варење. Помага при хроничен гастрит, киселини, гасови, колитис, опстипација (нередовна столица). Препораки: Може да се користи во комбинација со сок од зелка или морков. Важно е сокот од компир да се пие кога компирот е зрел и тоа од јули до февруари, бидејќи по тој период во ‘'ркулците и зелената лушпа се насобира отровна материја соланин. СОК ОД ЦВЕКЛО Содржи многу витамини и минерали, пред сè фосфор, калиум и сулфур, кои се битни за создавање на еритроцитите. Исто така содржи и магнезиум, па го зајакнува и нервниот систем. Поволно влијае на нарушен менструален циклус, климактерични тегоби, ревматизам и покачен крвен притисок. Одлично го прочистува организмот од отровни материи. Препораки: Сокот од цвекло треба да се чува во фрижидер 3 часа пред употреба, бидејќи содржи супстанци кои предизвикуваат мачнина, а со чување во фрижидер тие супстанци исчезнуваат. Се препорачува да се пие по една чаша сок од цвекло дневно и тоа навечер. Колку често конзумирате вакви видови на сокови и доколу имате некои ваши испробани рецепти и совети ми можеле да ги споедилете, инаку јас секојдневно ги пијам и сум презадоволна
Ние дома го имаме соковникот од топ-шоп,Power Juicer и бидејќи често цедиме овошје,пијам неколку пати во седмицата.Мене ми се прекрасни тие сокови,имаат одличен вкус и најважно е дека се здрави.
Порано не пиев скоро ич , а сега секое сабјале кога станам првата работа што правам е да си исцедам сок од портокал и лимон и така ми започнува денот
Кога има свежо овошје во изобилство, не цедаме сокови. Но на зима, свежо цеден сок ни е нешто без што не можеме. Маж ми е по таа работа, мене некако ми е мака цедењето, а плус ме критикува дека не го доцедувам до крај овошјето. Рецептот ни е 4-5 портокали, 2 цитрона, 2 лимони, многу малку вода која ја додаваме при цедењето и без шеќер. Јас си додавам малку ѓумбир. На истиот апарат може да се цедат и калинки, претходно внимателно расечени на пола.
Ова е и моjот омилен рецепт само без гумбир и вода. И наjважното, нема потреба од соковник и половина час миенjе и сушенjе!
Сокот од кисели јаболки ми е омилен од свежо цедените, а секојдневно конзумирам од портокали или лимони.
Обожавам цеден сок од јаболко. Баба ми ми имаше купено некој евтин соковник и 1 час стоеше врз тоа за 1 чавче сок. Многу сакам цеден лимон, цитрон и портокал измешани заедно. Нешто што не е цедено, меѓутоа е природно, односно домашно, а одвај чекам пак да го пијам, е домашен сок од малина. Го пробав кај едно девојче во Берово и затоа што сум многу гадлива кога слушнав домашен, си реков ајдеее, само што го пробав ми светнаа очите. Одвај чекав некој друг да побара втора тура за да добиеме и другите.
Многу ги сакам свежо цедените сокови,омилен ми е од портокал, лимон и јаболки. Ама многу ме нервира миењето на соковникот после тоа. Пред некој ден случајно забележав дека отвориле Џус бар во Сити Мол, имаат интересни комбинации и цените им се ок. Барем не мора да го мијам соковникот пола саат после цедењето
во последно време секој ден си цедам портокал и цитрон за витка линија а преку зимо аронија јаболко и портокал .
дефинитивно нај јака пијацка,природно исцеден сок...го обожавам од портокал и грелпфрут,после кафето насабајле обавезно пијам фреш