Читав по темиве и наидов на многумина кои оправдуваат и практикуваат подмитување и фаќање врски за различни потреби. Не е нешто ново ова што го прочитав, сите знаеме кај нас дека повеќето решаваат проблеми на тој начин. Ме загрижува фактот што таквите се во многу голем број, толку голем, што во сите сфери на нашето општество е тоа по дифолт. Во секоја институција има такви кои примаат мито. Секојдневно има примери на луѓе кои бараат пријател да им скине казна, да им поправи оценка на детето, да завршат работа преку ред некаде, да добијат место во студентски дом, да добијат работа, диплома... итн итн.. листата е бесконечна. Имам навика, доколку посведочам криминал (да ова е криминално однесување), да пријавам кај надлежните. Многу често не спроведуваат, бидејќи и тие се дел од таквото функционирање на системот. Не знам колку пати во МВР сум пријавувала тепачки, насилства врз жени, пукање од огнено оружје итн. Не се' било процесуирано, често се обидувале и самите полицајци да ме одвратат од идејата да пополнам изјава и да биде предадена во ЈО. Но не се откажувам. Би сакала и мене некој ако ме тепа, некој да пријави. Интересно е на пример, како комшии знаат се' за секого во маалото, ама ако има кражба тогаш никој ништо не знае и избегнуваат да дадат изјава. Од друга страна, сум имала искуство кога полицаец, додека пријавувам, ми има нагласено дека е многу добро што тоа го правам, и дека имаат проблем со тоа што луѓето не пријавуваат. Дури и имале некои кампањи, кога контактираат со народ, да им ја објаснуваат потребата од пријавување криминал, и дека им фали соработка со народот. Она што ме интересира е, како вие гледате на сето ова? Дали оправдувате криминално однесување? Дали замижувате ако знаете за нечие криминално однесување? Дали пријавувате доколку сте сведоци на криминал? Дали доброволно давате изјави како сведоци?
Добро, никој од форумот никогаш не пријавил ништо? Ами како да нема криминал, ако не пријавувате бе? Чим онаму на темата коментирате, што не ви се допаѓа во Македонија, зошто не сте презеле ништо? Или така... само да си кажиме што ни смета, и да чекаме само од себе да се реши? Ах бе македонче, македонче
Да, сме пријавиле украден точак, два пати... полицијата два пати ни рече, ништо, тој сигурно е продаден до сега... и така Tие си зедоа плата тие месеци, ние останавме два пати без точак. Инаку ова во два различни града, да се знае оти полицијата е секаде иста, хаха
Неодамна чув за некој идиот што наточил гориво во една бензиска, па фино лепо му ја здувнал без да плати. Вработените пријавиле, а полицајциве возвратиле дека е веќе касно штом заминал и не можат ништо да сторат. Мисла дека и повеќе од јасно ни е дека џабе е и да пријавиш кога тие не си ја вршат работата како што треба. Сведок сум на нивната непрофесионалност и незаинтересираност, кога поминував низ град ги чув како се договараат каде да отидат на јадење и кафе бидејќи немало што да се работи нели. Па досадно е да дремеш во комбе во работно време и да си ја вршиш должноста. Не знам како е по други градови, не сакам да генерализирам, ама кај нас и да има и да нема полиција- исто е, сосема се бескорисни.
Јас сум пријавувала, не само во МВР, туку и во инспекторати и други надлежни, и се реагирало некогаш и се презеле соодветни мерки.
Пријавувам криминал и други прекршоци кои колку ситни да ни изгледаат ни ја уништуваат државичката и го поддржуваат оној менталитет дека ништо нема да се промени. Имам пријавено случај на семејно насилство, еднаш дадов доброволно изјава во полиција за една тепачка како сведок - не ме повикаа на суд, странките си се спогодиле и си платиле прекршочни казни за нарушување на ЈРМ, имам пополнето и приговор проти вработена во еден од мобилните оператори која не го почитуваше бројче системот туку нејзини луѓе си викаше, и да понекогаш блиндирам на возила кои брзо возат иако нема полиција на патот
Надежта во луѓето, за нијанса поголема... Посебно ми се допаѓа она со блиндирањето. Бидејќи е поради безбедност, а не поради казна.
Да де, за украден точак одговор од полицијата: "За толку пари не ни се исплати да го бараме". Еднаш седев со еден сексист, ѓубре од човек, инспектор во МВР. Му се крена коса што женско седеше на иста маса со мажите па и му противеше во муабетот Кажуваше како за мали кражби не се ни труделе да ги фатат, не им се исплатело. После тоа почна да раскажува каку му украле од кола две маици од Пренди од по 220 денари и многу се изнервирал, зел отпечатоци и го нашол крадецот. Значи за него за помалку од 500 денари може да се ангажира, а за друг за велосипед од 9000 не може, не бил доволно скап. Имам роднина полицаец, случајно фатил украден телефон, на финта го фатил крадецот. Во станица инспекторите ќе го убиеле затоа што се мешал кај што не му е работа. Требало да игнорира иако приметил дека е украден, вака им отварал работа.
Не сум пријавила криминал. Не сум ни имала потреба. Ама од искуство на други ке кажам дека ништо не се презема, за жал. Таква ни е државата.
Ќе го пријавам Шилегов за комарциве па ова не е нормално да порано имало комарци ама оваа година не е нормално ајде касале комарци ама не вака . Огромни пликови имаме од касање на комарци вчера цело лице ми се здрви мислам дека ми гореше па ставав мраз и крема за вакви работи. Иначе да имам пријавувано некои работи али без полза ...џабе е се во нашава држава. И сум сакала да го пријавам комшијата ама не го пријавув бидејки знаев дека нема ништо да се направи и се по старо ќе биде
Не сум пријавила криминал до сега иако пред неколку години сакав али немав доволно докази и не бев сигурна а сериозна осуда е, се сомневав во еден тип низ маало што го гледав дека е педофил на два пати го видов со различни девојчиња а кога поминував наеднаш се разделија и многу сомнително ми падна уште првиот пат и после и друго девојче и се мислев што да правам а типов скроз непознат ми е не му знам ни име ни ништо и после не го видов повеќе само тоа ми остана така неразјаснето. Како би изреагирале вие во ваква ситуација?
Искрено моја роднина постојано пријавува било какви нерегуларности. Но оправањето на државата мора да тргне од самиот врв на државата - рибата смрди од главата. Во држава каде припадник на МВР се удира од пајак и покрај тоа што цела држава знае дека тоа е лага и министерот за внатрешни работи самиот ја заташкува работата; потоа премиерот на државата Заев фатен на дело како бара мито со снимка не е обвинет - читај судството е под негова контрола - немаме правда, делат средства за иновација по партиска книшка на фирма затоа што купиле кола со еуро 6 (јаката иновација), набавуваат 60 возила за МВР без тендер во вредност од пола милион евра од фирма која не е генерален застапник за Шкода во државава под изговор итно е, и што ли уште не , смешно е да мислиш дека државата ќе се оправи ако пријавуваме во МВР. Маж ми еднаш пријави дека ми го украле точакот и за чудо му го најдоа после неколку месеци.
Возрасна жена,баба на едно од децата (група од 10-11-12год. деца) одејќи кон продавница посведочила на кражба на сладоледи во која група бил и нејзиниот внук.Си влегла во комшискиот дуќан во кој секој ден пазари и ги познава сопствениците како комшии, без притоа да им каже било што на децата или на газдите на дуќанот . Се јавила само на мајката на детето . Изговор бр.1. Може децата ќе ја нападнале 2. Ќе му се налутиле другарчињата на внучето па ќе немал со кого да игра ! Почнувајќи од вакви ситуации што понатаму да очекува човек ?!? Е кога го украле велосипедот на внук и од пред зграда тогаш галама до небо кренала како никој ништо не видел ?! Очигледно има и други како неа па си молчат Оти нели не е нивна работа! "Сва среќа "не ми беа потребни сведоци за семејното насилство имаше доволно физички докази инаку ниту еден мој комшија немаше видено и слушнато ништо ! - тоа биле семејни лични проблеми, не можеле они да се мешаат. Нели имаше измени во Законот член кој предвидува парична казна за сведок кој нема да пријави насилство ?!? Очигледно не се користи во пракса. И можам да набројувам во недоглед криминални однесувања, што од граѓани што од службеници ама за жал не знам како тоа би решило нешто . -"Не се прави по паметна од другите што молчат, ти ли ќе ја оправиш цела држава , чуждо гајле не бери !?" Универзален изговор во секојдневието !
Знаат комшиите се'. Само кога е за оговарање, реферати, есеи можат да изнапишат... Знаат и ако има семејно насилство некаде. Само што молчат, кога ќе треба да сведочат... што викаш, да не се мешале. А мешање не е сркање со двете раце по цел ден: овај вака - онаа онака.
Сум пријавувала многу работи, ама што дека. Кај што има сила, нема правда. Така да, лично јас полицијава не ја сметам за никаква институција, јас самата за себе сум си институција и на свој начин ги решавам личните незадоволства.
Пред извесно време во влез начекавме две сомнителни лица, 2 минути подоцна сфативме дека се крадци и дека провалиле кај нас дома. Се беше расфрлано по земја, но очигледно немале доволно време, па не нашле ништо. Повикавме полиција, направија записник и не советуваа да не стравуваме многу, затоа што сигурно не станувало збор за некоја опасна група. Немаше украдено ништо, па доволно ви е јасно дека никој не се потруди ни да започне истрага. Што има па тие да се малтретираат со истраги, и онака се си беше дома
Кај нас во нашата држава значи кога ќе ги вработат полицајци докторки преку политика тие се опуштаат и работата ја сметаат за ладење дека се снашле ај па ке си ги ладат и несакат да превземаат одговорности. Полицајците нели за нив се е дозволено познавам полицајци што дилаат, си ги тепаат жените таков ли да те бране бре?