Работа во кол центар

Здраво дечки, годинава ќе се префрлам вонредно бидејќи сакам да почнам да работам.
Аплицирав во неколку кол центри по препорака на другарка. Знам германски и англиски добро да зборам. Сега проблемот е што не знам што да очекувам и ме фаќа страв да не направам многу грешки.
Ако може некој да сподели искуство би било убаво.

 

Прво, со среќа на интервјуата Јас работам 5-та година во кол центар, сум менувала фирми до сега но во принцип истото е сегде, со таа разлика што некаде е поприфатливо во поглед на смени (некаде имаат ноќни) но во суштина на наши празници се работи, некаде и за викенди.

Мислам дека најмалку Б2 ниво се бара од јазикот за кој аплицираш, пак ќе речам зависи од проектот и од фирмата, индивидуално е. Спреми си одговори на општи прашања, да се претставиш, да кажеш некој збор за себе, за студиите, интереси, хоби и слично. Каде го научи јазикот, зошто аплицираше на огласот и.т.н. Поважно е да бидеш опуштена на интервјуто отколку да се замараш со правење грешки. И јас грешам и сите грешиме иако работиме со години.

Треба да им доловиш дека си опуштена во комуникацијата бидејќи нели тоа ќе го работиш.

 

Со среќа. Многу потценета работа, иако е исклучително тешка. Најмногу зависи од фирмата (организација, менаџмент), потоа од проектот(смени,продуктот каков е) и на крај и од тимот/колегите. Генерално ако е корисничка поддршка знае да биде многу напорно, особено ако бараат (а најчесто бараат) да бидеш мултитаскинг, истовремено да одговараш на повици, на чат, на мејл. Постојано има нови информации, нон стоп нешто се случува што мора да се знае и да се памти. Некои фирми имаат краток онлајн тест по јазик, па потоа ти се јавуваат, обичен муабет чисто да видат како ти оди јазикот, така што спреми си го најлесното, нешто за себе, за студиите. Бидејќи знаеш германски, Сити Конект мислам дека се коректни, и Хелоо, двете се хрватски фирми, но даваат регуларни договори за вработување и секако ќе можеш дома да работиш. Телеперформанс се так-так, за почеток се ок. Вебхелп сега отвори фирма во Македонија, и они плачат за германисти, Webhelp.mk. Сите даваат над 600 евра плата, ако добро го зборуваш јазикот, аплицирај обавезно и со лесно. Кога ќе стекнеш искуство, ќе можеш апсолутно и да пребираш во однос на условите, иако во контакт центар горе-долу секаде е исто.
пс. Најчесто се работи 5/7 дена, се работи и викенди, зависи каков ќе ти биде распоредот, така што празници-делници заборави, но се секогаш платени. Некои фирми имаат две смени, некои имаат и трета смена. На сметкна на тоа, платите за германски се поголеми отколку со другите јазици.

 

Искуства со Global Data collection company? Работната позиција е telephone interviewer,работа од дома.

 

GDCC? Што те интересира конкретно? Работат истражувања на пазарот односно анкети, зависи од проектот, се работи или со фирми или со физички лица. Се јавуваш по луѓе, правиш анкети и тоа е тоа. Работно време и плата претпоставувам зависат од јазикот, проектот и клиентот. Просечна плата веројатно даваат, ама па механичка е работата и нема многу интелектуално и психички да се трошиш.

 

Има ли дефинирано раб.време ? Или пример може од 10 до 5 , или од 8 до 4 и сл?

 

Не знам како работат, јас работев за нив пред години и тоа во Холандија дур студирав, некои шест месеци. Работното време зависи од јазикот со кој ќе работиш и проектот. На пример ако работат амерички пазар, јасно е дека ќе се работи ноќе. Ако се работи со фирми тогаш се следи работното време на фирмите. Ако се јавуваш по луѓе, тогаш може да се работи или во две смени или прва/втора. Не знам зашто не прашаш ако си аплицирала, мора да ти кажат, тие ќе ти дадат најточни информции. И ќе си видиш дали ти одговара. Вака може само да погодуваме.

 

Не не јас немам аплицирано ,вработена сум. Золвами беше заинтересирана па налетав на темава и си реков да прашам.

 

Толку можам да ти кажам. Нема што да изгуби, ќе аплицира и ќе дознае што е точно работата. Инаку генерално е легачка работа во смисла дека не се ангажираш ментално и особено ако е за жена со деца или студент кој сака да вежба јазик, мислам дека е идеално.

 

Ме интересира дали редовно плаќаат и дали банките земаат некоја провизија одкако ќе стигне приливот на средства?

 

Фирмата е регистрирана во Скопје колку што знам, си имаш договор за вработување и тие си ги подмируваат сите трошоци, ти си добиваш на сметка нето плата. Ако си аплицирала, прашај ги нив за сите детали.

 

Некој дали знае каде би можела да најдам закон за кол центри?

 

За што конкретно? Фирма ко фирма, тие се законите.

 

Здраво дали некој знае каде би можела да најдам работа во кол центар?

 

ItLogistics многу фер фирма и со убави услови. Не знам дали имаат оглас во моментов ама често вработуваат, можеш да пратиш cv. Најди ги на интернет.

 

Искуство да сподели некој кој работи во кол центар, за германски.
Дали се прави некакво тестирање ?

 

Кои се најпоставувани прашања на интервју? Аплицирав на оглас за sales specialist. Немам некое знаење од областа, ми е страв да не се погубам со одговорите.
И како би идело пријавувањето доколку ме примат, бидејќи е американска фирма дали може да ми штети на студиите? Ко редовен студент се водам.

 

Да се претставиш, зошто си аплицирала, дали имаш искуство, зошто да те примиме. Типично такви.

Мора да те пријават со диплоната од средно.
Многу им е гајле дали студираш или не.
Ваму каде што сум сега во мојот тим сите сме студенти и не ни прават проблеми за полагања.
Инаку генерално зборам, нема врска дали е странска или наша.
Многу студенти се водат како редовни и си работат пријавени со целосна плата.

 

Има некој оглас од скоро? И дали се бара курс пример за јазик или не е задолжително?
И каде се објавуваат тие огласи оти на нашите огласи најчесто ги нема.

 

Не ти треба ништо специјално за таква работа, типично на интервјуто ќе имаш пробен дијалог на тој јазик и самите ќе си видат дали добро го владееш. Може ќе те викнат на уште едно интервју со некој од повисоко колку и они самите да видат.
Имаш на Кариера, Вработување и сите такви страници огласи, само нема да бидат насловени сите Агент за кол центар, ќе бидат Агент/Специјалист за грижа на корисници.