При неодамнешната преселба во новиов стан, со сопругот одлучивме дневната соба првенствено да ја користиме како работна соба. Од проста причина што кујната е прилично голема и може да биде истовремено користена и како дневна при посетите на ретките гости, решивме да го искористиме просторов на попрактичен начин, т.с ставивме огромно биро со доволно простор за сета електроника и регал со полици за многуте книги и папки за документи. Црната гарнитура наспроти белите биро и регал ја доловува сериозноста, т.с некој ефект за празнина, ладноќа кој сакавме да го постигнеме. Кое е вашето мислење за потребата од ваквите соби? Што се имате на бирото и каде ги сортирате сите ситници, листови, книги? Можете да споделите слики или идеи за тоа како би изгледало вашето биро или работна соба во иднина, или пак како изгледа во моментов и дали евентуално би направиле некоја измена.
Мене ми е доволно едно средно големо биро, бидејќи никогаш не се расфрлам со книги и хартии. Многу сум организирана кога станува збор за тоа и дури и во студентските денови кога имав повеќе предмети за учење, се’ си беше на свое место, средено и подредено под број, страниците маркирани со пост ит и обележани од каде до каде, книгите наредени по ред како што ми беше планот за учење. Сега ми е доволен лап топот, малку место за кафе, чашка со квалитетни пенкала и книга или тетратка по потреба на бирото, и засега не гледам потреба од специјална соба, иако би било убаво да се има една таква во домот кога работата би ми била поинаква. Минималистичкото уредување ми е идеално за работниот простор (иако не ми е омилено кога станува збор за остатокот од домот) бидејќи не треба ништо да го одвлекува вниманието. Шарени тетратки, лепенки, рамки со слики и такви работи не би вметнала во моето идеално биро.
Па пошто ние имаме мислам дека се доста корисни не мора секој да ти го гледа семејството што доага и да ти шета низ куката одма од вратата првата соба.На биро компјутер.тефтер со броеви,телефон,пенкала, во папки и на полицата позади бирот ги ставаме листовите Спојлер совет за полесно да се снаогаш со документите на секоја папка напишано за шо е и што има во неа Еве ке ја опишам затоа што ако ја ставам некој може да ме препознае и низ мислењата да ми виде за да си за зачувам приватноста не ставам слики од мојот дом Спојлер значи има полица позади бирото голема колку џидот,биро стол,гарнитура за седење,и маса со 10 стола кај логиите
Јас поинаку ја замислувам мојата работна соба, и во потрага сме по стан во кој гледам да има едно катче само за мене, или пак заедничка работна која би ја делеле со сопругот. Ми треба простор за моите книги, списанија, кои би биле сместени на полици на цел ѕид, биро за лап-топ, и работен пулт со полици и фиоки за сите мои тракатанци, машина за шиење, материјали, монисти и секакви делчиња и рециклирани материјали кои чекаат да бидат преобразени. И удобна фотелја до прозор за читање и релаксирање, собни цвеќиња, а во еден дел мала софра и расфрлани перничиња за кафе и муабет. Се надевам во брзо време ќе ми се оствари замислата.
Ние дома имаме и таму пегламе, изработуваме разни работи (како цртежи и др.) и искрено многу се корисни ваквите соби.
Да имам една просторија вишок во домот, попрво би ја искористила како работна соба, отколку како соба-орман Ќе ми требаат многу полици бидејќи имам доста книги, така што еден ѕид ќе биде резервиран за тоа. Би поставила едно големо биро за целата техника, како на пример лап топ, скенер, принтер и слично. Убаво ќе ги организирам сите материјали и прибори што ги имам, затоа што мразам натрупаност и сакам кога знам во секој момент кое каде е. На ѕидот каде што ќе ми стои компјутерот ќе закачам Post it board, а на работната маса задолжително ќе си ставам сончогледи за да ми го подобруваат расположението И ќе имам една помала масичка на која ќе ми стои машината за пишување. Дома имам машина, ама немам каде да ја ставам, па не можам да ја употребувам. Во однос на мебелот и ѕидовите, не би експериментирала околу боите. Црно-бела варијанта ми се гледа како најдобра.
Во моментов, имаме дел од дневната со биро со фиоки и компјутер, со тоа што малку на страна е од гарнитурата за седење, па делува малку одделено. Тука имаме само 4 фиоки кои ги користиме за работите кои најчесто ги користиме, а другиот дел од хартиите ни се во спална, во една комода, што според деловите што ги има од прилика изгледа вака: Инаку во план ни е една од собите да биде работна соба, ама уште не сме дошле до таму. Сериозна работа е куќа, не се постигнува
Мојата соба ми е пола работна соба. Покрај тоа што ми се наоѓа мини библиотеката која има повеќе стручна литература имам и доста големо биро кое собира се што ми е потебно. Не барам некој голем простор ама собира се што ми треба. Статичен комјутер со сите елемнети, звучки, тастатури и слично плус имам доста простор да се распостелам со хартии и книги, над слободниот простор имам табла за закачување белешки, на бирото исто така стојат неколку малки рамки за слики, сад за пенкала, сад за некои ситни предмети и кутија со марамици за мониторот. Некои побитни хартии ми се сортирани во класери, а останатото си го наоѓа местото во фиоките. Несакам изглед на класична канцеларија или некоја студена работна соба вака ми доаѓа супер, јас неможам да учам ако не сум во својата соба, намјирно и најпријатно ми е.
И ние имаме таканаречена работна соба. Заради децава не можеме се да ставиме. Врз неа е лап топот, а во фиоките имаме пенкала и тетратки. Ако ставам книги, одма ќе ги парчосаат.
