Знам дека насловот збунува,но навистина постојат луѓе кои не разликуваат лево и десно.Што мислите дека е причината за ова?Пример јас,не дека сум глупава или нешто слично,но имам проблем да ги разликувам.Прво треба да се ориентирам со која рака пишувам,па потоа да кажам дали е лево или десно.Не верувам дека само сум јас.Што мислите вие за ова?Дали овие луѓе имаат потешкотии со многу секојдневни работи во животот? Спојлер: Линк од интернет. http://www.crnobelo.com/zabava/interesno/30242-zosto-nekoi-luge-ne-razlikuvaat-levo-i-desno Инаку ако има слична,или иста тема слободно избришете ја.И не знам дали темава е за оваа категорија,не бев сигурна.
Имам чист пример во фамилија, мајка ми. Не разликува лево и десно уште од мала. Прво кога ми кажуваше не и верував. Кога се возиме во кола, и кажам врти лево и само ке ми рече : кажи каде не лево и десно. Така кога полагала за кола, паднала заради тоа. И еве до ден денес уште неможе да се ориентира. Многу пати и велам како можеш да незнаеш дека со десна рака пишуваш , ама некако со страните неможе да се снајде. Незнам, јас ова уште неможам да го разберам.
Проблемот е во ориентацијата во мозокот нешто слично како што е далтонизмот. Имам пријател кој не разликува односно не може да се ориентира по лево десно или север југ, исток запад како и губење на ориентација низ простор. Може десет пати низ иста улица да помине да ги знае објектите но просторот повторно да не му е запомнет.
Имам ваква професорка, си призна сама и рече „фала богу што не сум сообраќаен полицаец“. На презентациите од предавањата често се случуваше да рече: „тука од мојата десна страна гледате тоа и тоа“, а уствари покажува на левата страна и кога ќе се сети си правеше шеги на сопствена сметка. Многу ми е интересен овој феномен, ама навистина некои луѓе не можат да се снајдат во ориентацијата со лево-десно.
И јас имам пример во фамилија мајка ми не разликува, не знае кое е лево и десно, секако дека има потешкотии во секојдневието, не дај боже да се возиш во кола со неа и да ти кажува дирекција.
Јас имам таков проблем. Знам што е лево, и што е десно, ама пред да кажам треба да се замислам две три секунди да не згрешам, или некој ако ми каже сврти лево/десно, исто ми треба секунда да процесирам во мозокот. Не ми е хендикеп во животот, ама би сакала да не е тоа така, и како од пушка да кажам што е лево, а што е десно, ама не можам... ете не знам.
Еве јас. За да одговорам лево или десно треба малку да се помислам. Како мала никако неможев да ги научам страните, и на школо ме учеја и дома и неможев. Кога под пораснав сама си реков со десна пишувам и така почнав да ги разликувам, ама кога сум почнала да пишувам сум пишувала со лева и моите секогаш ми велеја не со таја рака со другата пишувај и долго време можев и со двете раце да пишувам, потоа само со десната пишував. Кога полагав за кола ми беше тешко постојано бев на штрек и голем стрес да не згрешам во вртењето. И тогаш си реков морам да запамтам дека инструкторот ми е од десна страна па така не грешавав. Ама сега кола уште не возам, а и да возам знам ќе имам проблем на почетокот. И скоро секогаш кога патуваме со мажот ми јас гледам на навигација и му кажувам кај да вози и грешавам тој се нервира бидејќи не секаде можеш на пат да се вратиш назад, И многу често ќе му покажам со рака кај да сврти бидејќи дури кажам ќе замине на право. Незнам зошто е така.
Поради професијата научив прецизно и брзо да одредувам лево/десно, латерално/медијално, и сл. Ама да ме утепаш никогаш нема да научам да се ориентирам поминувајќи меѓу згради колку пати и да поминувам меѓу истите, буквално секогаш ќе се збунам и ќе се загубам, па не ми е срам да признаам дека неретко си отворам Google Maps за да можам да си се ориентирам А инаку имам доста личности околу мене на кои лево/десно ориентацијата им е слаба, па ако им речам „десно“ а тие се фатат за нешто или свртат лево, им велам „не тоа, другото лево“ за да се снајдат
Bez griza. Ne ima mnogu od tie. Jas nemozam da razlikuvam levo od desno dodeka ne proveram so koja raka pisuvam. Na rabota ne sum se postramotila zosto non stop sum so molivot vo raka pa toa me relaksira, ama onaka apansas prasanje koja e leva a koja desna strana treba da probam so koja pisuvam. Direkcii za vozenje. Gledas! kaj ona drvono zavrti i podole kaj kukata.
Не сум во кожата на лугето за да знам како се чувствуваат но од мој аспект си велам како бе може да не знаете која страна на каде е .. xD Инаку на ум ми падна следново. Ако ставиш точка на бел лист, многу е тешко да одредиш каде е лево а каде е десно ако гледаш од пецепција само на точката и совршена бела површина. Така да повлекување на линија само ќе зависи од поставеноста на вашето тело. Сличен пример е Земјата и Месецината. Ние кога сме на земјата ја гледаме месечината дека е на небото горе и сметаме дека месечината е над планетата Земја. Но сепак може е и под планетата. Но во просторот нема агли и просторот е неодреден така што само зависи од местоположбата на перцепцијата. ( Ако излезете во универзумот и се поставите на некое место ќе ви изгледаат дека Месечината е позади Земјата ) got it ? Ако не прашам со која рака пишуваш !? - Сигурен сум дека знаеш веднаш. Инаку левата рака е име за полесна ориентација. Не сметам дека "лева" има предходно значење тоа е се букви "Л е В А" кои се измислени од човекот за да опише полесно некоја појава или предмет. Така да за полесно да ги научите треба да знаете како се викаат рацете ( не во просторот ). Така да откако ќе ги научите, само по името ЛЕВА/ДЕНА како асоцијација според раката ќе знаете и во просторот како да се снајдете. Следете го телото. Исто така како мислење ми е следно. Ако не знаете на македонски лева/десна страна, сте пробале ли на англиски Left/right како ќе фунцкионира !? - Како асоцијација може подобро да ви го перцепира мозокот ПозЗ3³ ®
Сум кажувала и претходно, татко ми кога бев мала ми купи математика за предучилишна возраст, па ме оценуваше по везбите кои ги имаше во неа. За лево и десно добив единица, па се убив од плачење. И да не ве наведе пат да ме прашате мене за некое место, ќе ве изгубам одма. Сврти лево а со десна рака покажувам Мислам дека ги подизвежбав страните до некаде, не се губам веќе (можеби заради гугл мапс), ама при заклучување или отклучување на врата обавезно грешам. Никогаш не научив на која страна се отклучува
Хахха ме насмеа темава. Јас имам мала бенка на левата рака и така ги разликувам или пак си викам: "Со која рака пишувам?" -Десна, оваа беше на неа повеќе леже пенкалото танана хахха. Некогаш знам и да се збунам оти јазикот ми е пред мозокот ама одма гледам на која рака беше бенката. Помала мака мачев со тета она само ме прашуваше која ми е лева, која десна рака за да ги научам. Некогаш и будала се правев намерно обратно и викав.
Мислев дека сум единствена. Па не, никој од луѓево околу мене немаат ваков проблем и јас им бев мета за зафрканции кога се работело за оваа тема. Па се умислив дека сум единствена. Порано го имав овој проблем, откако почнав да возам, повеќе не. Кога возиш сам, сакал-нејќел, мораш некако да се ориентираш. Лево-десно-право-криво, мораш да научиш. И сега немам проблем. Кога ќе ме праша некој за правец, како од пушка одма знам која е лева, која е десна страна. Порано бев за греота. Најсериозно. Изгубена во свемирот. Така што, вие што не сте се' уште возачи, а го имате овој проблем, имате надеж.
Како мала размислував некое време пред да препознаам, сега немам никаков проблем од прва да се ориентирам кое е десно/лево.
И јас како мала ми требало да размислам, сега не. Единствено знам некогаш да се збунам во случаи како со огледало, на слика или од различен point of view (на пример во театар гледајќи од сцената и од влезот/седиштата дека се гледа спротивно), ако ме разбравте добро
Па јас во главно пример од моја страна можам и разликувам лево и десно ама кога треба да му кажам лево или десно на човек што стои пред мене свртен накај мене ми треба време да размислам убаво ... сеа не знам дали е ова моево баш поентата на темава ама сепак да си кажам
