Јас ја обожавам палентата,научив за неа откако ми пронајдоа холестерол во крвта,искрено ми помогна многу,но јас знам многу малку рецепти за подготовка со палента.Па решив да ја започнам темава,со надеж дека ке ги споделите вашите рецепти со мене.Ви благодарам мои феминки Еве еден рецепт 3јајца, 1шол зејтин. 2шоља јогурт, 1шол палента, 2шоља бело брашно, 3суп.лаж.рендано сирење, 1пециво, сол по вкус. сето ова се меша убаво и се пече во тавче бр.28
Ова е рецепт за проја самошто наместо мумурузно брашно се става палента. Си ја сакам палента со сиренце или кашкавал внатре ставен откако ќе се свари а исто така и со ситно сецкана подпржена сланина со лукче. Поретко ја комбинирам како прилог кон одредено јадење, вака за појадок ми е најубава.
Еве нешто од мене: Ќофтиња од палента: за 6-8 ќофтиња: 200 g палента 2 лажици маслиново масло + за пржење сол и бибер 150 мл зовриена вода Измешајте ги палентата, солта, биберот и маслиновото масло, па додајте ја зовриената вода да добиете густо тесто. Од него направете 6-8 ќофтиња па пржете ги во малку масло средно загреано, прво од едната страна, околу 8 минути, да се оформи коричка, па додадете малку зејтин и превртете ги од другата страна. Го имам направено повеќе пати, може да додадете зачини и да експериментирате на пр. јас пробав со кари и сл. Малку се мрснички и со тврда кора но вкусни.
Мафини со палента Една чаша бело брашно, една чаша палента, една чаша млеко, пола чаша масло, пола ќесичка прашок за пециво, 2 јајца, 400 г свежо сирење, сол по потреба. Се мешаат посебно сувите и течните состојки, па течните се додаваат во сувите со постојано мешање. Смесата се става во хартиени корпици во калап за мафини. Се печат на 180 степени 20-30 минути. Мене вака повеќе ми одговара, оти овде никој не ми јаде проја, а вака ем помалку, ем повкусно.
Оваа доза ми е точно за 12 парчиња. Наместо палента може и пченкарно брашно. Од палентата може да крцкаат повеќе меѓу забите, а од пченкарното брашно ќе добијат убава коричка.
