Родови стереотипи – колку се сѐ уште присутни во општеството?

Мислам дека нема ваква општа тема за ова прашање по кое знаат и во СДК да се развијат дискусии со различни мислења, па решив да отворам.
Ме инспирираше еден страшно површен, да не речам и глупав твит, кој доста сликовито го отсликува стереотипот за машкоста.

Е до толку е, ,,вистинскиот“ маж се замислува со пиво во рака и фудбал, да урла и пцуе, па и да знае да лупне по маса, дури и до некултура и дефиниција за сељак е подобро да стигне според некои отколку да се грижи повеќе за изгледот – тогаш веднаш значи дека ,,застранил“. Мора да следи спорт, да биде подготвен во секој момент и за војник, а чудно е ако се интересира за мода, уметност...
И за жените важат слични стереотипни сфаќања, од нужниот чувствителен карактер, комплицираноста, па озборувањето, дури и до чудни погледи за девојки кои не користат шминка, штикли, не им е на прво место изгледот и модата и не обожаваат шопинг.

Што мислите, колку се сѐ уште распространети овие стереотипи и до кој степен? И дали следењето на истите според вас е одлика на површна личност?

 

Во нашето општество и тоа како постојат родови стереотипи.За машките обично се сврзани оние од типот:
Маж со престилка не личи...
Што,не гледаш фудбал? Абе ти арен си во мозокот?
Не те интересира девојчето,ти обратен си?
Види го,се издепилирал.Ах,овој педерче е.
Машко си,газда си
За жените мислам дека ги има многу повеќе... Неретко ми се случило и на своја кожа да осетам дел од овие малограѓански муабети...Цитирам:Ти девојче, не знаеш да готвиш? Ами кој ќе ти готви?
Земи дома работи,утре "домаќинка" ќе бидеш.
Зошто си олку нападно нашминкана?
Види, Анастасија грам шминка не носи.На женско не личи.
Леле на колкави штикли се качила,па не знае да оди...
Електро не е факултет за женско...
И безброј други,кои за жал пуштиле корен во луѓево.Жал ми е што морам да се соочам со ситуации каде ме убедувале дека не можам да направам нешто, бидејќи сум женско.Еднаш дури се најде еден "мачо мен" да кажува дека женските се послабиот пол ...Само едно прашање: До кога вака? Очигледно, додека не се читаат книги и не се едуцираат луѓето (и млади и стари)...
И сепак, најубаво е чувството кога си ослободен од оваа епидемија и си го живееш животот како што го сакаш.Се извинувам на долгиот пост.
П.С. Да не беше трагично ќе беше смешно.

 

Имаше пред некое време оглас: се бараат машки инженери.
И на твитер во дискусија една девојка ме искара: а девојчиња за работа кога се бараат, не ти пречи, а?

Да, ми пречи.
Бидејќи келнерка е девојче за работа, инженер треба да е машко. Не гледам по која логика ова би било фер.

 

И се закопа темата како што секогаш се тешиме дека нема родова дискриминација, па криеме под килим дека не е така.
Читав пред некое време една книга, дејството се случува по првата светска војна. Еден од ликовите ја има првата фабрика која вработува жени. Среќен е, жените сакаат да работат, а тој не мора да ги плаќа колку мажите (затоа што се жени, нели). Сто години подоцна ништо не е променето. Пак постои тој јаз, мажите земаат поголема плата од жените, жените потешко се вработуваат. Не само во Македонија Секаде низ светот.
За секаде низ светот не знам, ама за нашите мачо мажи знам, и можам со сигурност да кажам дека ретко кој од нив би се помирил со тоа дека жена му заработува повеќе од него. Во нивните очи жената се уште е предодредена само да раѓа и да чува деца. Каква е таа кариера на 25 години, а дете кога?
Ах, да, тука се и работодавците кои од далеку се пазат да не им отиде некоја на породилно. Уште да почнат бесплатни кондоми да делат и да присутствуваат на чинот за да се осигураат дека сте го искористиле кондомот.
Најболно од се е што ние самите си се газиме една со друга. Сензационален наслов, мажот ја претепал жената, во коментари ЖЕНИ коментираат "така и треба на к*чката, може ќе и дојде паметот.". И на форумот се забележува истото, најдете некој шовенист кој само ја навредува секоја втора девојка, ќе видите дека на едни исти постојано им се допаѓаат таквите мислења. Дали сакаат да ги нарекуваат со погрдни зборови, или кога е кажано на друг не боли не знам, ама мислам на таквите не би им пречело ни во лице да им речат.

 

Многу од моите врсници ги потценуваат жените и девојките. Во Македонија не се почитуваат жените но не знам како е во светот.

 

Одлична тема @Lella доста дискутабилно.Конкретно за кај нас сметам дека треба уште многу да се работи.Често кај нас сме исти на хартија,а во реалноста и не е баш така.Многу пати сум се соочила со ситуации каде што "паметните" ја одредуваат мојата сила и мојата "женска слабост", всушност бесмислено е.Ако јас се чувствувам способна да стојам на свои нозе,да кревам тешко...или било што,не може никој да ме разубеди.
И мажите не се поштедени од ова,иако кај нив ова е во помала мера.За нив класично се врзува поимот папучар.Па не сака секој да игра фудбал или да изигрува мачо-мен.
Најмногу нешто што ме иритира...Ако мажот смени 5 девојки-фраер е,ако жената го направи истото-ку*ва е.За жал,младиве така размислуваат.Па,ако јас сакам ќе сменам и 10 партнери,и на никој не смее да му биде гајле.
Во суштина треба уште многу да работиме на ова и да ги искорениме овие стереотипи од нашето општество.

 

Праф маш ако треба ќе јаде стакло и нема да покаже емоции! Маш не е маш ако барем два пати нема загинато во ратот. Маш кој употребува афтершејв е теткица, се знае тоа.
Шо е ова овие младиве, све за никаде, сите со по два џигери, не можат пола литро ракија од стоечки да мавнат, не виделе мака, не знаат како се калеше челикот, не знаат како се гради праф маш.

А па жениве па и да не почињам...

 

FLAWLESS-2007
Storyline
London, 1960. Laura Quinn is the lone female executive at London Diamond Corporation. She is frustrated as her talents are rarely acknowledged and her less-experienced male co-workers are promoted ahead of her..................
Филмов многу ме потсетува на темава и фино е да се погледне за да се воочат тие драстични женско-машки стереотипи на професионално ниво. Сепак филмски се открива интересна приказна и уште поинтерезен завршеток.
Јас сметам дека секој треба да е свесен кој му се маните,слабостите и цврстите страни,предностите и можностите и заканите во секоја област од животот независно од полот и дека треба да се однесува во согласност со околностите и со тенденција да се подобрува себе си а со тоа малку по малку и да ги менува околностите во општеството. Се додека се седи и кука а нема никакви дела нема ни резултати(било какви).
А ако имаме слабост во нашиот mindset такви и карактеристики ќе препознаваме наоколу независно во мажи и жени. А ако имаме сила во нашиот mindset такви и карактеристики ќе препознаваме наоколу независно во мажи и жени. Инаку злоупотреби на ова поле на стереотипи има и ќе имало,но само тие со слабост во mindsetot ќе се повикуваат на нив и применуваат во пракса. А секој има слобода на избор независно маж или жена да бира во животот како ќе се развива и себенадградува и каде тоа ќе вложува дел од себе според кој ќе се проценува како ваков или таков.

 

Жената рамноправноста во денешно време си ја сфаќа како и одговара. Си бира сама во кои делови ќе е рамноправна со мажот а во кои не. Изморена била, угнетена, деца гледала (во пижами по цел ден пик а бу со мали деца и твинкл твинкл литл стар) дури мажот и по цел ден пример на работа во типични машки работи. Да го ставам ова во наводници или не? Рудници, платформи, копачи, градежни работници, машинисти... Ама, садови не миел, и кромид не сецкал. Ок, не се сите вака очигледно ама во спротивна улога колку пример ќе најдеш? Оти не рече -ок, кога ќе завршам со доење после година дена, нека седи сопругот уште година или две дома а јас ќе работам по цел ден (ќе возам такси пример). Жените имаат поволности само затоа што се жени и не гледам мажи да се бунтуваат заради тоа или уште побитно не гледам феминистки да ги истакнат овие поволности и да бараат да им се укинат.
Се е ок, секој нека си го најде начинот на кој ќе функционира со партнерот, колеги, претпоставени и сл од спротивен пол без да се најде дискриминиран, ама за почит, еднаквост, рамноправност, секој си се бори, не само со спротивен пол туку и со својот. На тацна никој не ти дава затоа што си маж или жена која бара права кои некогаш не и следуваат дури не ги заслужи, нормално. Не зборам за земји каде жените вистина се угнетени и вистина немаат основни права, туку за нормални модерни општества во кои борбата за еднаквост од аздис е сведена на тоа кој колку пати оваа недела ја испразнил машината за садови, или дали на женски деца да им даваме камиони а на машки кукли за играње. Добро, нека се оди по сопствен избор, ама утре кога ќе отидеш првпат кај дечко ти кај него дома во соба и кога ќе видиш розеви ѕидови со стикери срциња, плишани мечиња, пуфкасти перничиња и перде со машнички, немој паника да те фати, оти во вода ќе пропадне цел муабет.

 

Кoј штo сaкa дa рaбoти не е темa вo муaбетoт oти не секoј рaбoти рaбoтa штo јa сaкa. Нo декa женaтa истo кaкo мaжoт нели не сaкa мaлтер дa мешa aмa некoј мoрa и тoa дa гo рaбoти пa велиш не и дaвa никoј oти женa е? Еве ти oд мене еднo хе хе oти и мене ми е преку глaвa дa слушaм вaкви oпрaвдувaњa. Не требa Херкул дa си зa мaлтер дa мешaш. Ниту пaк мaжoт се рoдил кaкo Херкул, вo тoa се слoжувaме. Пa?
И не збoрев зa бoледувaње трудничкo, збoрaм штo мнoгу жени си гo прoдoлжувaaт кaкo неплaтен oдмoр или нaпуштaaт рaбoтa зa дa уште некoе време гo чувaaт дететo дoмa. Зoштo истoтo мaжoт дa не гo прaви?
Нa некoи им лежи игрaње сo децa a нa други измaчувaње им е пa зaтoa сегa нa истo рaмниште ќе ги стaвaш сo прoфесиите пoгoре? Види, види, интереснo. Уште еднo беднo oпрaвдувaње.
И зoштo женaтa не мoже дa се врaбoти кaкo тaксист?
Зa пoследниoт дел, те прaшувaм дaли пaникa ќе те фaти, ти еве нештo искулирaнa ми глумиш декa сoсем нoрмaлнo ќе ти е. Зa женскo -дa. Ќе речеме декa е кул женскa aкo јa интересирa нештo пoвеќе oд типични женски рaбoти, aмa мaжoт не дoбивa ист третмaн. Ти мoжеш дa вртиш oчи кoлку сaкaш и дa се инспирирaш oд мислењa нa нет зa феминизaм и рaмнoпрaвнoст, кo дa првпaт сегa слушaме зa мaшки и женски стереoтипи, aмa пред дa зaвртиш oчи сврти се мaлку oкoлу себе, види дaли ти првo си спремнa дa прифaтиш тoтaлнa еднaквoст зa кaквa збoриш, a пoсле и другите. Пo мoе, пo изгoвoрите, не си.
И не ми е мене прoблем рaмнoпрaвнoстa, еднaквoстa, рушење нa стереoтипи, aкo дoбрo ме прoчитaш ќе сфaтиш декa лицемериетo ми е прoблем. А вo вaквa темa, дo утре мoжaм примери дa пишaм зa негo.

 

Никаде не реков педер, тука дека нема да го прифатиш нормално и ќе ти поминуваат прашања во глава, затоа што далеку сме од тоа да ни изгледа нормално, не сме дотаму дојдени. Освен некои како тебе де, малку понапредни од останатите.

За последното, од каде го извади и зошто? За самохрани мајки збориме? Во тој случај тежина постои без разлика дали си маж или жена што се грижи за дете и што треба да работи, рудник ли е, салон за маникир ли е, кој за што може. Се смееш за рударството, смешно е? Многу. А за мажот не е смешно? Нека работи таа во рудник а мажот нека се грижи за детето. Што е смешното?
Сите се криви што на жената не и дозволуваат да работи многу работи кои претежно мажите ги работат. А она една желба, ама ете...
Стереотипи лесно се рушат ако народот е спремен да ги сруши. Гледаш напредок кај младите во делењето на домашните обрвски и обврски околу децата? Да. Зошто? Оти тоа е најлесно. За други работи ќе почекаме, жените да бидат спремни.

 

Може, еве мене ме има возено женско таксист.
Самата јас сум во професија која не е физички захтевна, ама се води како машка професија. Сум видела како е работодавецот да нема доверба во тебе затоа што си женско (за чудо некое, ова со странски работодавци го имам приметено, не кај домашни). Ми се случило директно да ми кажат: "Како може женско да се разбира од професијава?".
Имаше една изјава на еден од најдобрите британски шахисти пред некоја година дека женските не биле способни за шах како што се машките. Истите тврдења стојат за било која умствена професија.
Значи според машките, женските не ги бидува за физичка работа (иако знам жени што секој ден креваат по 200 кутии од 20 килограми, на пример), женските не ги бидува за возачи (иако постојат и жени таксисти, и жени возачи на автобуси и камиони), женските не ги бидува за умствени професии (иако постојатжени во сите тие професии), жените не ги бидува за професии кои бараат поголем ангажман (иако постојат жени кои постојано патуваат професионално). Женските актерки по дифолт се курви и неспособни.
Значи, професии за женскиот род кои прифатени од општеството се: право, економија, медицина, уметност, јазици, просвета. Во секоја од овие професии може да има машки, тоа не е спорно, ама спорно е женско да може да размислува или да работи физичка работа.
Епа не можеме сите правнички и економистки да бидеме.

 

И јас реков дека може.
И дека ќе бидат многу полесно прифатени ако има повеќе жени таксисти а не една да ја збориме ко да сме виделе еднорог. Како таа можела да се вработи а другите општеството не ги прифаќа? Има жени и автобуси што возат и ниви со трактори што ораат и на високи функции во множество од мажи...во исто општество. Како? Значи може ама...

 

Реков еднаш дека никој не сака да работи во рудник ама има мажи што работат, значи кога се мора -се мора. Па ако се мора за мажи, нека се мора и за жени. Не сакале они, ахам, ок, јас па мислев од мали сон им е.
Работите реков дека можат да се сменат, ама побитно е прво мажите да ги научиме манџа да прават, пелени да сменат, чорапите во корпа да ги оставаат и пегла да држат во рака отколку ние да научиме како се менува уље во кола.

 

Точно е дека општеството ја има надминато агресивната опресија во развиените земји. Иако има сепак случаи како на пример во европски парламент што имаше политичар со изјава дека жените треба да земаат помала плата, па и пред некое време на фб се вртеше македонски оглас на кој за работа што дури е тотално gender neutral и не спаѓа под стереотипни професии - пишуваше дека машките имаат предност. Ама тоа веќе се денешни остатоци од дискриминација, а не обични стереотипи за кои зборуваме во темата.
Да кажеш дека сè е надминато и секоја примедба е аздис, дека нема стереотипи на големо оти сега пола женски род не го палат како вештерки, е исто како да кажеш и дека постоењето на верски фанатици на големо низ светот е преувеличување зашто инквизицијата одамна поминала.

Вистинските феминист(к)и, или ако ви пречи поимов подобро да се изразам идеалисти за еднаквост и против бесмисленост на стереотипите - од кој пол и да се, мислат и на иритантните стереотипи во врска со спротивниот.
Eве и за мажите, не може да се одрече дека на секој чекор има луѓе кои сè уште исмеваат покажување чувства од страна на машкиот пол. Да, многу сфатливо е дека на мажите тоа не им одговара, и не треба да им одговара и да го прифатат.
Сосема нормално е дека не им одговара и на мажите со дијаметрално спротивни афинитети и интереси (за уметност, наука) да се очекува од нив да фрлат залудни месеци во војска која се идеализира и се пека да се врати како задолжителна, или уште полошо - во први редови дека им е должност во секој момент да се подготвени во хипотетичка војна да земат пушка по дифолт оти се машки.

Во врска со нетипичните професии за жени, летоска имаше тема Автомеханичарка, во која на некои помислата на жена во таа професија прво ги асоцираше на сексуализираната слика за истите во порничите.
Јас еве во автобусот на линијата на која се возам, најмалку еднаш во неделата на смена гледам женски возач.
Не се многу, точно е. Но пак ќе речам, поентата на борците против родови стереотипи е, како прво - подеднакво и разумно да се делат улогите во домашните работи, и како второ - секој според своите предиспозиции и интереси да избере професија, без да биде дискриминиран или исмејуван како педер/машкуданка бидејќи е нетипична за полот.