Саем на книга (18.04.24 - 24.04.24)

Годинава саемот ќе се одржи од 3-9 мај во Борис Трајковски.
Споделете доколку наидете на некој каталог и што имате во план да земете.

 

Беше некоја на саемот денес?
Да сподели впечатоци и да се пофали што си купила, нормално.
Се мислам кој ден да одам, имам цела листа на книги кои сакам да ги купам, само немам поим како се со цените. Има некои реални попусти или?

 

Многу е убава книгата од Хувер и јас сакам да ја земам за да ја имам на Македонски. Колку ја купи?
Во Матица беше 500 мислам по редовна цена.

Може да ми кажеш и колку беа книгите на Лусинда, планирам да ги купам сите со Сестрите, а ми фали во колекцијата и уште некоја од неа, мислам дека беше Девојчето на гребенот, не сум сигурна.

На список ми се неколку книги од Линвуд Баркли, неколку од Зафон, а исто имам така долгичок список и од Сакам Книги.

Од Сакам Книги ископав некој каталог, ама веќе не се ни сеќавам како беа цените и дали ги имаше тие кои сакам да ги земам.

Спојлер

- Зад затворени врати - Б.А. Парис
- Мали црни лаги - Шерон Болтон
- Ние бевме лажговци - И. Локхарт

А да, ја сакам и новата од Џилијан Флин.

Банкрот во најава. И јас сум шкрипец инаку, ама ќе се вадат пари од црн фонд па последно да е.
Лани не бев на саем, годинава очигледно ќе наплатам и за тоа.

 

290 ми се чини беше од Хувер.
Нема нова од Флин, таа што мислиш не е од Флин, туку само има кажано мислење за неа.
Зад затворени врати скокни ја, предвидлива е многу. Не троши пари на неа, симни си ја подобро.

 

Многу ја намалиле, баш ја гледав во Матица пред една недела, околу 500-ка беше.

А книгава сериозно не е нова од Флин? Лелее, што ли сум читала. Како да ми излезе некоја корица низ социјалниве мрежи, па се возбудив и удрив лајк. Очигледно не сум дочитала убаво. Ај ќе проверам кратка содржина па ќе видам дали да ја тргнам од список, може ќе ја биде, иако не верувам после ова. Ми се сруши целиот жар.

Зад затворени врати ми е читана мене, мајка ми сакаше да ја прочита, а малку „скарана“ е со Англискиот, па ја планирав за неа.
И ми спомна некоја нова од Алимпиќ, верувам и тие нејзините би требало да се намалени.

Имам уште книги, да прочепкам да го најдам списокот, па ќе се ставам во акција да ги најдам и каталозите.

Монтирав дома нова библиотека, се ставив во акција да ја пополнам, затоа му запнав на купувањето.

 

Ооо ај со среќа и брзо да се наполнат. Таа Жената на прозорецот мислам се викаше, а беше од некој Фин, ама на корицата го има на Флин името, дека книгава била неверојатна. И јас се збунив кога ја погледнав.
Не видов од јелена бачиќ колку се, треба пак да одам и убаво да разгледам.
Генерално ми се допадна атмосферата, весело ми беше некако. На сакамкниги штандот најрасположени беа, секогаш се најголеми ентузијасти.

 

Да, така беше насловот @RainBow .
Еве ја корицата, а ова со Џилијан Флин прав маркетиншки трик. Кај мене им упали, верувам (или се надевам) дека не сум единствена со збункава.

Спојлер

Веројатно е 350 денари, така пишуваше на сајтот.

Уф, што ми требаше да отворам таму, си најдов уште книги што сакам да ги купам.
Викендов тешко да издвојам време за саем, здравје во понеделник ќе се ставам во акција, па ќе се фалам што сум одбрала да купам.

Мене вака гледано од слики, ми делува многу поорганизирано. Халите ми беа ептен хаотични, тука далеку покомпактно. Не дека е идеално, ама изгледа попрактично за шетање барем.

 

Прочитано во еден здив и разбрано, нормално.
Фала многу, ептен си ме спасила. Ќе си направам план и подетална програма.

П.С. Ауууу новата од Алимпиќ ептен ја намалиле, одвај 90 денари. Ќе почека подобри времиња мајка ми за книгава, доволно ќе плаче на книгата од Хувер.