Себастијан Фицек (Sebastian Fitzek)

Себастијан Фицек е германски писател и новинар.
Неговата прва книга Терапија беше бестселер во Германија во 2006 година, соборувајќи ја Кодот на Да Винчи од првата позиција. Со продадени над 12 милиони книги во светот, од кои само 5 милиони во Германија, Фицек е еден од најуспешните германски писатели.

Кај нас има преведено неколку книги, издавачка куќа е Сакам Книги.

• Терапија (2016г.)
• Колекционер на очи (2017г.)
• Душокршачот (2018г.)
• Пакетот (2019г.)
• Пациентот (2020г.)
• Патник 23 (2020г.)

Јас ги имам прочитано Терапија, Пакетот и Колекционер на очи. Воопшто не се жанр што јас го читам, но кога еднаш ќе почнам да ги читам не можам да престанам. Можам слободно да кажам дека книгиве ми оставија најголем впечаток од сите други прочитани книги во 2020. Во најскоро време сакам и останатите да ги прочитам. Терапија ми е омилена сега за сега од него.
Утрово го видов видеово, Себастијан се заблагодарува на македонската публика.


Дали вие имате прочитано некоја книга од овој писател?
Која ви е омилена?

Барав и не најдов тема за овој писател, мислам дека заслужува една.

 

Јас ја имам прочитано Терапија пред неколку дена и отидов и денес купив уште Пакетот и Душокршач, другите беа распродадени. Јас сум воодушевена од Терапија, прекрасна книга, те држи во неизвесност до крај, те тера да мислиш што е вистината и крајот не разочарува... Мислам дека и другите книги му се прекрасни и едвај чекам да ги прочитам

 

Омилен автор ми е. Сите книги му се врвни. Најмногу ми се допаднаја Терапија и Пациентот. Потоа Колекционер на очи и на крај Душокршачот. Само Пакетот не ми е прочитана, но ќе биде прочитана во поскоро време.

 

Одличен автор, омилена ми е Душокршачот. Секогаш велам каков мозок треба да има за да ги напиши книгите .

 

Ги имам прочитано скоро сите негови преведени што се, но сметам дека не е за секој да го чита.
Секоја книга му е премногу напната и вознемирува бидејќи не те остава без здив.
Крајно одличен мајстор за психолошки трилери, без сомнеж, но како што реков, не би го препорачала за релаксирано читање.

 

Исто и јас.
Обожавам книги во кои не се знае крајот.

 

Одличен автор. Жанрот е баш по мој вкус, и скоро сите негови книги ги имам прочитано. Омилени ми се Пациентот и Патник 23.

 

Сите книги му ги имам прочитано, омилен автор ми е покрај Линвуд Баркли и Лиса Гарднер.
Секако, Фицек е на првото место.
За омилена книга? Не можам да издвојам, од почеток до крај си во неизвесност.
Во Терапија не го очекував тој крај.
Едвај чекам нова книга од него.

 

Ја прочитав Splinter од него. Не знам ни како дојдов до неа. На англиски јазик ја читав електронски. После сите фалби за него на форумот, очекував многу повеќе, но не ме воодушеви нешто посебно книгата. Некако ми беше веќе се видено.
Се мислам да му дадам и втора шанса, пошто оваа и не му е баш популарна, па не знам која да ја започнам.
Што би ми препорачале вие?

 

Сите книги ги имам прочитано и си ги чувам, прва ја прочитав Душокршачот, па Терапија. Терапија на моменти претпоставив-погодив што е работата, ама многу ми се допадна како мајсторски ја развива и завршува целата приказна. После ги прочитав и другиве, ама летово кога налетав на Пациентот и ја прочитав останав слично восхитена како по читањето на Терапија. Есенва на саемот ја купив и одма ја прочитав Патник 23, не е лоша, ама не е тоа што очекував од него.
@Billy Idol Пациентот е добра за втора шанса, пробај, прочитај види дали ќе ти легне

 

Јас сум опседната со Себастијан, омилен автор ми е. Мислам дека никој не може да напише добар трилер колку него, сите книги му ги имам прочитано за ден-два. Како омилена би ја издвоила Пакетот, исто и Душокршачот ми е при срце, бидејќи беше првата книга што ја имам прочитано од него. Од Пакетот го сонував некој период фризерот, како ме гони со нож во рака.

Патник 23 ја имам купено, ама немав време да ја прочитам. Новогодишните празници ми се убав период за читање книга. Прочитав критики дека е една од подобрите книги на Фицек.

@Billy Idol прочитај некоја од оние што се преведени кај нас. Нема да те разочара.

 

Го обожавам!
Моментално прочитани Колекционер на очи и Пациентот.
Ги имам сите купено ама обврските со деца си го направија своето, немам здивнато.
Се додека не прочитам се од него нема да застанам.
Ама иде споро.
Сакам навечер ама од премор у 20 заспивам.

 

Јас пак не сметам дека е многу добар автор далеку од најдобар крими/трилер автор. Мене тоа место секогаш ќе ми е за Ју Несбе, овој сметам дека е преценет. Не дека нема добри книги, повеќето ги имам прочитано и ми се интересни ама се ми е некако предвидливо, дали ептен сум заситена од жанров не знам, Душокршачот ми беше последното разочарување, одвај со маки ја дочитав, ми беше плитка, избрзана, кога ја читав како цело време и јас да брзав со авторов да ја завршам, пишувањето ми изгледаше како да е на трчање, не знам како да го објаснам чувството ама дефинитивно не е позитивно. Терапија можам да ја издвојам како така поинтересна за мене. Патик 23 ја немам читано и ме заинтересира следно планирам да ја читам па ќе видам.
У глобала, што знам мене лично не ми меѓу топ 10 автори.

 

Истото го мислам и јас. Предвидлив крај имаат. За мене Донато Каризи и Ју Несбе се меѓу подобрите.

 

Имам прочитано 3-4 книги од него, ми се допаднаа. Само не е за секој да го читам. Психолошки трилери не се за секој.
Добар писател е, но не најдобар.
Мене Лиса Гарднер ми е број еден, па Донато Каризи.

 

Го заборавате Stephen King како еден од најдобрите трилер-хорор писатели.
Скоро секоја книга му е уникатна и екранизирана.
Пионер во овој жанр.

 

Ми остана само Патник 23 да ја прочитам, досега рангирањето ми иде вака
1. Пациенот;
2. Душокршачот
3. Терапија
4. Пакетот
5. Колекционер на очи
Уживам во неговите книги и штом ја почнам книгата не можам да ја оставам.

 

Како ја да сум го пишувала. Ју Несбе е одличен, Каризи исто така ми е меѓу подобрите. Картер е добар ама е крвав многу.

 

Втор пат му ја читам Патник 23.
Дефинитивно најдобра до сега, уште од 10та страница останав со подзината уста.

 

Читам и не можам да застанам. Предобар. Како што пиша некој погоре, не е за релаксирано читање, ама е врв на врвот. Me - like it.