Тиктокификација на дебатен клуб: Семејни блогери и онлајн безбедност на деца

Ова е можда едината тема за која сум сум најзаинтересирана. Ќе пробам пократко да ја доловам тука оти воведите си ги сакам понеутрални, за после да можам да си се искажам на долго.

Сите свесни сме дека децата се онлајн од најмала возраст, дали користат сами социјални мрежи или некој ги користи и објавува во нивно име. Од таму, барем еден период беа популарни многу фамилијарни канали кои го претставуваат животот на целото семејство родителите + децата во стил на дневен влогинг. Има канали посветени на стилови на родителство, повторно, покажувајќи го своето дете онлајн како пример. Има канали на деца менаџирани од родители кои објавуваат шминка или зборуваат за одредени потешкотии од детски аспект.

Прво сакам да се задржам на децата која "работа" им е креирање контент. Во многу случаеви ги споредуваат со "child stars" односно познати деца, најчесто глумци од дизни и никалодион. Во смисла, ефектите за кои тие зборуваат сега и за кои не бевме свесни дека се случуваат зад сцената - дека истото се случува со преработени влогинг деца и дека допрва ќе дознаваме како ова влијае на нив. И ова покрева неколку важни прашања:

• Како влијае влогингот на децата, нивниот секојдневен живот и правото на приватност? Дали дете можи да одлучи дека е океј да биди снимано и до кој степен? Дали има одредена возрасна граница после која е прифатливо?
• Колкав дел од ad revenue треба да оди во штедна книшка за детето и дали воопшто треба да оди? Дали се смета за работа детето да е дел од влогинг контентот на родителите?
• Дали постои експлоатација на семејни настани кои се презентираат јавно и често драматизираат за поголема гледаност?
• Како ова би влијаело на социјалниот живот на детето? Дали постои основа за булинг?

Ова се се заснова не само на деца - работници. Туку јас сакам да проширам и кон онлајн безбедност на деца целосно.

• Колку се безбедни децата онлајн?
• Дали местото им е онлајн?
• Дали надзор при користење социјални мрежи е нешто што е доволно добро?
• Кој е реалниот ризик за предатори од контентот кој го објавуваме од децата?

 

❗Темава е дел од "Тиктокификација на дебатен клуб".

Ќе биди активна од прилика 1 недела (оваа конкретно до 23ти ќе биди, и ќе се обидам максимално ден-два пред затворање да пишам потсетник). Предлог теми можи да видите и предложите во темата за договори, тука.

 

Јас ко ќе омилената тема ми дојди на ред и не знам шо попрво сакам да кажам:


Ќе почнам прво од онлајн безбедност на деца генерално па после ќе продолжам поконкретно за семејните канали и општо деца на луѓе со голема платформа.

• Колку се безбедни децата онлајн?

Во поглед онлајн безбедност на деца јас сум многу "отсечно" против то деца да се онлајн зошто е едвај безбедно за возрасен, а не па за дете. Да тргниме од тоа дека ако е јавен профил - можи секој да коментира било шо. Но, поважно, контент од деца достапен за мањаци и полесно остварување врска со такви особи ако детето не е под надзор. Мојот мозок не можи да процесира работи без да ги види низ призма на ризици, особено кога се работи за нешто кревко како дете. Особено ако се работи за отворена јавна платформа како семеен канал или јавен инстаграм со голем број следачи. Дури "храбро" (и глупо) ми е некој да се осуди на таков чекор иако сум свесна дека веројатно имаме различна перцепција и на тој некој му е нормализирано, а мене би ми требало храброст за истото.

• Дали местото им е онлајн?

Не. Особено не ако детето само менаџира и објавува ама и не ако е објавувано.

• Дали надзор при користење социјални мрежи е нешто што е доволно добро?

Прво ќе тргнам од аспект на дете "задоено" и растено онлајн. Пошто то сум. И без надзор или со минимален надзор. Се би дала во тие формативни години да имав поќе надзор заради безбедносни причини и работи кои ретко ги зборам било каде. Сметам дека до одредена возраст детето и нема причина да биди воопшто онлајн, ама како се гради врснички притисок за социјални мрежи - изводливо е да ја има и својата прва, приватна, социјална мрежа, со врсници. Под надзор на родител, кој ќе се намалува како што детето расти и учи како е дел да си од онлајн културата и како да се заштити.

• Кој е реалниот ризик за предатори од контентот кој го објавуваме од децата?

Многу реален. Од аспект на дете кое користи социјални мрежи, без надзор, постои ризик да стспи во контакт со особа која можи да е опасна. Кога некој објавува контент од детето, тој контент можи да е злоупотребен.

Ова ме носи до семејни блогери. Има мал милион ама ACE Family мене ми паѓа прво на памет. Ама ги има Eh Bee Family, Family Fun Pack etc. Дури и јутуберка шо ја гледав порано, Џеклин Глен, после првото дете со сопругот напраја семеен канал и да речиме дека не сум фан на то па некако и целокупно намалив со гледањето.

• Како влијае влогингот на децата, нивниот секојдневен живот и правото на приватност? Дали дете можи да одлучи дека е океј да биди снимано и до кој степен? Дали има одредена возрасна граница после која е прифатливо?

Како влијае влогингот на детето сакам да го "насликам". Замисли секое достигнување шо приватно, шо развојно - да ти биди зборувано и споделувано онлајн. Меѓудругото секојдневието да ти е онлајн безразлика дали се чувствуваш добро тој ден или не. И како мало дете можи да одлучи да биди онлајн? Дете е. За почеток, лесно паѓа под влијание на родител, НОРМАЛНО, пошто го сака и му е пример, водилка. И од таму, зато заштитата, а не експлоатацијата треба да се приоритет. Кога веќе влегва во адолесценција, мислам дека тинејџерите генерално се вокални за колку "бебешки" контент од нив сакаат оналјн и колку самите сакаат да се онлајн. Ама пред тоа мислам е невозможно да дај дете согласност да е снимано и објавувано онлајн кога мислам ни само не е свесно колку луѓе уствари го гледаат на ваквите канали и што значи споделување на интимна толку јавно.

• Колкав дел од ad revenue треба да оди во штедна книшка за детето и дали воопшто треба да оди? Дали се смета за работа детето да е дел од влогинг контентот на родителите?

Е сега зошто постои споредбата со Дизни деца е зошто на многу места семејните канали почнаа да се регулираат со тоа што одредена сума од ad revenue треба да оди на штедна книшка на детето. Со деца актери исто така има регулатива на сати кои смеат да се снимани према возраст. Мислам дека за семејните влогери тоа уште го нема регулирано. И веќе ако некој "мора" (читај: сака) да продолжи да снима видеа барем нека е регулирано во корист на детето. Иако би рекла голема разлика меѓу дизни деца е што глумат некое друго дете. Децата од семејните канали се презентираат себеси и својата интима. Апсолутно мора да се смета ова за работа на детето и да има корист in the long run.

• Дали постои експлоатација на семејни настани кои се презентираат јавно и често драматизираат за поголема гледаност?

Апсолутно. Има мал милион настани кои се и невини како објавување бременост (и одредени скандали каде лажеа дека има бременост, па загуба за пари практично), први заби, прв роденден... И после то влегваме поќе во интимина, одредени операции и зафати, прва менструација и слично. Јас разбирам дека дел од животот е и лошото. Ама не разбирам толку отворено зборање во туѓо име (детето). Ќе порасни. Тие информации ќе бидат за секогаш достапни на сите. И ова ме носи до:

• Како ова би влијаело на социјалниот живот на детето? Дали постои основа за булинг?

Достапност на сите информации јавно дава можност секое потенцијално пријателство да можи да пребара онлајн за детето и се да му е на тацна од тие информации. Дури и за информации кои детето би одбрало да не ги сподели со пријатели. И можи да е основа за булинг.

TLDR: лично гледам премногу ризици во тоа општо да се објавува детето јавно, но особено кога родителите имаат огромни платформи. Не само од предатори, туку и што значи тоа толку нецензурирано објавување за социјалниот живот на детето.

 

Сега сакам да споделам и неколку скандали и контроверзии кои се случиле низ годините.

• Лажирање на емоционални информации за прегледи и Jordan Cheyenne

Еден пример тука би била Jordan Cheyenne која го тераше синот да зборува за "болеста" на кучето. Ја разоткрија ради лошо едитирање каде му кажва на синот како да зборува, кога и како да плачи.

• Посвојување и Myka Stauffer

Оваа вест беше на сегде па можда и ја имате слушнато. Мика и сопругот долго време бараа дете со посебни потреби да посвојат. И земаа дете со посебни потреби, од друга држава, го земаа кај нив и нормално - експлоа--снимаа. По некоја година детето почна да го нема на влоговите, и тоа ја принуди Мика да направи видео и да кажи дека детето им било "ту мач" и дека е сега во друг дом. Не со нив.

• Право на автономија на своето тело и Sam & Nia

Споделија дека очекуваат дете така што сопругот го "макна" тестот за бременост во шолјата, па ја "изненадува" сопругата со позитивниот тест за бременост. Чинам и се дозна дека ова беше лажирано за прегледи ама отвори дискусија за право на жената над своето тело, било тоа и "само" земање на мокрача од шолјата каде мокрела.

• The LaBrant Fam вака само, оти не е едно.

Во поглед експлоатација на ситуации во нивна корист, при пожари во Калифорнија ( 2018 ) тврдеа дека изгубиле дел од имотот (или домот, не се сеќавам) ради пожарите. За комшиите нивни да укажат и докажат дека пожарите не биле ни во нивна близина. Исто кога имаа здраствен проблем со детето, кој се реши, водеа реторика дека се работи за рак. И кога зборуваа за против абортус реторика, абортус споредија со животи изгубени во... Холокаустот.

• Експлоатација на деца и Toy Freaks

Ќерките беа терани да глумат како бебиња. И додека се капеа, имаа цел скеч, каде таткото оди и им фрла страшна играчка. За среќа, каналот е избришан од 2017.

• Насилство и Fantastic Adventures

Каналот се состои од биолошки и посвоени деца. Дел од нив и возрасни. Возрасната ќерка пријави во полиција дека децата се форсирани да снимаат и учествуваат во каналот. Доколку не учествуваат, возрасните браќа се физички насилни.

• Насилство и FamilyOFive

Ова беше канал базиран на pranks. Но, како растеа на популарност, постојано мораа да вадат нов контент. Тоа донесе до pranks кои беа физички и психички насилни. Децата беа одземани од кај таткото и оставени целосно во грижа на биолошката мајката.

И ова е можда она шо ме натера воопшто да ја впишам темава во потенцијални теми:

• "Дисциплината" на Руби, семејно насилство и 8 Passengers

Често била тема на дискусија мајката и нејзиниот избор на дисциплина. Често зборува дека ако детето одбир да напрај нешто можи да го казни така што му преќинува извор на храна, еднаш имаше снимано за како одреден период го одземала креветот за спиење на едното дете и му ставила нешто заменско и слично. Само по себе е ова проблематично. Лани, едно од децата успеа да избега, со видни знаци на насилство. Се земани сите деца, сите со видни знаци на насилство.

Ова беше накратко за семејните блогери. Но, не се тие едини кои објавуваат деца. Мислам во СДК се збораше ова еднаш, ама за трендот кршење јајце од главата на детето. То е исто проблем.

 

Предлог видеа:

 

Јас би започнал со тоа дека од сегашна гледна точка, кога би имал деца, воопшто не би ги изложувал на интернет.

Кога станува збор за семејни блогери, можам да сфатам донекаде, бидејќи од тоа што имам приметено, се создава ко еден community каде што родителите споделуваат искуства и совети меѓусебно.
Е сега исфорсирано правење на блогери од децата и ко тоа што е скандалозно моментално на тикток со тоа девојчето, ми делува стварно off. Мене ми има искочено тоа дете пред некоја година, уште беше бебе да речам и имаше некое wholesome видео што беше ко вирално, меѓутоа ништо посебно немаше во видеото.
Сега после толку време ми излезе повторно каде што родителот, буквално прави контент и следи трендови на тикток, кои ги практикува преку детето и бев ко?
И многу луѓе ја имаа таа реакција, бидејќи сериозно не знам која е поентата некој да гледа 5 годишно дете како пробува сокови и погаѓа кој е кој.

Сѐ на сѐ и да се одлучи некој да ги објавува децата, мислам дека има некоја граница и разлика на тоа што е интересен момент од животот на децата, до тоа да ги исфорсираш пред камера да прават видеа за на тикток.

 

❗потсетник дека темава ќе биди активна до утре.