За книгава најпрво читав статија која навистина многу ми се допадна па така книгата ја ставив прва во мојата листа на книги.Кога ја видов книгата во книжарница бев 370 страни .Али сепак ја купив . На почеток не ми беше ништо посебно но со текот на настаните навистина заклучив дека вреди да се прочита.Стигната сум до половина и навистина сум воодушевена од писателката и начинот на кој го опишува тешкиот живот на четирите сестри. Во спојлер имате краток вовед Спојлер Во оваа книга Даниела Стил нѝ пишува за љубовта помеѓу четири сестри кои се целосно посветени на своите кариери и се гледаат само неколку пати годишно во куќата на своите родители, но сепак тие се поврзани на еден посебен и убав начин. Кенди е најмалата сестра која е успешен топ модел и води премногу луксузен живот. Ени - е уметничка душа - сликарка која живее во Италија - во Фиренца каде што го изучува и се занимава со она што го сака. Тами е успешен продуцент на познати холивудски серии и живее во Лос Анџелес, таа е преокупирана со својата работа и целото свое време го посветува на својата кариера. Сабрина е најстарата сестра и таа е успешен и познат адвокат. Живее во Њујорк и има долга врска со прекрасниот Крис, но сепак се плаши од бракот. За време на еден празник сите сестри се собираат во куќата на своите родители и повторно се чувствуваат како деца и уживаат во друштвото кое си го прават една на друга. Но токму кога мислат дека се среќни во нивниот живот се случува една голема трагедија. Во сообраќајна несреќа умира нивната мајка, а Ени останува слепа. Ени е сликарка и не може да го прифати фактот дека никогаш повеќе нема да може да го прави она што го сака. Тогаш сестрите решаваат да изнајмат куќа и да живеат сите заедно за да можат да ѝ помогнат на Ени да го прифати новиот живот и да се прилагоди на него. Секоја од нив се жртвува заради својата сестра. Ова е една топла приказна за љубовта и искрено јас се изненадив од тоа колку ми се допадна. Па ако ве заинтересирав што ќе случува во животите на четирите сестри прочитајте го овој преубав роман
Прекрасна приказна, ме воодушеви. Една од омилените ми е од Даниела Стил. Овде доаѓа до израз дека и покрај се и после се, семејството е секогаш тука и во добро и во лошо, а пак сестрите се спремни да ги жртвуваат своите кариери и своите приватни животи со една цел, да и помогнат на својата сестра која го губи видот. При прва прилика прочитајте ја, многу е добра.
многу добра книга само јас да бев ени ќе се убиев. ама секоја чест за нејзините сестри како се бореа да ја осамосталат. но сепак на крај таа најубава среќа имаше во љубовта и понатамошниот живот со тој во кој се заљуби
Свака част за Даниела Стил како ги осмислила толку целосно и без мана карактерите на четирите девојки Толку интересна приказна која стварно не тера да се подзамислиме за вистинските вредности во животот. Само со упорност и верба се доаѓа до совршенството. Сите четири сестри завршија среќно и пак ќе речам истрајност и трпение.
Ја купив кога беше попустот на почетокот на годинава во Матица и оттогаш ја прочитав 3 пати Но, што да правам кога навистина многу ми се допадна, иако сум повеќе по трилерите
