Скок од една во друга професија-дали оправдувате?

Сме ја начнале темата. Пејачи стануваат водители, актери, манекенки стануваат презентери, доктори стануваат градоначалници, па и дипломати. Во животот сретнав ветеринарен техничар и угостител кои преведуваат филмови и се преведувачи. Ваквите примери ме тераат да мислам дали е ова ок и веројатно не е. Кое е вашето мислење?

 

@Tanjamm
Зошто не е?

 

Сосема е ок да менува човек професии додека не ја најде онаа која го прави среќна.

 

Нека се пробаат луѓето во повеќе области, не гледам ништо лошо.

 

Апсолутно ок. Од ова исклучувам политика кај што пример Коста Петров оти е партиско пионче стана некоја битна фаца без некоја посебна квалификација, ама настрана тоа дупкава од општество, има еден куп случаи на луѓе надвор од јавниот живот кои успешно се преквалификувале за друга професија што им носи поголем просперитет, подобри услови или сатисфакција.

Не гледам ни една причина зошто да не е ок, секој има право со своето време и труд да прави што сака и да ги искористи своите знаења и способности.

 

Мислам дека не е од аспект на компетентност не е поентата да се пробуваш во нешто за кое што немаш доволно квалификации затоа што реално ретко кој може добро да извршува две или повеќе различни професии.

 

Јас сум повеќе на пример, дипломат од кариера да биде амбасадор, отколку лекар кој и онака им е потребен на пациентите. На Филолошки постои разлика помеѓу оние кои студирале да бидат наставници, и оние кои ќе станат преведувачи, преведување и толкување. Во пракса сум видела дека не секогаш и професорот кој работи во настава може да се нафати да преведе книга, а како преведува ветеринарен техничар, не знам и дали е воопшто компетентен. Модели стануваат новинари, а за новинарство посебно телевизиско, има строги правила, па дури и до степен кои бои се телевизиски, а кои не, само што кај нас и без знаење можеш да се пробаш кај сакаш.

 

Зошто да не е?
Јас како правник а ме бидува за странски јазици и ги имам изучувано зошто да не бидам утре судски преведувач?
Или имам талент за сликање, зошто да седам во канцеларија кога можам да бидам уметник?
Или ме интересира политика, зошто да не бидам пратеник во Собрание?
Што е тука толку погрешно ако некој сака да се испробува во различни полиња?

 

Познавањето на 2 јазици на нејтив ниво е условено од факултетот што го имаш завршено?

 

Секако дека оправдувам.
Можеби некој се пронашол подоцна во животот, во друга професија. Па дури и ако таа е сосема различна од првата.

 

Затоа што има посебен факултет за преведување и толкување и нормално постручен би бил судскиот преведувач кој што го завршил тој факултет и сл.

 

Модели стануваат водителки на квази емисии, има разлика од водителка до новинар. Ни една моделка не станала новинар, јас не сум видела сериозна емисија кај што модел има улога на новинар.

Тоа што кај нас на Балканот уживаат слава турски серии, реалити, Елена живот без стил и други бакрачи, тоа е мерило на глупоќата на народот, нормално дека ќе се сервира тоа што се бара па и такви ликови ќе уживаат медиски простор.

 

Jaс сум имала шанса да се префрлам во друга струка, и да земам хонорар на некој кој реално се образувал за таа струка, и си поседува знаење за тоа ( не дека ќе земав повеќе од тоа што денес го земам на пример). Пред повеќе години преведов документарен филм на еден колега, чисто да му помогнам, значи без хонорар, без ништо, на добра волја, и ме праша оти знаеше дека го знам јазикот. Преведов. Замислете да му направев утки од незнаење, а тие документарци се скапи и се емитуваат во странство. Темата беше сериозна. Потоа имав шанса да се пикнам да преведувам преку една колешка која знаеше за тој превод, одбив. Не сакам да земам нечие работно место, кое и онака е за ситна пара, а и не можам да потпишувам нешто за што јас диплома немам. Пред некој месец, ме бара писател, да преведувам книга ако можам. Веднаш одбив. Муабетот беше „да се договориме, што бараш...“. Демек услуга за услуга. Која сум јас да потпишам превод на книга која ќе се печати во странство, а при тоа не сум преведувач по струка. Ем земам работа на некој друг кој од тоа треба да си живее, ем поткопувам свој кредибилитет. Ме нуделе да пишувам рецензија на книга. Не дека не можам, ама која сум јас тоа да го правам кога за тоа најстручен е професор по македонски јазик. Патем, Сузана Турунџиева пишувала рецензија на една книга која ја читав, и тоа не е рецензија.

 

Toчно. Замисли кога Вера Мештеровиќ би била на ниво на Менче Точи која разбиваше со ексклузивни вести на времето. И Вера води сега емисија на Канал 5. Инаку, за познавање на јазици, на еден семинар собрани беа професори по англиски јазик, и имаше една Американка која е овде долго време преку мисија, таа го знае македонскиот јазик, но жената почна да се обраќа на англиски јазик и повикаа некој да преведува, оти тоа беше за професори. Една професорка сама скокна, се јави со еуфорија да преведува, по 3 реченици, Американката почна да клима со глава и прекина да зборува, и побара да стане друг да преведува. Професорката умре од срам и се правдаше после пола час дека таа имала завршено наставно, не била преведувач. А какви книги сум читала, преводот стих со стих не се вклопува и тоа мислам дека само на Балканот поминува.

 

Џабе кажуваш за демек алтруистички причини, причината поради која си одбила е тоа што си свесна дека не го знаеш доволно јазикот. Никој што е на нејтив левел на 2 јазици нема да се плаши од грешки во преводот, затоа што тоа едноставно не е можно. Уште еднаш ќе повторам, апсолутно не треба диплома од факултет за да имаш нејтив левел.

 

Ти кажав дека преведов документарец. Превод на книга од македонски на друг јазик не е исто што и од тој јазик на мојот мајчин јазик. Aма ти ме уведуваш дека не сум знаела, а не не сум можела. Дечко, за 1000 денари не одам да земам филм во Скопје, да го преведувам, титлувам, и враќам назад. Пола пари за пат ќе ги дадам. Имам двојазична франкофонска гимназија и диплома од положена француска матура, ни тоа мене не ме прави преведувач. Зошто при работа да земам нечие место за кое не сум компетентна, немам диплома. И не се работи за алтруизам, туку затоа што кредибилитетот е поважен.

Патем, за книгата пари не ми понудија, ниту знам колку чини превод, оти не сум преведувач. Услуга за услуга значи да завршам работа, да те искористам и ете ти како паѓа цената на трудот.

 

Премногу сме "мали" уште од основно, средно да знаеме што сакаме да бидеме во животот.
Луѓе сме, менуваме разни мислења и во ред е да се менуваат професиите додека не се најде вистинската.

 

Пола од ова не ти го разбирам, али океј. Тоа што имаш француска матура положено не значи ама баш ништо. Јазикот или го знаеш или не го знаеш. Парчето хартија не гарантира ништо.

 

Има разлика од менување професии во обид да се пронајдеш себеси и зграпчување професии преку врски и газење на други луѓе со цел да земаш поголема плата или некоја слична корист. Првото е океј за второто дали е океј не знам ама сме сведоци на истото.

Исто мислам дека е океј доколку си завршил факултет, а не гледаш како можеш да напредуваш во таа област, да се снаоѓаш, да дознаваш што друго можеш да понудиш и тоа да го правиш. Ова важи било каде во светот, пошто не секој може да си најде работа во посакуваната област, ама особено во држава кадешто е тешко да дојдеш до можност, шанса.