Слобода на говор наспроти говор на омраза

Убава тема. Мислев да отворам тема дали слободата на говор во земjава се злоупотребува. Да, се злоупотребува и преминува во говор на омраза. И за мене критика не е говор на омраза, како што некои сметаат, туку говор на омраза ми е кога ќе видам некоја јавна личност министерот го нарекува „ненормален“, „коњ“, „мрсулко“, „свиња“ и како уште не. Пред некој ден видов дека за Маричиќ имаше секакви навреди, оти бил на геј парада, ама секакви зборови. Мислам дека политичарите треба да ги повикуваат на одговорност таквите луѓе кои трескаат се и сешто оти немаат попаметна работа. Има и секакви монтирани фотографии за политичарите, а тоа поминува неказнето.

 

Само да ја дополниме дефиницијата од погоре. Според Кембриџ речникот, говор на омраза е јавен говор кој изразува омраза или поттикнува насилство кон личност или група врз база на раса, религија, пол или сексуална определба.
Тоа за почеток, за повеќе, подоцна.

 

Мислам дека говорот на омраза е вклучен во слободата на говор, против сум да се брани ко на теми за Холокауст и остали глупи идеи да се изразат идиотите, едино нешто со кое ќе победиш говор на омраза е со говор на разум, со подобри идеи. Мислам дека скоро и абсолутист сум на темата на слободен говор.

Пред некој ден имаше бели националисти парадарираа во Америка. Беа цел на подсмев, смешни беа.

Сфаќам дека не е идеално сценариото, и дека има народ што ќе послуша друг човек повик на насилство, но бранење говор не е решението.

 

Не знам дали се согласувам, дали не со тебе, на пола сум ептен.
Од денешна перспектива, многу е комплицирано, оти општествата се поларизираат до екстреми.
Поттикнува насилство во дефиницијата, и повик на насилство, малку поинаку ги доживувам, мислам burn the witch ваљда со кривичен закон се регулира. Ама, пошто поларизиран светот, некогаш и зависи кој е вештерката, па може и аплауз да добие повикувачот. Што е лошо.
Во идеален свет, слобода на говор мора да постои, а говор на омраза не постои. Ама пошто светов не е идеален веќе некое време, барем малку да се потрудиме да бидеме одмерени во изјавите, оти насилство води кон насилство, омраза води кон омраза, и мме кој прв почна, кај и да е ќе завршиме во некој тоталитаризам.

 

Јас мислам дека ние во нашава мала државичка иако е демократска немаме никаква слобода на говор.И тоа нешто што ќе собереш храброст да го кажеш во јавност сигурно ќе ти биде или злоупотребено или ќе биде свртено против тебе.Така да слобода на говор тешко кај нас за жал

 

Е автоцензурата е посебна приказна. И не само во малата државичка за жал

 

Каде е границата на говор на омраза? Мислам, има очигледни инстанци кај што не е воопшто тешко да се препознае, ама во денешно време од прилика сѐ што ни предизвикува негативни чувства се смета за говор на омраза.
Нормално дека говор на омраза не е во ред. Ама не е во ред но да се гаси и сузбива секое мислење кое не се усогласува со нашето. Оваа појава ја набљудуваат многу друштвени психолози (social psychologists, како год и да е изразот на македонски). Дискусијава одма ме потсети на истражувањето на Лукијанов и Хајдт опишано во нивниот есеј и истоимената книга "The coddling of the American mind" кај што тврдат дека многу проблеми кај младите генерации (генерација Z и кои и да се сите по нив) произлегуваат од overprotective education кое ги или децата на три "големи невистини" како што тие ги нарекуваат:
- што не ме убие ме прави послаб "What doesn't kill you makes you weaker";
- секогаш верувај им на твои чувства "always trust your feelings"; и
- животот е битка помеѓу добри и лоши луѓе "life is a battle between good people and evil people".
За жал, ова особено се приметува онлајн, кај што моментално живее човештвото. И на форумот, и на друштвените мрежи, секаде каде што би имало шанса за дијалог - едноставно нема. Сѐ што постои е поделба - или се согласуваш со мене или си против мене и шириш говор на омраза. Чисто едноумие... Без можност за размена на идеи, без дискутирање, без интелектуален раст...
Жално...

 

Сметам дека начинот на кој ги искажуваме нашите ставови доведува до тоа да се сфатат како слобода на говор или говор на омраза.
Слободата на говор постои се додека не навредува или повредува некој и не повикува на насилство.
Пристапот е многу важен

 

Абе сега...навредува или повредува...тоа можеме во приватна комуникација да запазиме. Во јавна, малку потешко, можда и невозможно. Пример, секојдневна тема на форумов, штознам дечко без факултет. И сега да кажам, сакам дечко со факултет, одраз на истрајност, амбиција ми е- ќе се најде некој без факултет навреден. За тема државни службеници да не споменувам поарно.
Мислам, најпаметно ништо нигде да не пишуваме, ако така. Златни времиња беа тоа пред веб 2.0, оф

 

Ехх па не зборам за толку осетливи де
Шала на страна сериозна е темава, ама зошто би било говор на омраза некоја да каже не сакам дечко без/со факултет. Според мене нема тука говор на омраза туку само изјава на желби.
Кога би рекла: овие со/без факултет се такви и такви затоа ги сакам другите е тука веќе е дускутабилна работата

 

Е сега, како да ти кажам- е*ате слободата на говор, ако стално по јајца газиме
Овие без факултет, овие од државно, овие младиве, овие од 40 ка...не се специјални загрозени видови, заштитени со закон, бар колку што разбирам јас.
Ама има една интересна тенденција што ја приметувам во последно време, и не знам точно како да ја дефинирам- авто-генериран/дефетистички говор на омраза кон македонскиот народ можеби? Македонците се вакви, такви, за ништо не ги бива...и се почесто го гледам на форумов, и никому ништо. Говор на омраза ли е, што ли, о judge @theowndemon ?

 

Реално, кој ги чита (целосно) тие?
Се смета за прекршено кога правилата кои треба да важат за сите, се применуваат селективно и не важат за сите.
Тоа дали слободата на говор вклучува говор на омраза, е индивидуално. Зависи како ги дефинираме и перцепираме.
За мене нешто ќе е слобода на говор, за тебе ќе е говор на омраза, и обратно. За нешто друго ќе се согласиме дека е слобода на говор или говор на омраза.
Настанува проблем кога има поголеми несогласувања во општеството. Често границата меѓу двете е тенка и без бalance policies , се преминува.

Да, во свет доминиран од мажи кои носат одлуки со кои ни се нанесува штета на нас жените.
Интернет-просторот треба да биде поадаптабилен на промени на тие правила од институциите.

 

Ок, нека стои ова како хајлајт, да помедитирам (е) околу ова на темава и да видиме до кај ќе стигнеме.


А, ми се стори малку дежаву темава, ама мрза плус недела, ај реков немавезе...ме мрзи да ја барам претходната, а памтам имаше нешто слично.

 

Oh boy, во свет во кој што секој од нешто е навреден не знам како да се осеќам во врска со темава.

Според мене, генерално сум против повици на насилство и слично, како и секој нормален човек. Не сметам дека спаѓа под слобода на говор било што кое повикува на насилство или физичко повредување на друго лице и сметам дека во такви случаи и правно си реагираат институции барем во теорија.

Од друга страна не сметам за говор на омраза било што што не повикува на насилство, ама потенцијално може да навреди или да предизвика негативна реакција кај друго лице. Во суштина мојот став кој и сама за себе го изградив низ годините и кој многу ми помогна во животот е дека ние и само ние сме одговорени за сопствените чувства. Значи ако сум се навредила од нешто, ЈАС сум дала значење на тој став, што во суштина може да е невистинит или за мене безначаен. Прост пример ќе земам, ако некој каже жените се лоши возачи, апсолутно не гледам причина да се навредувам, едноставно само ќе имам во предвид дека тој што го изјавил тоа е најверојатно глуп штом има стереотипни ставови, ама нема да ме погоди или да ме навреди. Ни па сметам дека такво нешто е говор на омраза.

Друго, се спомнала комедија горе, видеата не ги гледав, ама сметам дека политичката коректност буквално ја уби комедијата. Последно време гледам уште поинтересен феномен, луѓето на чија сметка е некоја шала или скеч многу поок го прифаќаат тоа како смешка отколку одредени други луѓе кои воопшто не се ни тема на муабет, ама се поборници на политичка коректност.

Да сумирам, не може да има јасна граница меѓу двете освен во екстремни случаи како директен повик на насилство, ама мислам дека колку повеќе се придава на значење на одредени ставови и тие се забрануваат како омраза на говор, толку поекстремни реакции ќе има од тие другите и поголема поларизација.

Да повторам, според мене секој возрасен човек е одговорен сам за сопствените чувства. Да си навреден од нешто значи само дека го уважуваш тоа мислење како точно, инаку не би бил навреден.

 

Борците против говор на омраза се истите шо палеле книги во средновековието.
Ако си толку слаб и не можеш да поднесеш интернет, исклучи се.
Ја угушивте комедијата, веќе човек не смее да се заебава за ништо.

Се додека некој не ти објавува лични податоци, не треба да ти биде гајле кој што зборува за тебе.
Понашајте се како возрасни индивидуи.

Исто така, примерот во воведниот пост е многу глуп, нерелевантен, и немаш поима зошто тој човек јаде толку мајтап.

 

Имало обвинувања и за форумов дека тука се ширело говор на омраза, според мене не. Никаде нема повик за насилство или нешто слично, туку едноставно постојат контроверзни личности кои привлекуваат внимание и затоа ги коментирате. Еве јас со задоцнување дознав за една бука бука на форумот, тоест дури после година и некој месец сфатив што се случувало.

 

Секако дека сум за да е казниво yelling Fire in a crowded theater. Такви случаи се исклучокот. Само мислам дека секој обид да се сузбие говор, може лесно да појде патот накај тоталитаризам или нешто такво.

Луѓе како Alex Jones, денеска можеби се за потсмев, но да не беше тој мислам дека доцна ќе откриевме за агенти провокатори (луѓе во цивилка пратени да ескалираат протест за да може да се апси), и ред други работи.

Со тоа доаѓа и неговото тврдење дека водата ги прави жабите геј (што не е добро фразирано, но донекаде точно) или пак обвинување на родителите на Сенди Хук пукањето каде што многу мали деца го изгубија животот, дека се платени глумци. Сега деплатформиран, тужен за сите пари до крај на живот, но тие се последиците.

Лош говор може да го победи само попаметен говор. Која е поентата поинаку.