Здраво девојки трета година сум средно и се договараме нешто за екскурзија.Односно сакаме екскурзија. Работата е во тоа што ние ништо врска немаме што како оди ни колку пари чини. Знам дека не се оди така на екскурзија како што ќе ни текне нас,знам само дека услов за екскурзијата е над 45 деца. Ние рамислуваме за петдневна екскурзија ама не знаеме цени ни од приближно.Знам дека треба да се објавуваат тендери глупости па агенции ама подобро од овде да се информирам. Па ако некоја била кажете,дајте некој совет што,како.
МИслам дека сега со закон се забранети толку долгите екскурзии или така нешто, важно 5 дена во странство не можете да одите. Иначе јас сум прва сега и одосбовно сакав да бидам во средно за да одам така на екскурзија во италија, шпанија, ама нема..
забрането? баш на совет денеска зборувавме за тоа и и во септември имаше некакви брошури за екскурзии ама немаше доволно деца.
Не е забрането бе, кај нас редовно оние што се трета година одат на 5-6 дена во странство Едвај чекам да стигнам трета, обожавам екскурзии
Дозволено е (мислам) 5 дена да трае екскурзијата. Од школо ќе ви кажат за посигурно. Инаку, отприлика, за толку денови, цените се околу 200/250 евра. Зависи од локациите Мој совет... не се залетувајте да посетите што повеќе места, затоа што времето е кратко, а верувајте - бројката не е воопшто битна. Големо малтретирање ќе ви е, поголем дел од екскурзијата ќе го минете во автобус, а освен тоа, нема да можете ни една држава, ни еден град убаво да го разгледате... Се ќе ви дојде набрзина, нема да можете асално да се опуштите, да се сместите, да одморите. Убав помин, каде и да отидете П.С. Јас пишував за екскурзија во странство, затоа што, колку што знам јас, во трета обично одат надвор од границите на Македонија
Кај нас во 1 година се одеше на 1 ден во Македонија, во 2 година Србија - Белград и Нови Сад, во 3 година Италија - Рим, Ватикан, Венеција и Лидо ди Јесоло и 4 година - Чешка, Австрија и Унгарија (Прага, Виена и Будимпешта). Не знам сега како е, ама кај нас вкупно 7 дена траеше се на се екскурзијата во Италија на пример и најмногу ми остави впечаток, другите пократко и ќе кажам нешто повеќе за таа екскурзија еве баш зошто траеше повеќе од 5 дена. Памтам беше околу 14.000 и нешто еве да речеме 15.000 денари (250 евра во денарска противвредност од прилика) ама вредеше за сите пари, па и за повеќе. За натаму одевме со траект преку Драч, Албанија ноќно патување негде 8 часа, стигнавме во Бари, Италија и потоа со автобус. 2 вечери бевме сместени во прекрасен хотел во Анцио област во Рим, кој никогаш нема да го заборавам иако бевме поделени во 3 различни хотели по класови, нашиот се погоди најубав со 4**** и беше топ во секоја смисла на зборот со приватна плажа доле, базен горе отворен итн. итн. итн. и во тие денови ги шетавме Рим и Ватикан (бевме и во музејот и црквата во Ватикан не можевме да се изнашетаме од што имаше толку многу што да се види), потоа отидовме во Лидо ди Јесоло - е тој хотел не беше баш убав, ама добро таму шетавме и ноќта во српска дискотека бевме Splash така нешто се викаше и одлично си поминавме така што не ни бевме во хотелот многу колку да се јаде нешто и да се преспие. Утредента со такси бродче тргнавме накај Венеција (релативно блиску е и не се патува многу) и шетавме цееееел ден таму! И потоа се вративме и за накај дома со автобус се враќавме по пат поминавме неколку места, праевме паузи и од страна видовме и други градови и мислам дека побрзо ми помина времето него ли со траектот, иако беше луксузен таков за долги патувања на спратови внатре со скали, кафич и разни чуда, сепак е мачно толку долго да патуваш со траект и плус навечер, немаш никаква ориентација сред Јадранско море што си, до кај си, уште колку имаш итн. само прашања во главата, малце страв и надеж побрзо да стигнеш. Абе кога видовме копно за прв пат мислам дека беше еден од посреќните моменти во животот И така, се на се прекрасни се екскурзиите во странство што траат повеќе денови, е сеа си има и тоа своја негативна страна кај што спаѓа на пример фактот што доста време се поминува во патување во автобус, ама што е тука е, сакаме да посетуваме подалечни земји мора да го издржиме и тоа.
Кај нас во училиште, средно , рекоа дека нема да има екскурзии во странство, можеби само еден ден некаде во нашава држава, за не знам точно какви цели. А, јас пак, баш за екскурзиите а и повеќето се запишаа баш во тоа средно училиште, имаше многу екскурзии низ Европа: Италија, Франција, Шпанија, да ти е милина на училиште да одиш само за екскурзиите. Е сега, кажаа само во четврта година ќе имало.
Моето најдобро искуство од цело средно се баш екскурзиите во странство. Во трета година бевме низ бивша Југославија (Белград, Дубровник, Будва, Сплит). Пиење на плажа, ноќно купање , глупирање по соби и ред други работи. Иако на една рака се броеа луѓето што ги поднесував, таму некако сите беа дружељубиви и фини. Сега кога веќе почнав да се потсеќам, ми текна дека улетавме случајно во едно диско преполно со лезбејки, педери и манијаци, па класните доаѓаа да не соберат дека без дозвола сме искочиле од хотелот. A во четврта три ноќевања во Прага, плус посета на Виена и Карлови Вари. Супер беше што имавме шетање со водич и плус не оставија неколку саати сами да шетаме. Плаќавме околу 200 евра, плус за таму уште 150 евра за трошење. Подобро е вака со три ноќевања на едно место. Имаш повеќе можности да го разгледаш градот во вистинско светло. Кој има можност, ич нека не се мисли. Прво, има многу дружба и второ, незаборавно искуство e.
фала ви за мислењата кај нас постои можност да организираме со четврта година бидејќи не знам дали ќе има доволно деца.Но тука се јавуваат сите проблеми бидејќи екскурзиите за четврта можат да се одржат само до декември.Тие сите се запнати ама нема шанси да се организира екскурзија за месец дена,плус пасоши сите деца немаат дури извадат. Ајде тоа ама времево до декември?Со дождови и снегови! Ако одиме барем убаво да се организираме и да прошетаме а не сега. Ќе видиме што ќе направиме. пс: многу бе 150 евра џепарлак
Секогаш ќе се радувам што ја избегнав екскурзијата на крај од трета. Прво беше ненормално висока цена за шетање од 5 денови во Бивша Југославија. Второ што порано се вратија, односно два дена затоа што во Србија во Белград имаше тепачка меѓу охриѓани и скопјани (ние) па ги исфрлија од хотел. И врв на бруката беше што не пишуваше низ портали весници, а се работи за една од подобрите гимназии во Скопје. Плус парите за два дена порано што се вратија не им беа вратени. Инаку летото што намерно ја “пропуштив“ екскурзијата го имав најдобриот одмор, така што е индивидуално сечие искуство.
Во нашето школо во трета година се одни на 5 дневна екскурзија во странство и тоа редовно секоја генерација оди и нема никаков проблем и промени.
средношколскиве екскурзии во странство имаат и позитивни и негативни страни. на пример има дружба, посета на други држави, поинакво искуство.... а негативни се што учениците си земаат малку повеќе слобода од што треба :/
