Сува кожа-корупчиња во главата на бебето

Мојот проблем е во тоа што на мојата ќерка цела кожа на главчето и е како излупена и сува. Пробав да ја мачкам со беби масло и да ја масирам со фротирско крпче ама не помага. Нема корупки жолти ама сепак главчето и е како со првут целото. На телото нема никакви проблеми. Со првото дете не сум ја имала оваа мака, па ве молам за некој совет ако некој го имал сличниов проблем и како го решил!

Вртејќи по бебешките списанија кои ги имам мислам дека го најдов одговорот на мојот проблем. Имено се работи за себореичен дерматитис. Иако овој проблем потсеќа на егзема, не било тоа и се јавувало во првите неколку месеци кај бебето и најчесто се повлекува сам од себе, иако може да се користат и кремови на база на хидрокортизон. И така направив, не ја мачкав на главчето со ништо и еве веќе почна да и се повлекувасат корупчињата, а на лицето сувата кожа и ја мачкам со кремот од Хип со цинк и и помага. Се надевам дека мојов одговор ќе им помогне на мајките кои го имаат истиов проблем.

 

Ако е ова тоа што го имаше и едно од моите деца (не беше низ целата глава, само горе, ама веројатно е истото), кога бев во Козле ми кажаа дека децата што имаат такви се склони на алергии. Ми се чинеше нелогично, ама после неколку месеци на моето му констатираа алерхија, а и неколку бебиња на пријатели кај кои подоцна забележав вакво нешто подоцна покажаа алергии на нешто.

 

И јас забележав дека има корупки жолти на главата само на горниот дел..да оставам од само да си поминат или треба со нешто да ја мачкам ???

 

Некој викаат пред бањање да се намачка со бенешко масло и шосле бањање нежно да се помине со детска четка и ќе паднале. Јас не правев ништо, сами поминаа.

 

На мојата малечка цело главче и беше со теменца, ме советуваа со бебешко масло да сум ја мачкала па со чешелче да сум и ги вадела, ама јас ништо од тоа не направива, туку со Мустела пена наменета баш за теменца ја избањав 7-8 пати и сега главчето и е стакло. На внука ми со чешелче и ги вадеа и ај што е напорно и што нема шанси сите да ги исчистиш, туку и после некој период пак се појавуваат. Мустелата е закон!

 

ако збориме за теменици постои шампон за теменици од мустела како што кажа феминката

 

пред бањање да се намачка главата со кокосово масло или некое друго беби масло (Бекутан), да се остави да делува 15-20 мин. па со густо чешле нежно да се помине по главлето- сите корупки, лушпи ќе се извадат со чешлето. После си се бања најнормално и ако има потреба пак да се повтори после некој ден. Кај нас ова успеа, а ни беше по препорака на педијатарот.

 

Гледам малава има малце сува кожа кај стомачето,ја мачкам со масло против тоа ама не гледам резултат од што баш кај стомачето малце ме загрижува му се случило на некој слично?

 

Ne grizi se, nemozat site bebuski da imat ista koza. Kerka mi koga se rodi bese so mnogu suva koza sega i e nezna ko svila. Mackaj ja na toa mesto so maslo i ke se sredi. Inaku i nie na glavceto izvadovme pred nekoe vreme korupkicki, ama ne sum ja mackala so maslo,nekako mi e strav so ceselce da.ja ceslam deka i e uste.meko.glavceto a gledam mnogu majki praktikuvat. Bratucedka mi so zejtince go namacka bebusot i so cesle pomina rece site mu.ispagjale a decata ni se razlika osum dena. Jas cekam sami da padnat ama nekako bavno odi

 

Масло од бекутан, моето за два дена се исчисти. И редовно чешлање.

 

Ke probam

 

Гледам од синоќе на главчето се појавува по некоја трага од првут сигурно според мене тоа е знак дека во наредните денови ќе почне да му се лупи кожичето на главчето?? Дали сум во право, досега и сеуште се лупи на препоните, курето и пазувите.

 

Здраво на сите, обично пишувам во темите поврзани со природна нега на кожата и косата и најчесто сум активна во убавина и нега, меѓутоа би сакала со вас да споделам една статија поврзана со овој проблем кој најчесто се појавува на главата кај бебињата кога се многу мали. Јас не сум мајка меѓутоа ова го пишувам од поглед на дејството на состојките на бебешката кожа и нивната улога во негата на кожата кои не се за потценување.
Се надевам дека на некоја од вас ќе и помогнат. Ве поздравувам сите


Природни состојки и производи како лек за бебешка круста (корупки или теменици)



Бебешката круста е еден вид на себореичен дерматит, кој најчесто се појавува на главчето на бебињата и има жолткаста боја (потсетува на првутот). Иако оваа појава исчезнува сама по себе, од естетска причина, а и како превенција и нега на самата кожа, од огромна важност се производите за нега на бебешката кожа во тие неколку месеци. Во продолжение на оваа статија би сакала да ви дадам неколку мали совети кои ќе ви помогнат при оваа проблематика:

1. Масла за нега на кожата

Половина час пред бањањето, со помош на едно памукче намокрено со масло, нежно поминете ја бебешката глава. Од маслата може да ги користите и наједноставните како бадемово или оризово. Внимавајте маслото да биде чисто, односно на етикетата да го пишува само ботаничкото име на маслото (на пример маслото од бадеми ќе го најдете како Prunus Amygdalus Dulcis Oil, додека она од ориз како Oryza Sativa Bran Oil) и тоа треба да биде единствена состојка во самиот производ. Во никој случај не ги земајте мешавините на масла со парафинско масло кое во декларацијата ќе го најдете како Parrafinum liquidum или во некои декларации и како mineral oil, затоа што ја запушуваат кожата, не и дозволуваат да дише и ја влошуваат состојбата на бебешките корупки наместо да ги лечат. Доколку сакате, во едно од горенаведените масла (бадемово или оризово), може да ставите малку чај од камилица кој секако ќе го зголеми ефектот на маслото.



2. Од огромна важност е и производот кој ќе го користите за бањање на бебето кој мора да биде нежен, да не ја суши бебешката кожа и пред се да не ја иритира. Многу е важно да ја читате декларацијата на производите и да ги избегнувате оние агресивните кои може да ја влошат состојбата. Пожелно е производот за измивање како сурфактант да има глукозиди кои нежно измиваат, а воопшто не ја иритираат детската кожа. Еден пример за убав нежен производ е дерматолошкиот гел за бебиња и деца од Gamarde кој како состојки има: термална вода од Гамард, која е богата со сулфур и ги намалува иритациите на кожата, и вода од лаванда која има смирувачки ефект врз кожата. Содржи многу нежни сурфактанти за измивање како lauryl glucoside, coco-glucoside и decyl glucoside. На самата декларација пишува дека е од огромна помош при бебешките корупки. Детална рецензија на овој производ ќе најдете во статијата http://biodevojka.blogspot.mk/2015/06/blog-post_17.html.



3. Оставете ја бебешката кожа да дише

Секако дека во лето и зима кога излегувате надвор со мало бебе мора да ја заштитите главата со соодветно капче, меѓутоа во домашни услови, обавезно оставете ја кожата да дише. Особено зимно време волнените капчиња понекогаш може да ги зголемат иритациите на кожата.

4. Отстранување на корупките

Во никој случај немојте насилно да ги отстранувате бебешките корупки, иако на моменти ќе добиете нагон да го сторите тоа. Доколку ги следите советите за маслото и доколку користите убав производ, сами од себе ќе паднат. Важно е да не се прави притисок со насилно отстранување, затоа што тоа на некој начин може и да се зголеми појавата.

Се надевам дека овие совети ви беа од корист и дека ќе се обидете да примените еден или повеќе од нив. Секако секое бебе е различно и она што одговара за едно бебче, може и да не функционира за друго.

Поздрав и до скоро читање.

Вики

 

Здраво драга, според мене еднаш неделно е сосема доволно. Да не се претерува со оглед на тоа што твоето бебе нема поголеми проблеми. Што се оденсува до маслото доколку пишува само Prunus Amygdalus Dulcis Oil, а колку што можев да видам од опаковката е органско, тогаш супер одговара. Важно е да не се користат оние масла за бебе каде базата им е парафинско масло. Друга важна работа е да не се притиска туку нежно да се поминува со памукчето. Поздрав.

 

citam vo postovite, pena za temence od Mustela, dali e ovaa pena kako sampon potoa teeba da se odmiva, ili se macka povremeno kako krem? Moeto bebe ima vakvi zoltenikavi korupki na glavceto, pa sakam da ja kupam ovaa pena za glavceto na Mustela.

 

Kaj nas se pokaza efikasno masloto na frezy derm.

 

Со обично беби масло, или еве, маслиново масло нека биде, измачкај го убаво, нека стои саат-два, исчеткај го одозгора и избањај го, после уште еднаш помини со чешле, ќе падне голем дел од теменицата. После тоа и да останало нешто, само повтори, ќе се исчисти. Кај моиве двајцата од двапати ја снема. Додуша, кај малово и Логона од невен купката помогна за остатоците што потешко се вадеа.

 

Ние ги имавме само на предниот дел не на цела главичка,користам Хипп шампон и кога го бањам само поминувам со четкичка и толку за неколку дена му помина и еве сега ги нема му се исчистија скроз.

 

Majki, jas povtorno prasuvam po temava, no eve nikako da se iscisti naseto temence od ovie suvi strupcinja, ima se poveke i poveke. Go banjam so specijalen sampon- pena za temenca na "Mustela", 15min pred banjanje stavam maslo Becutan i nezno ceslam so meka cetkicka za kosa, no ne pagaat...dali nesto ne pravam kako sto treba, mozebi treba malku pogrubo da protrijam, no mi e strav Kako sto citam od 2-3 pati ceslanje so predhodno natopeno maslo na poveketo im gi snemuvalo...