Теоријата за повеќекратна интелигенција - поинаков поглед кон човечката интелигенција

Инспирирана од темата на @BoneMachine се одлучив да ја отворам оваа тема за дискусија од психолошки аспект.

Имено, често сметам дека се поставува прашањето: "Што претставува интелигенцијата?" на што верувам дека секој има различна дефиниција и замисла за да даде одговор.

Меѓутоа, токму поради различноста на тие одговори, може да се замислиме и да дојдеме до заклучокот дека, поради различните дефиниции, ние сеуште не можеме да дадеме прецизен опис за интелигенцијата како поим.

Новинарот Walter Lippmann еднаш рекол: " We cannot measure intelligence when we have not defined it "

Сепак, желбата да се најде дефинција за човековата интелигенција довела до нејзино ограничување, односно, стремежот на психолозите да го квантифицираат целокупниот поим за човековата интелигенција довело до тоа истата да се мери преку IQ тестовите, но со тоа само се постигнало строго дефинирање и селектирање.

Бидејќи на стандардните IQ тестови, најчестите прашања се од областа на математиката, јазични вештини и логиката. Со тоа, ретко луѓето се запрашуваат што поточно претставува човековата интелигенција, од кои аспекти се сочинува (освен математика, логика, ...) и поважно, дали споменатите тестови се воопшто доволни за да се даде одговор на тоа прашање.

The Theory of Multiple Intelligences [Howard Gardner, 1983] ја разграничува човечката интелигенција во специфични "модалитети", наместо да гледа на интелигенцијата како доминирана од една општа способност.

Според него, всушност постојат осум способности и тоа:

1. музички-ритмички;
2. визуелно-просторни;
3. вербално-лингвистички;
4. логично-математички;
5. телесно-кинестетички;
6. интерперсонални;
7. интраперсонални;
8. натуралистички;

Подоцна предложил дека егзистенцијалните и моралните интелигенции, исто така, може да бидат достојни за вклучување.

- Дали оваа теорија според вас го изменува погледот кој луѓето го имаат за интелигенцијата како поим?

 

Јас мислам дека интелигенцијата не се мере со математики и јазици се мере колку можеш добро да ги читаш луѓето нивните постапки и однесувањето една мимика да направат да познаеш што сакаат да кажат и според мене оние кои имаат висок коефициент на интелигенција им пречат прости луѓе и празни маабети.

 

@hellocity ти благодарам за твоето мислење

Можеби математиката, логиката и јазиците претставуваат само еден аспект односно фрагмент од интелигенцијата како целокупен поим и не секој човек може да ги поседува истите.

Мислам дека е погрешно да се претпостави дека од една страна математичко-логичката способност се дефинира како интелигенција, додека музичко-ритмичката и хармоничната способност не се дефинира како интелигенција (ова го кажувам како илустративен пример).

Човекот, всушност, не одредил што ќе претставува интелигенцијата.

Се согласувам со ова because I can actually relate to this assumption

 

Не може еден IQ глупав тест или математиката да ми ја одреди интелигенцијата! Само затоа што некој така рекол дека треба.

 

Не бе ... паметни се тие што се паметни. Не се паметни, тие што не се паметни.
Емпириски е докажано дека АјКју е поврзано со нивото на интелектуални способности.

Не размислуваат сите на исто ниво. Интелигенција може да се зголеми или опадне, за помалку од 10 единици. Колку сакаш учи и информирај се, од 90, на 140 АјКју, нема да рипнеш.

 

Не рекол некој така и биднало, има направено истражувања што довеле до тој заклучок. До тој степен или дали целосно ја опфаќаат човечката интелигенција е друго прашање. На пример, резултати од IQ предвидуваат успех во училиште, од друга страна, без разлика и колкаво IQ да имаш мораш да седнеш и да посветиш време и работа за да имаш добри оценки и успех во живтот.

 

Едно е делење ставови, друго е интелигенција. И да мисли некој како мене, не значи дека на исто ниво ги гледаме работите. Логиката и способноста за анализа на податоци и поврзување на истите во шеми (сега ко бјутифул мајнд звучи), зависи од нивото на интелигенција.
Некој може да има ист став како мене, а да не знае зошто го мисли тоа, или да има став како мене и на 'подлабоко' ниво да го разбира тоа што го мисли...

 

Но прашањето што ме интересира е како човекот утврдил што е интелигенција,а што способност и дали одреден збир на способности може да се смета како дефиниција за интелигенција.

Можеби одреден човек кој се води според теоријата за повеќекратната интелигенција ќе смета дека вистински тест за интелигенција треба да ги опфаќа видовите на вештини кои Howard Gardner ги навел, па според тоа да се одреди за што имаш интелигенција и од кој степен.

Бидејќи поддржувачите на теоријата на Gardner сметаат дека тестовите за IQ се прилично ограничени, бидејќи тие тешко може да ги измерат особините кои се составен дел од класификацијата како интелигенција.

Слично на она што @theowndemon спомна во нејзиниот пост, мислам дека човекот иако знае нешто за интелигенцијата, сепак сеуште не е запознаен со нејзината целосна суштина.

Како што претходно се ограничило дека интелигенција претставува математика, логика и јазици, така и Howard Gardner не би рекла дека успеал да направи некаков исклучок, со тоа што не се ни обидел да ја прошири дефиницијата за интелигенција, туку се мисли дека навел одредени способности и таленти кои смета дека можат да се дефинираат како интелигенција и да се вметнат во истиот спектар.

Би рекла дека човекот преставува сложено суштество, и како што истовремено сите луѓе се исти, така истовремено се и многу различни.

Дали интелигенцијата е само еден стандардизиран поим или збир од повеќе аспекти, засега зависи само од тоа како човекот мисли дека треба да ја дефинира, што не гарантира веродостојност.

Кој всушност одредил што ќе претставува интелигенција, а што способност? Која е разликата?

Она што IQ тестовите го претставуваат како интелигенција е тесна дефиниција, додека теоријата MI, од друга страна е широка дефиниција - со тоа не можеме сеуште да дојдеме до една средина.

 

Како што посочи Доундемон:

И стандардните тестови за интелигенција мерат повеќе параметри... Исто би било и со проширена верзија на истите. По некои параметри ќе сум подобра, по некои полоша, и обратно.. Сепак, заедничката оценка на сите параметри, нуди некаков увид во општото ниво на интелигенција.

Како.?.. не знам Не сум толку паметна да знам како мерат точно кој параметар... и зошто

 

Влијае и на егото.. кај некои.. Е мене на пример, ми се дуе.. егото, коа ќе прам тестови на интелигенција или решавам проблеми и задачи

Површна сум.. фак ит

 

Не дека ова мислење се однесува на тебе, меѓутоа од одреден апсект сум забележала дека IQ тестовите знаат да создадат и лажна импресија на интелигенција.

Имено, бидејќи дел од самите испитаници веруваат дека истите тие тестови се валидни, а како што знаеме, истата таа валидност неретко се доведува до прашање.

А не е валидно бидејќи како прво самиот човек не може да ја утврди природата на интелигенцијата - затоа и постојат разни теории за интелигенцијата кои укажуваат на различни аспекти.

Но дури и да претпоставиме дека сме ја утврдиле природата на интелигенцијата, сеуште не е доволно јасно дали тоа е воопшто доволно за да се докаже валидноста.

Ова прашање секако не може да биде одговорено бидејќи , како што кажав претходно, сеуште сме неодлучни кога станува збор за природата на интелигенцијата, па така се додека таа недефинираност трае, ќе постои и лажниот впечаток за точноста на интелигенцијата.

 

Се валидни и точни, рековме... докажано е дека нивото на интелигенција е поврзано со одредени ментални способности. И тоа низ примери, не само со тестирање.

Не го знаеме мозокот како точно функционира, ама некои работи лесно се докажуваат ... просто.. само со набљудување.

Сигурна сум ти дека не би била астро-физичар, ако не можеш да го разбереш концептот на три-димензионална геометрија, нацртана на дводимензионална површина (пример)

 

@WildMk точно, и јас се согласувам со тоа што си го напишала но ова е кажано од аспект на некој кој се придржува до теоријата за повеќекратна интелигенција.

На пример, доколку некој има, на пример музичко-ритмички или пак телесно-кинестетички способности, ќе размислува за некој кој има логичко-математички способности дека IQ тестот кој тој го решил, претставува лажна импресија за интелигенција според него, па дури и ќе поверува дека стандардните IQ тестови се само за луѓе кои имаат само одреден вид на интелигенција, и со тој факт дотичниот не е во можност успешно да го положи.
Дури и нешто да е утврдено како точно и валидно, секогаш може да има некој кој ќе има поинаква перцепција за нештата.

 

Во право си.. не ја зедов во предвид (како што треба) субјективноста...

 

Па ете гледаш дека не е се до тој IQ тест туку е до тебе колку се трудиш нешто да направиш сам.

 

Стандардните IQ тестови, по мое мислење се за да провериш колку (не) си глуп. За еден просечен мозок се и треба да се радуваш ако имаш добар резултат, само тоа значи дека не си баш дебил, не дека си супер интелигентен. За нешто повидливо треба љубопитност и труд и вложување во себе.

 

Психолозите последно време многу повеќе ја истакнуваат потребата од емоционална интелегенција, способноста за емпатија отколку онаа IQ. Каква корист од високо IQ ако постојано ги злоставуваш луѓето околу себе, на пр. сопствената фамилија.

IQ то не покажува колку си глуп или не си глуп туку, колку брзо можеш да решаваш одреден (но САМО одреден) тип на задачи!