Тиктокификација на дебатен клуб: Apple vision pro - каква ни е иднината со него?

it’s a big NO from me! Апсолутно не гледам никаква придобивка од користење на хедсетот. Загуби од друга страна гледам премногу што дури тешко ми е и да почнам од некаде. Бегство од реалноста, отуѓување од луѓето и природата, зависност, оглупување и потешкотии при склопување и одржување реални офлајн контакти со луѓето…Преголем песимист сум за пребрзиот развој на технологијата. Страв ми е на каде сме тргнале и каде ќе стигнеме. Не сакам да бидам дел од иднината којашто ја предвидуваат, уште помалку да раснам деца во неа. Дали е голем ризикот дека ова би станало доминантна технологија сакам да верувам дека не е, но според правецот во којшто се движи светот се плашам дека е многу веројатно. За жал многу работи не зависат од мислењето на обичниот човек…

 

Со оглед на зависноста од мобилните која се создаваше во текот на последните 2 децении, верувам дека истото ќе се случи и со уредов. На почетокот беше интересно да имаш телефон надвор од домот, да не си врзан со кабел за него. Да можеш кога сакаш и каде да се јавуваш. Секако понатаму беше неверојатно дека можеш да слушаш музика, да сликаш фотографии, да гледаш видеа, со нет да дремеш на социјални. Сега веќе не ни мислиме дали имаме нет или не, едноставно насекаде е. Не мислиме колку саати дневно всушност трошиме на телефоните, зошто станато ни е дел од секојдневието до степен да забораваме (секако и генерациите родени во последните 2 децении не ни знаат за поинаку) како е да се живее живот без нив.

Убедена сум дека истото ќе се случи со уредов. Нуди олеснување во работата, со самото тоа што можеш да се поврзеш со компјутерот, а тоа значи дека секаде во секое време можеш да сработиш нешто, зависно од тоа што ти е работата. Не мора ни да си присутен на бирото. Можеш постојано истовремено да имаш отворен екран за работа, отворен екран од социјална мрежа, отворена плејлиста, а ти физички да лежиш на каучот во дневна или да се возиш во автобус. Кога пазариш, може да ти е отворен листот со намирници кои треба да ги купиш, а притоа да ти се слободни рацете. Додека лежиш во када со купка и свеќи, може да ти е отворен екран со нетфликс. Се' што е побрзо, веднаш достапно, нуди опција за мултитаскинг, ќе биде прифатено од луѓето.

Моментално премногу е скап за да може било кој да си го дозволи, така да одреден период сигурно ретко ќе го среќаваме. Но верувам дека како што повеќе ќе се работи на него, ќе се подобрува, ќе станува се помал и потенок уредот, со повеќе опции и подобри перформанси, така ќе станува и подостапен за купување. Секако ќе се појавуваат исти уреди и од други фирми, па конкуренцијата ќе си го направи своето со цената.
Буквално исто како и со мобилните.

Страшното е што ние веќе сме полу-хибриди имајќи ги денешните одлични мобилни уреди од кои не се одлепуваме низ за до тоалет. Со овие уреди дефинитивно ќе се доближиме поблиску до дефиницијата робот.

 

Без да филозофирам. Ова многу ме потсеќа на некоја тешка шизофренија. Едноставно ми е нелогично да се внесам во "гледање" на работи околу мене а постојат само у мојата глава/хедсетот.

 

Според мене, сум за технолошки напредок и изуми.

Ова ми се допаѓа. Баш ми е нешто како што би рекле во 90-те, во 2030 ќе имаме "летачки автомобили"

Е сега, само јас сум за работите да бидат понапредни, да не морам вака да носам - 'фиксниот телефон' залепен на глава

Мене поинтересни ми се работи како што имаше пред некој ден, дека првиот на кој му вградиле чип, успеал со мислата да го придвижи глувчето. Now that's what I'm talking about

И сега во смисла, би сакала да може со мислите да ги креираме иконите пред нас, без маската за нуркање Што би рекла Инерка, ние сме Водолии

Би сакала Тесла да живееше во ова време и неговите идеи да беа реализирани. Можеби тогаш и кога му ги украле изумите, ги реализирале, само не за обичниот човек.

Односно дека технологијата е многу понапредна отколку што мислиме. Само за обичниот народ се создаваат работи од кои ќе стане зависен и ќе закржлави со мозокот.

 

Мене уредов ми е баш интересен. За секоја нова технологија што ќе се измисли има општа паника дека доаѓа крајот на светот, дека тоа е крајот на човештвото и веднаш се опишуваат само најцрните сценарија. Уникатна човечка карактеристика.

Освен тоа што очигледно овозможува придобивка во секоја работа, од ит до медицина, верувам дека во голема можност може да го олесни животот и на луѓе кои имаат попречености а и да ни отвори нови хоризнти во секојдневниот живот.

Дали наскоро ќе го купам? Секако дека не. Дали има негативни страни? Па да, како и секоја друга технологија. Не гледам разлика помеѓу одење на улица и гледање во телефон и ова или зависнот од уреди и ова. Ако го носиш на глава можеш да доживееш сообраќајка, исто и ако збориш на телефон и возиш.

Мислам дека ако доживее комерцијален успех, во иднина ќе го направат и со посуптилен изглед.
Вака од надвор малку личи дистописки, ама намената дефинитивно има силни позитивни страни.

 

Видеата се со позитивни и негативни страни.

Ова е со поедноставен ОС од оној на Ајпадот. Придобивки би имало само дома во дневната соба.
Да се сработи нешто поедноставно и брзо.
Но...
Хедсетов има несовршености.
Има надворешна батерија демек поради тежината.
На некои сепак им пречи. И мора почесто да се полни.
За некои луѓе сепак е тежок за носење повеќе саати, па треба да одберат ремен кој по би им одговарал. Има 2 опции.
Не е баш за луѓе чиј вид не е одличен. Некој ќе треба да нарача посебни леќи од Епл или соработник.
Има проблем со приказ на боите во реалната средина и оние вештачките средини. Влијае и светлото во реалноста во која се наоѓа човекот.
Ако човек си дозволува скроз да потоне, не треба да го користи надвор од дома. Вистина е дека и другите уреди носат ризици, но сепак тие не му се на глава и можеби би избегнал удар ако му е ок периферниот вид.
Хедсетов целосно ги окупира очите. Човек при употреба на хедсетов мора да ги земе предвид претходно споменатите околности.
За сега не е нешто што не може да се направи со уредите кои не ни висат на главата.
И тоа како изгледаат очите на корисникот не е баш како на рекламата. Друг не може лесно да сфати дали корисникот го перцепира.
Креирањето на персона исто така не е најдобро. Некои корисници изгледаат доста реално, додека други изгледаат поинаку.
Како и секој уред, и овој би ги одвоил луѓето од реалноста и едни од други доколку кај корисниците се створи зависност.
За сега не може да доминира бидејќи е прескап и му треба доработка.

 

Има во видеата. За изгледот на аватарот на корисникот и фацијалните експресии и како тоа делува при фејстајминг. Пример, Маркес доста реално делува, а други не баш.

 

Марк изгледа се осеќа малку загрозен.
https://youtube.com/shorts/sNlVN6vXHPw?si=_7ZFYrCcWoph7nid
https://youtube.com/shorts/b5jlpPVp3sc?si=Sa3OgZd-NFVrT5KX


Упс...

 

Јас од темава дознавам за уредов. Во СДК пред некој ден ги пофалив Апл за технологијата, ова е стварно Black Mirror левел. Не ми се верува до кај стигнавме, вау. Начинот на кој се навигира ми е навистина суреален, само со раце и очи???

Замисли да гледаш слики и видеа со уредов, спомени пред твои очи на големо. Стварно ми е прекул, се наежив гледајќи го видеото.

 

Нема да заживее се додека не се намали на обем до степен на наочари или контакт леќи.

Башка Маск е многу понапред со неуролинкот и веќе го тестира на луѓе.

Вижнов дур стигне да се користи масовно веќе ќе биде прерипнат технолошки.

 

Јас пишав за Марк, сопственикот на Мета. Има негов ВР, Мета Квест. Мета Квест 3 е споредуван со Епл Вижн Про. Мета Квест е поевтин и посреден (според сопственикот).
А, Илон Маск го има Neuralink, чипот за во мозок. Со чипот парализирани луѓе би можеле повторно да контролираат уреди. Маск тврди дека веќе се гледа иницијален успех кај првиот човечки пациент. И он има визија дека ова би можело да помогне и со менаџирање на некои ментални состојби.
Мене ова ми е поимпресивно поради неговата намера и намената на неговиот производ.


Инаку, еве видео со споредба меѓу Епл Вижн Про и Мета Квест 3.

 

Глупости
За нешо врши работа, ама мислам дека ќе отупиме до даска. И општо за сите тие работи кај шо користиш само мозок, а не и раце пример. Мора да работи телото.

 

Интересно ми е, би сакала да го имам бидејќи сум Tech Freak

Но ќе почекам уште некоја година кога ќе ги направат со големина на очила / леќи (кога тогаш ќе се деси, да не се лажеме) и тогаш ќе ги земам

Но секако треба да се користат во контролирана средина, каде носењето на оваа опрема нема да доведе до ризик по лицето кое што ги носи и по лицата во нивната непосредна околина