Не сретнав ваква тема, а многу ме интересира каков е ставот за Тим Билдинг активностите кои ги организираат работодавачите? Која е поентата на овие активности, дали сметате дека влијаат позитивно на меѓусебниот однос на колегите и на работниот процес, дали сите вработени треба да се вклучени во овие активности...и најважно, дали треба да се задолжителни или не?
Тим билдинг активности се користат за да се зајакне работната група. Преку заеднички активности, кои имаат некоја цел што треба заедно да ја постигнат, членовите на групата формираат подобри социјални врски едни со други. Вработените градат доверба еден кон друг, почит, соработка и стануваат посложни и посилни како целина. Низ активностите се подобрува комуникацијата меѓу вработените, се дефинираат улогите на секој член од тимот затоа што секој допринесува кон заедничката цел со она во што е најдобар и се идентификуваат лидерските квалитети. Се поттикнува развојот на вештини, креативноста, моралот, мотивацијата на вработените, и нивното ментално здравје. А на групата или организацијата и се подобрува продуктивноста и лојалноста на вработените кон организацијата. Менаџментот полесно ги идентификува улогите на вработените кои им одговараат, лидерите (на пр доколку прават активности во кои се решава заеднички проблем ). Со тим билдинг инвестираат уствари фирмите и во вработениот и во фирмата. Затоа тим билдингот е пракса на многу фирми-заради позитивните ефекти. Не треба да е задолжителна, наметната со сила, туку да се прави кога менаџментот ќе процени дека има потреба и услови за тим билдинг.
Јас мислам дека баш тим билдинг е една од најважните работи за успешноста на една фирма. Би требало да се практикува често. Со тим билдинг активности се зајакнува тимот, се запознаваат вработените на еден по друг начин.....
Темава инаку ја отворив затоа што мене лично ме засега. Кај нас на работа често се организираат вакви настани, кои воедно се и задолжителни. Тоа е она што мене лично ми пречи затоа што не можам (а искрено и не сакам) да присуствувам на нив.
Јас се согласувам со ова иако повеќето од колегите не само што го прифаќаат со задоволство, туку и бараат што почесто да се организираат. Јас немам ништо против, тој што сака да се дружи и да ги "билда" односите со колегите може и после работа и за викенди...кога сака. Ама да не е задолжително за буквално секој вработен од фирмата.
Така си е. Не може и не смее да е задолжително ако е вон работно време. Ако ти одиш таму на сила тоа дава контра ефект. Јас работев во фирма кај што се одеше на тим билдинг со фамилиите, тоа е веќе друго но сепак не задолжително. Штом некој те тера нешто против твоја воља тоа би давало негативни резултати. Колегите што сакале да одат(твоите) или немаат фамилии или едвај чекаат да избегаат од дома,или пак се некои кои сакаат да се докажуваат пред работодавците.
Официјален и, скраја да е, задолжителен тим билдинг - неќам. Ама сметам дека е важен. Особено кога прија на повеќето, со активности шо поќето ги сакат. Има ем социјализација ем ефективност при работа во тим.
Тие тим билдинзи се чиста глупост. Се собираат тие "најјаките" (читајте: што за ништо не ги бива). Не е баш така како што мислите дека ќе се сплотат вработените, туку внатре сето лицемерно. Не, фала.
Доста ми е што сум со одредени луѓе 8 саата и морам да бидам пристојна, уште после 4 да ги гледам или за викенди? Боже сачувај. Цени го вработениот, плати го добро, подобар тим билдинг од тоа нема. Ова ви го кажува личност со 20 години стаж и многу поминати работи.
Сметам дека не е во ред што се задолжителни. Инаку сметам дека имаат позитивни ефекти особено ако се прават активности интересни за повеќето вработени. И секако, зависно какви ти се колегите. Леле извини ама ова ми е пострашно и од тим билдинг само со колеги. Искрено не ме занимаат фамилиите на колегите па да морам и со нив да градам односи некакви, а сметам и дека нема потреба во професионална средина да се инволвираат партнерите и децата на колегите.
Не се согласувам со тоа да се задолжителни, по ова што го прочитав дека бараат почесто одржување одма ми иде на памет дека можеби бараат дека им служи како параван за нешто друго. Можеби па и не е така, но колку често ќе се сака да се одржуваат зависи и од работната атмосфера и тимот на луѓе. Има фирми со супер работна атмосфера и таму тим билдингот мн. допринесува за јакнење на соработката помеѓу вработените, се запознаваат во поинакво светло и лик од раб. место, поопуштени се да дојдат до израз некои други црти и карактеристики. Така што сум за тим билдинг активности, ама кога се одржуваат плански и умерено, кога се осеќа да е време и место за нивно одржување, а не само ајде ради реда да се оди без да се има никаква желба помеѓу вработените, без да има продуктивен концепт кој ќе се следи и без при тоа да има никакво подобрување во фирмата по завршувањето и присуствувањето на тим билдингот.
