Се почесто слушам како се користи терминот втора зона за да се опише вид на тренинг кој што им помага на атлетичарите, па и рекреативните спортисти како нас, да си ја зголемат издржливоста, унапредат формата и општо подобрат здравјето. Како се пресметува втората зона? Од тоа што прочитав до сега, има два начини да се дознае која е твојата втора зона. Полесниот е преку онлајн калкулатор, каде што ја впишуваш возраста и ти го дава максимумот откуцувања на срцето на минута и од тоа се прави поделба на пет зони. Линк до калкулаторот овде. Другата опција е преку стрес тест за спортисти, го има и кај нас и е препорачано секој што спортува да го направи. Упатот го дава матичен лекар. Каков вид на тренинг може да правите за да се оддржите во втората зона? Зависи од вашата подготовка секако, но станува збор за тренинзи кои додека ги правите, можете да дишете преку нос, или пак да размените по неколку зборови со некој околу вас. Прочитав дека за некои лесното трчање е прифатливо, пешачење, планинарење, возење точак, ролери итн. Не сум некој експерт на темава, ама сосема случајно минатата зима вежбав во оваа т.н. втора зона и кога се вратив на другите спортови што ги паузирав тој период, имав многу, многу поголема издржливост. За мене тренинг од втора зона е тежински тренинг, бидејќи секогаш вежбите ги правам многу контролирано па така и пулсот ми се држи во втората зона. Бенефитите за мене за сега се, намален пулс кога мирувам (resting heart rate), многу поголема издржливост при трчање, планинарење и возење точак итн. Дали вие практикувате да имате тренинг посветен само на одржување на оваа зона? Доколку да, кои бенефити сте ги приметиле? Инспирација за темава ми беше ова видео.
Ова е чиста глупост и губење на време безпотребно. Дишењето се знае како оди а пулсот варира од начинот на интензивен тренинг,волумен. Во пулсот влегува и исхраната. Максимален пулс при тежински тренинг до 120 се смета за нормален кај напредни и активни лица.
"Зоните" не се толку битни во секој спорт. Битни се (не зоните ко зони, пер се) во аеробните спортови каде што е потребна издржливост. Разликата помеѓу аеробен и анаеробен тренинг е пред сѐ должината на останување во некоја "зона". При што се подобрува работата на кардиоваскуларниот систем - и затоа и популарно се вели "кардио". Кардио ≠ слабеење Кардио = тренинг на кардиоваскуларниот систем При што да, се стекнува поголема издржливост, и кондиција за телото да може подолго да биде во некаков напор - пример трчање полумаратон. Издржливоста шо се појавува како последица на "втора зона" која се постигнала во тежински тренинг, не е толку резултат од издржливоста на телото колку што е од самото зацврстување на мускулите. Така да, "зоните" односно срцебиењето се битни како индикатор за способноста и подготвеноста на телото но во аеробните спортови како трчање, пливање, велосипедизам...
Па да, се согласувам. Јас во овие спортови гледам огромен напредок кај себе, најверојатно поради континуирано вежбање, дел од кое било во таа зона.
