ОД УТРЕ ПОЧНУВА ПРЕРЕГИСТРИРАЊЕТО ВО БИРОАТА ЗА ВРАБОТУВАЊЕ ЗА ПРАВОТО НА СИНИ КАРТОНИ УЈП ќе ги следи сметките на невработените Дали невработените од септември сами ќе си го плаќаат здравственото осигурување, ќе зависи од висината на парите кои претходната година легнале на трансакциските сметки на сите членови во семејството Сите невработени од утре, па во наредните два месеца ќе треба да пополнат изјава за тоа колку приходи имале минатата година во бироата за вработување каде што привремено ќе бидат поставени шалтери на Фондот за здравствено осигурување. Од септември државата нема да им дава здравствени картони само затоа што се невработени. За да добијат право на бесплатно лекување, тие ќе треба да му докажат на Фондот за здравствено осигурување и дека живеат сиромашно. Дали невработените од септември сами ќе си го плаќаат здравственото осигурување, ќе зависи од висината на парите кои претходната година легнале на трансакциските сметки на сите членови во семејството. Ова ќе важи само за семејствата каде што нема ниту еден вработен. Семејствата кои имаат барем еден вработен член, нема дополнително да плаќаат за сини картони, зашто тие и понатаму ќе бидат осигурани преку тој што работи. "Ова е проект на Светска банка за намалување на бројот на фиктивни невработени што остваруваат приходи по разни основи, на пример, авторски хонорари", вели Бранко Аџигогов, портпарол на Фондот за здравствено осигурување. "Целиот систем е така осмислен да биде доволно да има еден носител на осигурувањето за целото семејство да добива сини картони. Невработените што сами ќе почнат да си плаќаат во септември, ќе добијат здравствени картони за октомври/ноември", вели Аџигогов. Освен Фондот и Агенцијата за вработување, клучна улога во новиот систем на здравствено осигурување ќе има Управата за јавни приходи. Таа ќе ги следи финансиските приходи на невработените во текот на годината и, врз основа на тоа, тие ќе бидат групирани во три категории. Семејствата со невработени што имаат годишни приходи од 132.000 до 182.000 денари, за сини картони ќе плаќаат по 1.100 денари месечно. Оние, пак, со поголеми приходи ќе плаќаат околу 2.200 денари. Студентите, сe додека се школуваат, ќе добиваат сини картони преку родителите, без да се уплатува дополнително за нив. Според статистичките податоци на Агенцијата за вработување за 2009 година, објавени на нејзината веб страница, во Македонија има 248. 277 лица што добиваат здравствено осигурување по основа на невработеност. Р. Фотиновска Кои приходи не треба да се пријават: -награди, стипендии и кредити на ученици и на студенти -приходи од волонтерска работа -детски додаток, еднократна помош за новороденче и родителски додаток -надоместок во случај на смрт -социјална помош -надоместок по основ на невработеност -алиментации -надоместок за телесно оштетување
Мизерија... http://www.crnobelo.com/zabava/evergrin ... ata-mravka Ко дополнителна поука,може нешто друго плус да се извади... Мизерија,немам зборови.Ова само генијален ум може да го смисли.
Да не ќе дојдат да ме контролираат и колку пати вдишувам-издишувам ? Господе помогни ни Зарем треба во пештера да се преселиме за да поверуваат кои се сиромашни? Леле не ми се верува
Извини и пештерите се луксуз,имаш нешто над глава! Под оревот у парк ќе те молам! Јас малце у нејасна категорија спаѓам! Треба да одам да прашам у кои сум,нешто не ми е јасно,ама у секој случај,шо и да ми речат,губам!
Пази наоѓаат начин да ти ги пресметаат сите приходи што ги имаш и на база на тоа да ти го сецнат здравственото што ти го дава државата, ама не им текнува и ова да го искористат во борбата против сивата економија во државава, експлоатацијата, непријавените вработени кои работат со полно работно време, а добиваат приходи на база на авторски права, какви од кога знам за себе земам а работам повеќе одошто оние во администрација, пријавените. И кој испаѓа заштитен... газдите бе се разбира, тие ја ранат државата, кои сме ние побогу. Комедии!
Биг Брадр упс УЈП ис вочинг ју смалји со најнамќор поглед и вперен прст во тебе!!! Туку мене не ми оди никако оваа логикава а прилично добра сум била по логика и математика и се‘ од таа сфера - значи ако семејствово имало некаков приход МИНАТАТА година нема да има право на здравствено од септември ОВАА година. Ако некој остварил приход од неколку стотина евра лани треба да се лекува со тие пари годинава и тоа ќе му се рачуна како приватно лекувањето бидејќи нема ни за 1.100 ден. доплата да одвои пр. бидејќи сега зема социјална помош од 1.600 од кои ќе му останат 500 ден. да се прехрани но и натаму треба да докажува дека е сиромашен?! Или некој добил отказ во јануари минатата година и бил единствениот вработен но во трагата стои дека има приход минатата година. Истрагата на местото на злосторството утврди приходи од цели 5.000 den кај семејството и од тие пари има да се хранат и лекуваат во наредната петтолетка, а не да паразитираат на сметка на фондот кој е наменет токму за тоа да ги задоволува потребите за лекување на граѓаните. Сите би да си играат детективи и УЈП и ФЗО, некои фрустрации од детство ќе да е кај креатори на вакви брилијантни „реформи„. Квиз прашање за крај кој е овде (умо)болен осигуреникот или осигурувачот на ФЗО, ?!
Им наоѓаат работа на тие што таму цел ден крстат нозе во УЈП и пијат кафе. А и ако е невработен од кај ќе плаќа 1000 ден пр. месечно. Само едно заборавил, дека тој што е невработен а работи неосигуран зема плата на рака, ок можда ќе има нов прилив на инспектори на терен. Ок, на запад е нормално да сам си плаќаш итд итд ама кој е стандард таму а кој е овде... Овде е јасно и гласно , земај повеќе данок -пари од сиромашните а богатите ( само 2 класи има кај нас нема средна класа) остави ги на страна, тие си имаат ........... Нека дојде дома да ми ги брои цигарите што ќе ги испушам. Реформи!
Овие уште малце ќе почнат да не селат..... Ќе ти дојдат дома ...Колку души зивеете во кукјава? - Тројца. - А голема Ви е ...ајде пола куќа Ви се одзема доста ви е една дневна со кујна едно купатило и една спална....другото го зема државата..за сиромашните демек. И така ќе не оголат еден по еден и на народов пак ќе му е супер....Браво за реформите...... Толку ни се реформите успешни што не ДЕФОРМИРАА и нас а и цела држава. Браво за ДЕФОРМИРАЊЕТО!
абе бог да чува ама знаеш како кога на политичарите ке им дојде некоја идеја таа како по обичај е секогаш лоша
И значи лекцијата за денеска ви е, ако имаш 11 илјадарки плата, ти си сосема доволно богат да ти одбијат илјадарка или нешто помалку од плата за да се лечиш.. а како тргнала работата, ти секако во најмала рака ќе се поболиш од умот, па ако не мислиш да ги дадеш ќе се зезнеш... нема да имаш како да се лечиш. Што се илјадарка плус минус од 11 илјади во земјава. Ништо! Место за глупости да ги трошиш, ете ти.. инвестираш во здравје, а владата нема да троши на тебе... треба нови проекти, нови споменици, нов мандат бе. Каса да се пуни. И да одиш да пријавиш лани колку ти легнале на сметка човеку! Бидејќи иако ова е проект чисто на Министерство за финансии како што изјави она оќезеното момче, УЈП не ти е тебе надлежно да ги префрли документите што ти во февруари си ги дал кај нив на шалтер! Да си знаеш. Трансфер на податоци не бива, кошта тоа! А, во здраво тело, здрав дух. Пат под нозе и да си потпишеш изјава дека толку и толку си примил лани, ако не ќе го кркаш. А пошто од здравство ќе го кркаш ради изјавава, можда после по автоматизам и од УЈП исто ќе го кркаш... паралелно две оброчиња. И ова ти се приходи ко што реков. Расходи да не рачунате колкави имате за живеачка, пошто ви се таман. Кој си живее дома со родители да си остане за навека и да се моли да му ги поживее Господ, оти ако без нив остане, без нивна плата или пензија ќе му оставите долг на братот, сестрата или кој и да друг што живурка во вашата куќа, пошто за погреб најмногу ќе ви треба.. цел кредит. Па мислете на оние што го немаат ни тоа. Нели сте сепак у супер ситуација. ТОП! Реформи, реформи, реформи (ова беше отпеано во стилот на мотори, мотори, мотори) Живела Влада - поцркал народ!
Значи сепак било вистина ова за новиот Закон за здравствено осигурување што се збореше пред избори, што не снајде, јас дома со еден вработен и еден пензионер чија пензија е блокирана, односно под опсада, ќе плаќам 1.100 денари за плави картони, а лекови, а услуги? дали се овие нормални? од каде пари за ова?
Не планирам да потпишам никакви изјави и нема да им давам 1100 денари месечно за да им ги полнам буџетите. Едноставно не ми требаат сини картони. Фала му на Бога, со добро здравје сме сите, не одиме на лекар секој месец. Ако ми притреба да одам на лекар, со тие 1000-2000 денари ке отидам на преглед во Систина или Ремедика па ке добијам услуга на ниво. Кога и да ми притребало сирупче за децата, не сум нашла со картон туку купувам приватно; витамините или сирупите на приридна база во секој случај се купуваат; на стоматолог СЕКОГАШ плаќам приватно, па кажете ми зешто да ги давам тие 1100 денари месечно? Спојлер Со извинување до феминките, да ми се фатат за таквото
Абе ти немора ништо да потпишуваш и прифаќаш, само ќе ти дојде дома Решение и ако до 15-ти (лупам) не го платиш ќе ти ја блокираат сметката. Исто како што прават за радиодифузна такса. Немаат пари во каса, го трошат кредитот од ММФ и еве сега смислуваат како да ги плаќаат ратите, па нормално тие ќе трошат а народот ќе плаќа.
Добро а правото на избор? Јас можеби сакам приватно да се лечам? Зошто да поднесам данок кон државата?
Правото на избор Оффи кај нас одамна го нема. Државата мора да си ја полни касата, овој закон е само почеток. Чекај, уште што нема да смислат. Долгот мора да се плати!
Дали е некој подетално информиран со оваа информација.Кои документи треба да се носат во ФЗО?ај нека пише некој што бил.поззз
Можеби до сега си завршила работа али ај за тие што не се. -копија лична карта, Извод на родени, Државјанство -Потврда од Биро, УЈП за остварени приходи (обична бланко ја даваат само да се потполни) -Барање од ФЗО и уште едно барање даваат за електронска здр. книшка Застанеш машки во ред пред ФЗО и се убиеш од чекање додека ти дојде редот