Фемински κлуб на читателκи (Every Smile You Fake - Dorothy Koomson)

Ако сакаш ти почни си со ривјуто, јас секако ќе пишам после. Се загледав еден цртан филм на компјутер, па таман ќе напишам натенане што мислам за книгава.

 

Слободно се пишувало секогаш на темава.

 

Ајде јас ќе почнам, па да си знаат девојките кои сè уште ја читаат книгава - овде може да има спојлери.

За почеток, од мене тројка за книгата и не сметам дека е лоша оценка за книгава.
Шаблонот не е тој кој што до некаде мислев ќе биде и океј бев со тоа. Немаше класичен среќен крај и немаше класичен „Сара Џио крај“ кај што на главниот лик му се случила трагедија некаква од големи размери и таа му е тригер, ама и покрај тоа да се изнуди среќен, најсреќен, зашеќерен крај. Не. Реално заврши, но некои работи едноставно ми немаа поента.

Ајде да почнам од почеток. Керолајн била од тие жени кои се откажале од многу работи за да го задржат партнерот до себе. Може и така испаднало, но факт е дека она беше многу потценувана од сопругот со муабетите „е што ќе правиш со дипломата од факсов, е како ќе најдеш работа како историчар, е вака, е така“. Од старт ми се упали црвеното светло за типов и еве да ви кажам, ни имево не памтам како му беше.
Влезен во корпоративниот свет, он си го тера животот, додека жена му дома се јадосува на секој негативен тест за бременост. И така додека не дознае за неговата афера, па наместо да одат на заедничко патување во Лондон, Керолајн си ги пакува куферите и заминува сама.

И имево како се погоди, исто и Сара Џио има една ваква Керолајн во нејзина книга и како од старт да знаев што да очекувам, што знам. Прво мислев дека ми се скрши филм и потсвесно ќе си го расипам впечатокот сама, но како тргна книгава, си реков - па не е до мене, стварно е ваква книгава.

Многу фина замисла со приказнава за Џулија Тофана, но сетингот во Лондон не знам дали ми беше толку потребен и тоа ми е можеби замерка зашто ми ја оддалечи приказнава. Замислете само колку сè ќе беше поживописно, поубаво ако беше сместено ова во Италија?

Сепак беше интересно за читање. Книгава е толку питка, веднаш се чита и мислам дека затоа освои премногу читатели - факт е дека тешко се наоѓа книга што ќе те завлече да читаш, а луѓево сакаат такви catchy приказни. Кај мене, само на тоа остана - фино, забавно, лесно за читање.

Фалеше малку да се дообработат ликовиве, да се избрусат, да им се даде и трета димензија можеби, но сепак имам чувство дека ова и не беше таква книга во која ќе им се воодушевуваме на некои не знам какви ликови. Едноставно, да си се прими така како што е напишана и толку. Без некои навлегувања во детали.
Кога ќе навлезеш да цепкаш, станува зезнато не само кај книгава, туку кај многу други книги од комерцијална фикција.

Класично дуал-тајмлајн раскажување имаше од три перспективи - Керолајн, Елиза и Нела.
Од сите три, Нела ми беше некако најдобро изградена, ма да без Елиза во сликата имам чувство нешто ко да ми фали кога ги спомнувам нив две посебно, ептен беа уиграна двојка и криво ми е што Елиза направи толкава жртва. Кутро девојче, многу ми беше жал за неа, ама толку беа замрсени тие поглавја, што мислам дека она само сакаше да го исчисти теренот за Нела да продолжи да им помага на жените кои имаат потреба. Иако некогаш имам чувство дека добрината на Нела беше злоупотребена од жениве, ама како инаку ќе имаше причина за заплет во книгава. И со тоа бев океј.

Пишувањево беше фино, ни нешто многу накитено со епитети и украси, ни блуткаво. Ама имаше некои делови кои тоооооолку ми немаа логика, се изнасмеав на глас. И повеќето од нив беа во поглавјата на Керолајн, секако дека да.

1. Оди во Лондон, се шета и опалааа - го наоѓа шишенцево од аптека во реката. Патем, се работи за скриена аптека која не постои со векови, значи затворена беше и сокриена така што не знам како се нашло шишево таму. Секако дека постои причина дека можеби деца играле таму па расфрлиле нешто, но што знам, јас како Неверен Тома со тапија, решив да се сомневам во ова.

2. Сопругов на Керолајн се напи нели масло од еукалиптус и се обиде да се самоубие, а полицијава кога дојде да истражи, одма ја приведе Керолајн - пази леба ми, у тетратката имала напишано, но и подвлечено за отровиве. Одма у ќорка, трујачка на мажи.

3. Се запиша нели на студии/мастер, го расветли случајов до најситниот детаљ и магично реши да фрли сè во воздух, односно да не ги објави баш сите детали. Сериозно? Девет месеци потрошени, практично за ништо. Па сите пронајдоци беа толку интересни, можеа да послужат ете како информативен материјал за доближување до цели генерации жени кои биле спасени од лоши бракови и насилни сопрузи, а она реши да се тргне затоа што премногу се споила со приказната на Нела и Елиза, па се задржала само на „безбедниот“ дел.

На крај, барем се оддалечи од браков кој ѝ ствараше преголема фрустрација. Си почна нов живот, се собра, се среди и стана среќна и задоволна жена сама со себе, без да зависи од некој друг. Е таа порака ми беше убава како за промена, зашто жениве во овие книги ги прават навистина премногу зависни од нивните партнери и на крај кога ќе им свирнат некое тешко клише дека се смириле, си простиле и си живееле среќно со пет дечиња...добивам вртоглавица од вртење со очите накај тилот.
Не дека не е клише и ова за силни ненадмашливи жени, ама навистина - секоја жена треба да си се почитува себе си и да не дозволи да зависи од одобрувањата на кој било.

Ете, отприлика тоа е мојот впечаток и со душа чекам да прочитам што мислите вие. Иако кај мене доби просечна оценка, ми беше интересна книгава, без да навлегувам во деталиве нели што ми штрчеа цело време. Мислам дека беше супер за загревање во клубов, па еве го мојот предлог, на многу, многу интересна тема.

Firekeeper's Daughter


Жанрот е young adult, ама нека не ве обесхрабрува тоа, ве молам.
Темава е многу интересна и мислам дека ќе ни даде многу теми за дискусија - индијанци, корупција, криминал, расизам.

Во моментов ја читаат во клубот на Рис Витерспун и јас морам да признаам дека се зачитав „само прологот“, па првото поглавје, па самооо уште едно и си реков ајде доста, ќе ја предложам овде за да ја збориме.

 

@ane.bella јас нешто ептен жолчно ѝ влегов на книгава, ја обработив малтене како лектира.
Не се замарајте како или што ќе биде напишано, битно е само да ни биде забавно и да си муабетиме.

Да, ист впечаток имам за поглавјата на Керолајн. Буквално ништо не сменија во квалитетот на книгата и дури и ако ја немаше неа како лик, книгава ќе беше можеби и поубава. Премногу е интересен тој период што беше опишан и навистина не се споредуваше со ова што се случуваше во модерново време, чисто така ставено колку да се случува нешто нели.

И да, баш сакав да спомнам за жанровите што беа изнапишани. Ова беше баш историска фикција, ниту фантазија, никаков трилер исто така. Не знам што им е на луѓево што ја ставиле во ваков жанр, малку утнале.
Десет пати се спомна зборчето магија, се спомнаа вештерки, чудни напивки и одма ја сместиле книгава во фантазија а не е таква. Во последно време ептен вака цепидлачат со жанровите, не ми е јасно зошто.

The Grace Year лани ја читав и ме бендиса. Многу добра книга и супер избор, ептен сакам дистопии.

 

Дај пресечи ти ако не со некој предлог @CameliaMiller. Ќе почекаме деновиве таман да се искаже @sweet-cherry и некоја друга ако ја почнала во меѓувреме и може одма да ставиме нова. Може црешка ќе даде уште некој предлог.
The Grace Year мене ми е читана, а другава не знам ќе може ли @ane.bella да ја симне од тука без да ѝ стигне некоја казна дома.

Спојлер

Сакаш ли да ти ја пратиме преку порака во пдф потпишана со некое друго име? Мислам дека не би требало да прави проблем вака, па ќе ја ставиш за читање.

 

Кажувај што ти падне на памет друго , секако имаме време па ќе најдеме нешто интересно за читање и коментирање.
Мене многу ми е интересно да си имам друштво за читање.
Од блискиве никој не чита на Киндл, па доживљај ми е кога вака се собираме, макар и виртуелно.

Спојлер

Мислам дека вака нема да ти стигне казна, не е страшно се додека не симнуваш директно од пиратски сајт. Барем така мислам. Исто и од симнати на мејл или во порака тука на форумов. На мејл и испраќам книги долго време на другарка во странство, досега немало проблем, а исто и преку пораки тука.

Зависи каков модел на Киндл имаш, мојов е 10та генерација и не ми прифаќа ниту пдф, ниту epub не знам зошто, па си ги конвертирам во mobi или azw. Има онлајн конвертер и може бесплатно да си ги конвертираш книгите. Ако ти е шубе, стави му на фајлот некое безвеза име таму со бројки и после смени си го откако ќе си ја симнеш книгата. Јас обично преку кабелчето си ги префрлам книгите и така ми е најлесно. Ги барам или веднаш во моби или со конвертеров бркам работа, ќе ставам линк од него.
https://www.online-convert.com/

 

Да @sweet-cherry тотално се согласувам. Мислам дека авторката сакала ликов на Керолајн да го воздигне малку и да покаже дека еве научила од сопствените грешки и се потрудила да ги поправи заради себе. Навистина ми се допадна што не беше класичен хепи енд, а пак до некаде заврши среќно.
Имаше баш интересни пресврти и тоа ептен ме израдува и мене.

И многу ми се свиѓа Addie LaRue леле со месеци ја гледам, ја ставив за читање и никако да ја почнам. Туку и' се мислам. Другава сега ќе ја проучам.
Давајте предлози, дочитувајте која што си има почнато, секако ќе одбереме нешто.

Ако ја има The invisible life of Addie LaRue @ane.bella да ја фаќаме неа следна ако сте за.

 

Ајде нека биде Addie LaRue тогаш. Сега ќе ја ставам да си ја симне кој ја нема.

Читате нешто во моментов? Јас имам една за довршување па потоа ќе ја почнам книгава, најдоцна до вторник-среда.

Инаку @ane.bella ако не се снајдеш со префрлањето пишувај слободно, ќе најдеме решение.

 

The Invisible life... е новата? Или за април ќе биде? За една месечно е одлуката?