Пребарував и мислам дека нема ваква тема. Хипи движењето се појавило во шеесеттите години во САД, како одговор на опаѓањето на христијанскиот морал. Политички, хипиците често биле инволвирани во мировни преговори и паради, од кои намногу се истакнува маршот против Американската интервенција во војната во Виетнам. Хипиците се познати по нивниот оптимизам, живеењето во комуна, идеите за универзална љубов, универзална влада и универзален мир. Нивната инспирација ја црпеле од улиците, источните религии (харе кришна), њу ејџ религијата (која имала за цел да ги спои сите светски религии во едно) и музиката (Битлси, Џенис Џоплин, Хендрикс..). Хипи модата и вредности имаа големо влијание врз културата, поп музиката, телевизијата, филмот, литературата и уметноста. Од појавата на широко распространетото движење во шеесеттите години на дваесеттиот век, многу аспекти на хипи културата беа асимилирани во доминантната струја на општеството. Религиозната и културна разнообразност што ја поддржуваа хипиците беше широко прифатена, а источната филозофија и духовниот концепт привлекоа голема публика. Завештанието на хипиците може да се гледа во современата култура во мноштво од форми - од здрава храна до музички фестивали, до современи сексуални обичаи (норми на однесување), па дури и до револуцијата во киберпросторот. Какво мислење имате вие за хипиците? Дали ви се допаѓа овој стил? Aa и ако некој знае ме интересира за flower power.
Не сум сигурна колкав е бројот на вистинските хипици денеска, со оглед на системот што владее - донекаде е невозможно да останеш прав хипик, слободен во мисла, слободен во се останато, да бидеш доследен целосно на она нивното, make love - not war или да живееш оптимистички до крајот. Убава идеологија створиле, ама јас денеска да верувам и да спијам на уво дека љубовта ќе го промени светот и да размислувам као се е добро, океј, сите сме смирени, приземјени, шарени и слободоумни, да пропагирам слепо мир и љубов у ова време и овој начин на живеење што ни е наметнат, ми се чини има уште во првата минута да скренам со паметот. Знам само дека е полно со wanna be хипици, со шарена панталона и цветич у коса и Џенис Џоплин наочарчиња, што идат у таков состав само за да дуваат и да си поминат добро, и тоа е тоа.. Што ми е апсолутно без везе... Пис!