Здраво, не успеав да најдам ваква тема па решив да отворам. За два месеци полнам 21 и планирам роденденот да го чекам дома со не повеќе од 10тина пријатели. Со моите отприлика секоја година за родендени ги спремаме речиси истите работи. Се е префкусно, но сакам да сменам оваа година и да има некоја храна која претходно не сме ја спремале. Обично правиме домашни соленки, сусам салата, компир салата, сезонска/зелена/шопска салата и секако дека има и сувомесно (шунка, кашкавал,кулен,чајна)... Би ми било мило доколку и вие споделите какви салати правите за родендени или не мора да е роденден дури и без повод како и било која храна која често ја приготвувате за прослави. Или пак да споделите доколку знаете некој интересен начин на сервирање на храната кој би можела да го искористам јас, а и сите останати феминки кои ќе читаат.
Правам салати и кифли. И обавезно има мезе (шунка, печеница, врат, чајна, кулен, сирење, кашкавал). Од салати најчесто ги правам таа со макарони и другата е со рендани компири и јајца.
Руска, руска и руска. Толку се. Ако кај мене у фрижидер најдеш руска, тоа значи дека или е празник или на некој му е роденден
Последно правев во грчки стил со цацики, гиро пита тријаголничиња, салата на стапче (боцнати чери домат, кругче краставица, коцка фета и маслинка), мевце на стапче, пита со спанаќ, фета и повеќе вида маслинки. Тешко ми е да смислам за посна слава, здосадено ми е од риба/грав/сарма. А за НГ планирам charcuterie даска, не се малтретирам со готвење.
За слава и НГ правам руска, француска и пилешка салата, од другото не знам да правам, кифлички си нарачувам.
