Еве тема за сите обожаватели на шолји за кафе, чај и сите други топли пијалоци. Отсекогаш сум била манијак за убави шолји за кафе. Ептен ми е убаво кога наутро си правам кафе, си одбирам некоја убава шолја (се бира шолја строго во зависност од моменталното расположение ) и го пијам со мерак така. Истото важи и за чај, какао и сè друго. Денес си купив нови шолји за еспресо и по не знам кој пат си кажав - епа толку веќе, овие се последни што ќе ги купиме, готово. И тоа трае отприлика до следните кои ќе ми фатат око и сè така. Ама навистина многу ми прават мерак убави шолји за кафе. Во секунда ми се крева расположение кога си пијам кафе од омилената шолја. Често купувам и ни се насобраа доста низ годините. Само штета што зафаќаат премногу место, па се трудам да се контролирам во последно време и секогаш кога некаде ќе видам интересни шолји си се потсеќам дека не ми требаат. Пишете што ви е битно кога бирате шолји за кафе, имате ли омилени дуќани за вакви работи и практично сè друго што ќе ви падне на памет поврзано со шолји. Може слободно да се споделуваат и фотографии од вашите омилени шолји, нека биде забавна темава.
Преубава тема. Обожавам убави чаши. Најчесто во Џамбо, Базаро си купувам. Евтини се, а и има убави и интересни чаши доста. Па, битно ми е да ми се свиѓаат и да немам таква слична чаша дома, да е нешто поразлична. Плус и мене дома доста ми се собраа, немам више кај да ги чувам, па ептен бирам ако купам некоја чаша сега да е стварно толку добра што не можам да одолеам да не ја купам.
И јас најчесто купував од Џамбо. Имаше еден период кога стагнираа со носење нови шолји, па сите други ми беа некако слични на тие што ги имав, па почнав и онака да купувам кај најдам. Малите онлајн продавници за вакви работи за по дома ми се ептен релакс на умот. Потоа почнаа да ме нервираат шолји со подебели рабови, па почнав да барам потенки. Во Ла Сој има прекрасни шолји. Тие што одат по две во пар се прекрасни. Штета што се малку поскапи, но кога ќе размислам и подобро така, инаку досега плакарот со шолји во кујна ќе беше накрцан со нив. Колекцијата со дела на познати уметници ми е врв и ептен ми се убави и за гледање и за пиење.
Јас обожавам шолји за кафе Имам околу 10тина кои ги менувам во зависност од расположението, годишните времиња, корицата на книгата што ја читам, моменталната декорација итн итн Само сакам да си најдам/направам убав држач, сега не ми се прегледни. Имате ли некој предлог за убави држачи?
Мојот фетиш Имам над 40 различни филџани ,во секакви бои и дезени,големини.Новогодишните ми се омилени.Џамбо,Homax,Tinoski,Floris,Makedonska kniga,Coin casa..од секаде имам.Ако сакаш да ме напраиш среќна купи ми филџан
Купував и сега баталив оти само една иста чаша влечкам по мене која не е нешто посебно, но ете. Ми лежи некако, што и да пијам ми е таман.
Лелееее темава Јас сум опседната со шолји, да можам секој ден во различна би пиела кафе. Купувам во Базаро, Џамбо, а често нарачувам и од инстаграм. Во Comodita Home има доста убави ама скапи се и немам купено од таму. Овие ги обожавам, ама гледам да не го отворам често профилов затоа што не можам да одолеам да не нарачам. https://instagram.com/zentangled_mind?utm_medium=copy_link
Купувам од Џамбо, Минисо, Базаро. Сега за Халовин се разочарав во Џамбо, немаше ниедна интересна. А што е најтрагично, буквално за украс ми стојат чашите, не пијам ништо во нив . Али пусти мерак.
Припаѓам во клубот . Дома ги имам премногу и немам веќе место кај да ги редам, па постарите ги користам како саксии .
Обожавам шољи, нонстоп купувам ако ми фати око некоја. Не сакам сетови, баш спротивно, убавината е во уникатноста на таа една шоља. Одамна размислувам дека сакам да научам грнчарство, да си правам мои шољи (и садови), да си ги дизајнирам. Најмногу ми се допаѓаат со рустикален изглед, не сакам многу шарени. Нешто во овој стил:
Не сум некој колекционер на шолји, имам неколку од Џамбо и Базаро. Неостварена желба ми е да имам старински(vintage) шолји со широк отвор нешто налик на овие:
Имам само еден сет од шест шолји, одговараат за секакво кафе. Маж ми запна - морало да имаме такви за кога ќе ни дошле гости. Мене тотално ми беше сеедно во какви шолји правам кафе, а па и едни гости кај нас...повеќе од две немам употребено. Намерно ги одбрав обични стаклени, сакав такви да си имам и големината ми е супер. Најголемиот дел шолји и мене ми се единечни, ама ми остана навика да бирам по две слични. Баш неодамна купив преубави сетови со по две шолјички, едни за турско и други малецки за еспресо. Периодов стално нив ги користам, уште не ми пројде мерак дека нови. И памтам пред неколку години сите маркети ги превртев за да најдам од оние култните црвени Нескафе шолји. Ко за беља немаше, или беа некои со безвеза мотиви од некое Светско првенство или што и да беше тоа тогаш, па со месеци ми траеше голготата. Кога конечно начекав од најобичните, тоа беше славје. Да биде иронијата поголема, турско си пијам во неа, ич не ми е убава за Нескафе.
Ова е одлична идеја, ама кое цвеќе го собира во такво саксивче ? Од кактуси не се разбирам, да си кажам одма. Он топик- сакам да си купам некој сет најпрекрасни шољи за кафе, ама во моментов немам кај да ги чувам. А и страшно пребирливи сме, сакаме со тенки ѕидови, со интересен дизајн, со вивидни бои (сет од семејни желби). Немам најдено нешто што ќе ми влезе во сите критериуми, not yet...
Се наоѓа по нешто . Всушност имам права саксија купена од продавница шолја, така ми дојде идеја да ги искористам вишокот дома и да отворам простор за нови . Како првото имам исто, алое ли како се вика не знам и кактуси.
Не се замарам со ова, постојано пијам само од 2 исти чаши. Не дека немам повеќе, туку навика. Пред скоро време баш размислував дали ми треба нов сет.
Јас сум љубител на филџани, меѓутоа не сум колекционер. Имам неколку убави филџани, меѓутоа кафе пијам во еден стар ружен филџан бидејќи тој ми е совршена мерка за тоа колку млеко треба да додадам во кафето. Плус, не би сакал да ги уништам убавите филџани, кои најчесто се поклон. Омилениот што ми беше од Икеа, гости ми пиеја вода во него и ми го скршија. Затоа, убавите на страна. Мислам дека само бел(од убав порцелан), минимален, со модерен дизајн филџан би се нафатил да купам. Иначе, убави филџани имате и во Супер Тинекс, малку се поскапи ама навистина се прекрасни. Исто така и во Рамстор има, ама ми се чини ко во Рамстор цело време истите модели да си седат.
И јас обожавам разни шолји, ама утринското кафе мора да ми е во една иста шолја, и тоа таа треба да е во смирувачки бои (на пример пастелни, ама задимено пастелни.... ќе дадам пример ), затоа што самата рутина кога го правам кафето ми е како еден вид на медитација и така додека го пијам сакам да биде смирено, нежно. Долго време имав ваква боја на шолја: Спојлер Ама ја скршив и сега ми е обична проѕирна со убав облик, ама сакам да ја сменам. За кафе во други часови од денот имам најразлични, со тоа што тие кои ги користам се совпаѓаат со годишното време... преку есен ги користам потемните бои, потоа новогодишните и во пролет најшарените, имам дреч жолти, цветни... шолји. И така.
