Што јадев во текот на денот

Има еден тренд на социјалните мрежи "What I eat in a day" каде што преку фотки или видео, луѓето прикажуваат сè што јаделе и пиеле во текот на тој ден.

Најчесто луѓето прикажуваат и други делови од денот, со цел подобро и поинтересно објаснување за тоа како и зошто така се вклопени оброците во секојдневието.
Многу често ги споделуваат и нутритивните вредности, доколку поентата е да покажат како се трудат да симнат или зголемат килограми, но често може да се најдат и режими на исхрана на луѓе кои мораат да избегнуваат одреден тип на храна поради здравствени причини, дали тоа било нетолеранција, алергија или едноставно борба со проблеми со хормони (на пример).
Не секогаш постовите се посветени со совршени оброци и ужинки, има и такви чии оброци се исклучиво фест фуд и разни грицки и слатки.
За сечиј вкус по нешто.

Во секој случај, за мене ваквите постови се доста инспиративни и често наоѓам идеи што да јадам, што да вметнам или отстранам од исхраната и на што да внимавам.

Лично, немам некоја посебна цел освен што се трудам да јадам што е можно повеќе избалансирано поголемиот дел од времето. Се трудам оброците да ми се општо кажано поздрави, меѓутоа да не мора да посветувам претерано многу време, зошто периодов баш и го немам. Имам 2 "правила" што се трудам да си ги почитувам секогаш, а тоа се: не јадам пред 10 ипол (тоа ми остана од времето кога терав интермитентен пост со прозор од 10:30 - 18:30) и грицките ги оставам за на викенд.

Да не должам, да почнам со денес:



Од 8:15 до кај 9:30 тегнев нескафе, без шеќер и млеко (на работа).



Па од 9:30 до 10:30 тегнев црн чај со сини овошја.



Во 10 ипол јадев 3 јајца направени во микро, со 1 парче чедар, 2 стапчиња кабанос колбас (извадени од ќесе) и шака млад спанаќ и рукола (извадени од ќесе).



Околу 11 ипол изедов едно киви.



Од 13:30 до 14:30 тегнев зелен чај со нане.



Околу 14:30 изедов чашка протеински пудинг со вкус на ванила.



Накај 15:30 изедов едно парче колаче што го испеков од 3 состојки: банани, путер од кикирики и какао.



Околу 17:30 јадев грашок (од конзерва) манџа со стек (дома).

 

Околу 18:30 изедов 1 мандарина и пола јаболко со цимет остаено од ќерка ми.



Сеа тегнам чај од маточина.

И доста е за денес.
Задоволна сум со изборите што ги направив, едино влакна што не внесов нешто посебно, али тоа е.

Утре петочки прогнозирам "прљав" крај на денот.

 

Мене целта ми е да јадам повеќе и повеќе вода да пијам. Сакам да намалам целулит, да го затегнам задникот и нозете а горниот дел на телото сум слаба, со вежбање да накачам мускулна маса. Многу ми е важно да доручкувам насабајле и генерално прва половина на ден повеќе можам да јадам, навечер имам помалку апетит што е океј. Сакам поздраво да се хранам, но некогаш гледам и важно ми е барем да имам јадено, оти на нервна база знам да губам апетит

• доручкував во 8 едно варено јајце и една кифличка.
• Во 9:30 пиев турско кафе со една лажица шеќер.
• Од 10:30-11 изедов неколку колачи со овес.
  
• во 11:30 изедов баничка со сирење од кам
• во 12 пиев една чаша цедевита
• во 14 пиев турско кафе средно
• во 17 јадев чиа пудинг и испив густ сок од портокал
• во 18:30 јадев ориз, свинско месо, зелка салата и кришка леб
• во 21 јадев баничка со сирење

 

8:15 - 9:30 кафенце



9:30 - 10:40 црн чај со сино овошје



10:45 туна со пола тегла ферментирано цвекло и 2 шаки рукола



13:30 - 14:30 зелен чај со нане, и една банана и една мандарина



Околу 15, 3 лажици овес, 1 лажица чиа, 1 "планина" лажица протеин, 1 лажичка какао, околу 150 мл млеко, сето тоа потпечено во микро, па додадена половина лажица мед, и шака малини



17:30 манџа леќа со 4 рибини стапчиња испечено во фрајер, и зелка



22:20 - 23 пола (едното чинивче) од Патосов



Утре ќе надокнадам со "прљаво" јадење.

 

И јас правам овес во микро, и се плашев дека микрото ги убива хранливите состојки на овесот, ама излезе дека не е така, еве ако некој се двоуми како мене и го интересира. Дури било поздраво отколку да го вриеш, како што јас правам...Наоѓам статии кои го тврдат дека е во ред така, во микро. Но, за сигурно дополнително треба да се истражи...

Што правиш да не ти истече овесот? Како го решаваш тоа? Мене често ми се случува, или треба баш да внимавам, да го гледам.

Од каде купи рукола и колку чини? (под претпоставка дека живееш во Македонија)

Инаку, рибините стапчиња се баш ѓубре храна. Ми изгледаат и мене практични за подготовка, но сѐ што има „презла“ врз него е во принцип ѓубре, читав некои нутриционисти околу ова, неквалитетни остатоци од риба, морски плодови, многу сол, адитиви, итн. Ова го проверував. Не е само чипсот, сакам да кажам. Sorry.

 

Од тоа што имам читано и гледано, микрото е сосема безбеден уред, не ги уништува хранливите вредности на храната. Го потпекувам на минута и 40 секунди, понекогаш знае да претече.

Руколата во ќесе ја имам видено во сите маркети, ама најефтина е во Кам и Стокомак, 60 и нешто денари.

Рибините стапчиња се стварно ѓубре, ама понекад ги јадам и јас покрај другите дома. Овие конкретно се на брендот Вичи и имаат 60 и нешто посто риба и поради тоа се единствените што можам да ги јадам, други што имам пробано биле одвратни.

 

Супер, корисни информации, фала.

 

09:00 кафе со млеко
11:00 мандарина
12:00 кроасана со чоко крем
14:00 сутлијаш со ванила пудинг
17:00 втора кроасана
18:00 кафе со млеко
19:00 манџа леќа со зелена салата и леб
21:00 мандарина
00:00 колач со јаболки

Ќе пробам да пишувам секој ден, сакам да покачам малку на килажа.

Упс извинете, сега видов дека треба со слики. Проблем е ако е без?

 

Не мора, кој како сака, мене така ми дојде кога ја правев темата. Секако не мора.

 

Вчера кафенце во 7 ипол.



Околу 10, 2 јајца (ме мрзеше да ги варам, па ги стаив во фрајер, ама излегоа препечени), 2 кифли со путер и авокадо, и парче овчо сирење.

Спојлер: Приготвување

Накај 14, кафе со соино млеко.



Накај 16 ипол ориз (варев од оние во ќесе, на цело ќесе додадов парче путер, 3 лажици хопла, парче овчо сирење) околу пола ќесе мавнав со чилито сос, плус 2 панирани пилешки (праени во фрајер) и цвекло.

Спојлер: Храната

 

На гости околу 19 чај од нане, па парче ролат со мак и 2 мандарини.



Па дома уз филм, пола од сè, брачна делба.



Конечно чоколадо да ми се свиѓа, топ е.

 

Да си бележам за вчера

10:00 кафе со млеко
11:00 тост со кашкавал и варено јајце
13:00 цеден сок од портокал и лимон со парче колач со јаболки
15:00 овошен јогурт од јагода
17:00 гулаш со печен компир
18:00 кафе со млеко и колач
19:00 киви и мандарина

 

Смени си го чајот, ќесичкиве им се пластични. Имаш на ајхерб loose leaf, прај си дома комбинации. Знам малце е мака, ама поубаво е.

 

За Липтон зборуваш или за Гуд Натурал?
Едно време зимав од Ла Сој, ама на работа ми е замарање со чистење на тревките.

 

Липтонот, овие квадратестиве мислам дека се на база на пластика.

 

Ко пирамида се.

 

Денес нес околу 8.



Во 10 ипол ѓеврек потпечен во двопек тостер, со путер со лук и магдонос и млад спанаќ, плус урда и краставица.

Спојлер: Стварите

Околу 12 ипоп зелен чај со нане, и пола банана, пола јаболко и една мандарина, пошо делевме.



Околу 16, печен свински бут и компири, и зелка.

Спојлер: Тавата

Во 20 ипол, неколку ореви и маточина.

 

Доручек



Ручек не сликав.
Супа со многу обилна салата и печена риба со компири и гарнири и различни сосови.
Вечера скокнав само што јадев нешто благо и пиев к.кола


За меѓуоброци се освежував со јагоди и кафе.

 

Доручек: Овесни со whey,путер од кикирики и банана.
Ручек:Ориз и стек
Ужина:Овесни,путер од кикирики,мед и банана.
Вечера:Јунешко и потпечен компир
Вечера2: 2 пакувања нудли
Ужина2:50г бадеми
Вечера3: 3јајца

Ова е просечен ден горе долу.