ШЉОКИЦИ За оваа? Јас искрено не сакам ваква облека,целата светкава,со циркони, накинџурена што се вика Но,некои парчиња облека со помалку светки би прифатила ако ми се допаднат
ШЉОКИЦИ Ја у живот највише мразам такви работи ама има ситуации кога некој ке ме воодушеви со тоа како знае да искомбинира таква ствар и да изгледа вау
ШЉОКИЦИ Oва ме потсети на она шопингхоличаркиве српски, комшијски, тие сакаат хаљини са шљокицама по еден лампион на ушите да си закачат и таман у звезде гранда Mојот одговор е Hе.шљокицама њет
ШЉОКИЦИ Остај комшииве мислиш кај нас нема вакви ?! Зимово видов се продаваа дебели џемпери и на нив зашиено шљокици,во сите бои и што е најстрашно им се продаваа. Со оглед на рестрикциите за штедење електрична енергија, можеби треба да си се облакаме вака сега и да си светкаме по улиците.
ШЉОКИЦИ Да ама да е дискретно, нешто вака Или пак на една свадба носев црни широки панталони, а корсетот еве го-како парички,солзички што висат: (но одговараше) А пример како таа сликата горе така цели светлуцави фустани и слични работи, не фала.
ШЉОКИЦИ Па, можеби би носела некои парчиња облека каде има шљокици колку што е потребно. А тоа значи дискретно на некои места. А не цел фустан, блуза или што и да е. Уфф, ми се гади од такви. Многу изгледаат ефтино и неубаво.
ШЉОКИЦИ Јас не сум почитувач на ликот и делото на шљокиците. Искрено ме потсетуваат на онаа предновогодишна еуфорија кога секоја девојка брза во последен момент да купи нешто во нашиве и онака слабо снабдени продавници и налетува на некој фустан кој слободно може да послужи ко семафор на Партизанска. Да е нешто умерено да, да има некои светкав детал и тоа да, да е се во границите на нормалата тогаш го оправдувам. За обувки и тоа да, меѓутоа да не светат цели, туку само дел од нив (потпетицата на пример).
ШЉОКИЦИ Јас од оваа бранша би купила и носела само чевли, било да се на штикла или ниска балетанка. Ми се допаѓаат, можат да се искомбинираат со нешто ептен кежуал, со обично корсетче и сако, а да дадат шмек на целата комбинација. Фустани од ваков тип не ми се допаѓаат ни најмалку, ниту пак оние фамозните маички кои беа тотален хит летово, и секоја ај ако не втора, трета, глумеше диско-топка навечер. Исто, ми се допаѓа по некое деталче - нараквица, мало дискретно чантиче, впрочем, исто како и анимал принтот - во минимални количини изгледа супер. Ги паметите светкавите чевлички на Трендафилка и Старфиш !? - Епа, тоа е тоа за кое лафам.
ШЉОКИЦИ Уф, јас сакам светки, во умерена количина. Ме развеселуваат, погледот ме влече накај се' што светка и сјае. Ги обожавам моите светкави црвени чевлички, би купила или направила уште во најмалку 3 различни бои. Ми се допаѓаат ваков тип на парчиња. Мислам дека финтата со светките е што - кога ги носите, не смеете да го оптоварувате лицето со прејака шминка, туку да сте што е можно поприродни и без дополнителни додатоци, како обетки, ланчиња итн. Светките се доволен додаток и украс сами по себе.
ШЉОКИЦИ би носела по некој детал со шљокици, само чевли или ташња или некој каиш, на гардероба несакам да има светкаво нешто
ШЉОКИЦИ Кога ја видов темава ШЉОКИЦИ мислев нешто рецепт за накакво јадење е вистниа Правилно мислам дека би било светки... Инаку кога сме кај ШЉОКИЦИТЕ или светките сакам ама да се ептен ептен дискретни да не е целата блуза само од светкти туку само еден дел, еден детал да е светки. Исто и за акцесорис сакам ептен да е дискретно
Не ги сакам и ги избегнувам. Ми изгледаат многу нападно, кич и натрупано. Може ете по некоја светка да има, ама да не е претерано, на пример цел фустан со светки никогаш не би облекла. Инаку на штикли и накит изгледаат убаво.
Единстевно парче со Шљокици ми е од помала венчето на Касандра, ви текнува . У па како се мислев дека сум најубава и ми одговараше буквално со сё, дури и со тренерки ( смајли што се крсти). Па тоа ми беше скапоцено венче/стегач , друго нешто со шљокици од тогаш сум немала. Едноставно ми е кич, дури и да има многу мал дел исполнет со шљокици.
Ме потсетуваат на предновогодишна и новогодишна еуфорија кога се живо и диво е во нивен блесок,од почеток до крај. Инаку не сум против,ако е тоа сосем пристојно,а не шљокица до шљокица,туку ако има малку како деталче.Имам таков корсет,маичка и сребрести балетанки и на сите душата им ја извадив Сакам да си купам и таква ташничка,ама сеуште не сум налетала.
Не ми се по вкус воопшто, и оние кои ме знаат како се носам кога би ме виделе во вакво нешто би прснале од смеа...Но не исклучувам, ако ми падне во око нешто шљокиљасто и ми се допадне можам да откачам и да облечам...
Зависи од модел, зависи од светкавост, зависи шљокиците кој материјал се, има нешто ми се допаѓа сеедно дал е умерено или не, нешто делува убаво елегантно, нешто делува апла шутка пром. Посебно на некои парчиња облека шљокиците се како принт, како акцесорис на облеката со тоа треба да се внимава многу кога се носи светкаво да не се носи претерано или ич накит за да не изгледаш како лампион. A не реков умерено шљокасто бидејки на неколку пати сум посакала долг шљокаст фустан, можеби јас никогаш не би одбрала таков да носам, пре би одбрала поелегантен материјал но на други ми се допаѓа дефинитивно. Пример овој Елие Сааб фустан е прекрасен! И Џенифер во овој фустан на Зухаир Мурад Aнџелина Џоли во Версаче Eн во Армани
