Aј Кју (Еye Cue) ќе ја претставуваат Македонија на Евровизија 2018

Мило ми е што тие ќе пеат на Евровизија. Баш сакам да ја слушнам песната. Иако не се надевам на влез во финале. Со овој начин на гласање можеме да се збогуваме од финале. Ја упропастија Евровизија.

 

Секоја година следам евровизија и искрено уживам, а за ај кју баш ми е мило, не можеше подобар избор на изведувачи, нека им е со среќа, ќе стискам палци

 

Ништо посебно не очекувам ни од нив.
Стојам зад тоа дека воопшто не треба да се трошат пари повеќе за Евровизија.
Секоја година преголемо очекувања и на крај многу ладен туш добиваме.
Среќно нека им е!
Резултатот краен сите го знаме однапред.Јас нема ни да гледам ,тоа сигурно.

 

Се сеќавам лани колку убава дружба и смеење имаше за време на евровизиската вечер, ми текнува на @RedRevolution ако не грешам, после тоа не прочитав нејзино мислење низ темите, се надевам и оваа година дека ќе се дружиме и коментираме

 

Досега не бев ептен внесена во евровизиите ама Eye Cue се дефинитовно добар избор. Може да се рече едни се од ретките квалитетни музичари. Песните им се баш супер.
Овој пат ќе гледам Евровизија само ради нив.

 

Годинава ми е баш сеедно. Стварно. Порано многу очекував, се нервирав, се радував... Сега што сака може да се случува. Кога сме глупи и уште играме во циркусот - можеме да праќаме што и да е. Веќе немам ни желба да гледам...

 

Добар избор

 

Ни песната сум ја слушнала ни тие ај кју знам кој се. Не се надевам ни дека ќе бидеме дел од финалето

 

Едвај чекам да ја чујам песната, супер се.

 

Омилена група, ептен се израдвав, ја чекам песната па да почнат коментарите

 

Минатата година сите мислевме Јана ќе направи бум и ќе ни обеле образ. Испадна циркуз плус се изгуби на сцена. Бруки, а толку пари вложени, баш за ништо.
Ај Кју нема ништо поразлични да бидат.
Со тие пари што се трошат може да се помогне на друго место.
Секако за Евровизија бевме и уште сме ФИРОМ. Ништо не добиваме, освен што некој си користи шанса да си шета и ужива.
Не и не бива. Секоја година исто.

 

Се надевам добар претставник ќе пратиме. Барем до сега, Ај Кју, се покажаа како квалитетна група.

Збор два за Евровизијава, што е местено и подмитувано и неферски, тоа на сите ни е јасно. Ама конкретно за начинот на кој “ние“ ги избираме нашите претставиници. Значи сосема е разбирливо (и потребно) да дадат свое мислење музичките новинари и другиве соодветни претставници на жирито. НО, да се препушти целиот избор во нивни раце е некако безврска. Па до пред 10тина години, со душа сме чекале избор за наша претставничка, евровизиска песна. Сите пред екрани (некои и во публика) па се дискутира која мелодија е заразна, која не е, кој текст е по певлив; па кога твојот омилен пејач ќе се претстави со песна, ти веќе си го научил рефренот по 1то слушање; и секако гласањето со пораки и други методи со кои барем учество му се даваше на народот, да се изјасни што му е мило и драго да чуе како претставник на нашава државичка. Ќе повторам, да не дојде до недоразбирање, јас верувам дека неписмени луѓе не се ставени на позицијата жири, и сигурна сум дека тие имаат на ум да изберат некој, кој во најдобро можно светло ќе не претстави; НО сепак треба да се чуе и мислењето на народот, па каде е демократијата тука..

Никогаш нема да заборавам кога во 'финале' за избор на наш претставник беа Влатко Илиевски со Среќа & Ѓоко Танески со Јас ја имам силата. И двете песни беа солидни: Влатко имаше повеќе гласови од публиката(народ), а Ѓоко доминираше со гласовите од жирито, и го пратија Ѓоко. И испадна на Евровизија да се избламираме. Можеби исто ќе беше и Влатко да го пратевме (сега да не почнувам со напразни хипотетички тези), но барем ќе се испочитуваше народот. Еве во последниве години како од небо да ни паѓаат претставнициве со песниве, излегува како жириво да не си ја врши правилно функцијата, туку се праќа некој колку да се рече дека имаме претставник.

НО, еве да не биде дека само плукам (а не е плукање, туку реалноста од моја перспектива ја пренесувам) ; јас навистина се надевам дека оваа година нема грешка во изборот и дека Ај Кју барем ќе не претстават во добро светло (како што кажав, политики и пари се вмешани во Евровизија и таа не е тоа што некогаш беше, па нема надеж за наш висок пласман, ама барем за добра изведба има простор).

 

Само јас ли не знам кој се ај кју.

 

Аууу, од дека ги извлекоа овие..брееее..први пат ги видеа

 

Никогаш народот немал улога во крајниот исход. Секогаш однапред се знаело кој ќе оди, се' останатото било само забава за нас. Подоцна само решиле да не трошат пари за наша забава, начинот на избор останал ист.

 

Но сепак интересно беше, што знам.. Барем јас така го доживував целиот настан. Сега го прават ко да нема вредност, ради реда. И гледам Евровизија баш така, ради реда, традицијата на гледање да си ја продолжам.

 

Нема везе кој ќе пее за Македонија пошо и онака тоа не игра некоја улога.

Ај Кју само сум ги чул ваљда се рекламирале тук тек али не сум воодушевен.

И да, ако вас ви се омилени како група. само поради тој факт сепак не очекувајте нешто повеќе на евровизија.





Најголемо разочарување кое го имам од евровизија е затоа што не ги пратија "Рок Агресори" ( со песната Динг-Донг)


Како успеаа да го вратат долгот на ЕБУ ? ... хмм

 

Еве за тие што не знаат кои се Eye Cue, моите омилени од нив:

Марија (пејачката) овде има најјак глас, со страст, со вибрато, со се...




И ова летно хитче е направено од Бојан од Ај Кју и Дина

 

Пошто маскота на Eye cue им е Дунавка - Македоунија, ако ја земат на сцена ќе биде вистинско шоу.


п.с Замислете ја ДУда како у сред песна прави <> "срце" и извикува МАКЕДОНУИЈААААААААААА. А бре ШОУУУ
http://tv21.tv/mk/?p=80903