BinBin тротинети отсега и во Скопје

Една од најуспешните компании за изнајмување на електрични тротинети во Турција од пред неколку дена се појави и на македонскиот пазар. Имено, на скопјани на располагање им се 500 електрични тротинети паркирани на повеќе локации низ Скопје, од Ѓорче до Ново Лисиче.
Така, едноставно може да изнајмите електричен тротинет кој може да го пребарате со неколку клика од вашиот паметен телефон, да се превезете до посакуваната дестинација и тротинетот да го оставите каде ви одговара низ Скопје, а истиот ќе биде пронајден од компанијата преку ГПС-системот.Сите изнајмувања и користења согласно правилата се вршат преку мобилната апликација BinBin.
За се користи електричен тротинет, граѓаните ќе треба да ја симнат апликацијата, за која бар-код има на пунктовите, кои инаку се отстапени од ЈП Градски паркинг. Самата паликација нуди повеќе начини на плаќање.
Цената за изнајмување на тротинет е 9 денари минута, но доколку преку апликацијата ставите средства од 300 денари, добивате плус 45 денари гратис, а доколку ставите 500 денари, добивате плус 100 денари гратис. Така, цената испаѓа околу 7,3 денари за минута возење.
Конкретни чекори за користење на овие електрични тротинети во Скопје:
1. Ја симнуваш мобилна апликација на телефон
2. Ставаш пари на неа
3. Ја отвораш мапата на самата апликација која покажува каде најблиску имате слободен тротинет на располагање и доаѓаш до истиот
4. Го вклучуваш преку апликацијата и можеш да го возиш во рамки на дозволените граници кои се означени на мапата која ја дава апликацијата, а го опфаќаат скоро целото градско подрачје на Скопје.
5. На крајот го оставаш тротинетот било каде и го исклучуваш од апликацијата која ти наплаќа за возењето. Го фотографираш и ја поставуваш фотографијата на апликацијата.
При пребарувањето на тротинет самата апликација покажува колку батерија имаат и доколку има попуст за некој тротинет.
Навечер од фирмата ги земаат и ги носат или на пунктовите за полнење, или само им поставуваат нови, наполнети батерии и ги оставаат на истото место, па така утредента сите тротинети се одново подготвени за користење.

 

Како прво скапо е изнајмувањето, како второ не е за кај нас, затоа што видовме за ова кратко време колку дивјаци има.

 

Како што видов не ги уништуваат само кај нас, во сите европски метрополи се случува истото, ама не за толку краток период како кај нас за 2-3 дена..

 

Баш погоре редактирав, прикачив и слики. Само би се изненадила кога би ги пронашле дивјаците...

 

А чија иницијатива е ова? Јас стварно не знам кој помислил дека е паметно да се инвестира било каква технологија во државава.

 

Па и тие свои што си возат...мислам најбезобразни створења се. Ќе профучат покрај тебе на тротоар ко неарни.
Ова па ич не ме изненадува

 

Јака иницијатива, само не за овој народ.
Не ми е јасно од каде е таа сатисфакција да кршат и уништуваат вака, па после ќе се жалат дека немаме никакви инвестиции. Багра дивљачка.

 

Само не ми е јасно дали ако е нивно ќе го уништуваат така?

 

Иначе, настрана оние што ги кршат, гледам дека има многу луѓе низ Скопје што ги возат и изгледа дека им се корисни и исплатливи, ама има и такви што по тројца се качуваат на еден тротинет.

 

Како прво, кај нас нема патеки каде да се возат овие како што има во странство. На улица ќе те подберат со колите.
Второ, како сликите горе, ќе завршат уништени или украдени.
Како трето.... нема трето , тоа е. Зијан само ќе си напраат.

 

Веруј ми ова однесување е стандард во Европа. Имам соработувано со шпанска фирма за Шпанија и Италија, да не беше преку ЕУ финансиран проект, ќе беше апсолутна загуба како бизнис. Не би знаела да проценам кој е полош, ние, Шпанците или Италијанците, што све сум видела, човек да се крсти.

 

Верувам, секаде има такви. Ама од искуство со споменативе, нашиот народ никој не може да го тргне од тронот за некултура и нецивилизираност.

 

Изнајмувањето не е скапо за блиски и не премногу далечни дестинации. Минутата е 9 денари и земајќи го фактот дека со тротинет не можеш да заглавиш како со кола, ќе те кошта далеку помалку отколку да користиш такси.

За тоа каков нецивилизиран и дивјачки народ сме, нема да коментирам.

 

Како не е скапо, од плоштад до бисер 100 денари ми зема..

 

А такси колку ќе ти земеше?
Мене такси од Станица 26 до Универзална пред некој ден ми зема 130ден и тоа во период кога немаше воопшто гужва.

 

Кај нас не бива да помине нова идеја без народ да ја поплука или уништи.

 

Никаква фамозна технологија де, само бизнис линија која негде згаснува па негде другаде се појавува. Таман мислам во Франција ги забранија како небезбедни, шо да им праат, треба негде да ги продадат.

Само така ви се чини, сегде има секакви. Значи со џпс се, технички не можеш да го украдеш, а вандализам е пресметан ризик. Е сега дека се корисни, да, во помал град со подобра патна инфраструктура, за во Скопје, уште само тие фалат за хаосот да биде комплетен.

 

Нема закон кај нас та да има да ги жежи некој со казна, нареден пат ќе се мислат дали да ги фрлат или украдат.

 

Треба и едно камерче да вметнат да ги снимаат дебилите.
После се жалат нема ништо кај нас.
Е нема од вакви идиоти.