како што видов нема ваква тема но доколку е дупла заклучете ја отварањето мислам дека било на 26ти јуни, и јас баш сакам деновиве да го посетам бидејќи ми изгледа многу убаво на фб и кај што има вакви работи јас морам да одам па ако бил некој од вас нека сподели искуства, добри или лоши се наоѓа на улица Mакедонија кај бикот какво е вашето мислење за ова? јас лично мислам дека е доста иновативно и е добар потег што решиле да отворат вакво нешто
Радости бев кога го видов. Кој баксуз ситен, пред некоја сабота имале промоција 1+1 гратис, а јас и мајка ми се мислевме и го одминавме. Но надокнадив. Идејата е јогурт наместо сладолед. Имате 4 основни вкуса, и мал милион додатоци од чоколадни преливи, зрнца, мусли, до карамели, овошја и житарки. Ставате колку сакате и ви мерат, 100 грама се 85 денари. Мене јогуртот ми е премногу вкусен, не е толку благ сам по себе, а додатоците го прават супер. Има едно чоколадо со нешто како наполетанки внатре, абре сон е. Пробав и јогурт smoothie што беше поскапо,ама имаше и количински повеќе, Ова е јогурт со овошје со блендер. Мислам дека сепак оригиналното тоа јогурт со додатоци е подобро. Не знам како ќе се прифати кај нас, сепак е поскапо од сладолед од Ескимо или Малага на пример, но за мене барем, е и повкусно и поздраво. Вработените исто така морам да ги пофалам, навистина се љубезни, со другарка ми кога земавме од смудиво 4 пати девојката не препраша како е, да не не ни се допаѓа. И кутиите во кои го даваат се ептен добри, јас една за саксија си спремам. Имаат профил на фацебук еве линк https://www.facebook.com/ChillboxSkopje?fref=ts
Оу да, како сум му намерачена, поим си немате. Гледам Тајгердамава пишала и цена, и тоа цена што ми се свиѓа. Уште кога го отвориле видов на фб, некој од пријателчињата шернал и ко што сум стрвла одма ми се присака. Мора деновиве да го вкусам па ќе пишам и мои импресии. Верувам ќе ми се свиѓа, слаба сум јас на вакви работи признавам.
За мераци е, навистина поубаво и од сладолед. Само пазете колку сипате, нели дека на принцип на самопослужување, и јас не знам да ракувам со хеви машинери и коа ми се сипа јогурт до врв, па од тоа карамелата и чоколадните преливи си изнаставав, ми се фати 200 грама, некако не ми дојде малку 170 денари, ама се претупанив од јадење, вреди секој денар. Следен пат ќе земам некој друг вкус, пробав од оној ванила преубав вкус ми има, ми го пофалија дека е најдобар од сите.
Ма одлично е! Јас лаком гз изнаставав од се, од преливи па се до чоколадни топчиња и мрвици, и ми испаднa некаде околу 220 денари, дури мислев дека и малце ќе ми биде. Стрвност левел Снорлакс од Покемон. Битно на крајот бев сав сречна и најадена, прејадена.
Природен, јагода, бисквит и мадагаскарска ванила. Бисквитот и ванилата се преубава комбинација, ама јагодата ич не ме бендисува. Јас обожавам сладолед и се живо и диво од јагода, ама јогуртов ептен вештачки вкус има.
Се заразив со ова,ептен ми е вкусно и освежувачко. Обичниот јогурт и оној од ванила ги имам пробано. И обичниот ми е повкусен. Многу му го сакам киселкастиот вкус. Со додаток од манго или некое од тие кремчињата ми е превкусно.
на страната на фб им стои дека имаат покрај овие од манго и чоколадо ги нема овие? а, да, не стои дека има од бисквит
Mа јас од се си турив право да ви кажам на времето. Oд чоколадни преливи до мрвици чоколадни топчиња, врвот беше слатко од јагоди и што уште не Kалориска бомба, цела ја изедов и мислам дека цел ден не ми се јадеше ништо. гурман тоа е... Cупер е чилбокс, мило ми е што го донесоа кај нас
Јас сум голем обожавател на frozen yogurt, во Америка редовен гостин бев во Sweet Cece's. Баш пред да го отворат ова нашево Chillbox, зборев еј како ми се јаде frozen yogurt with treats, и оп ете ми ја исполнија желбата. Редно е да одам да ги пробам, се викам утре утре, ама денес обавезно ќе поминам. Мене Sweet Cece's ми се поим за ваква работа, одлични вкусови, и нема што нема како додаток, се и сешто има да си ставиш и превкусно е, а и јогуртот е прекрасен, мене всушност ми е исто како сладолед. Ќе ги пробам и нашиве и ќе кажам, можно е и подобри да испаднат. Тие што биле гледам дека се прилично задоволни. Слушам и поплаки демек скапо, ама тоа е. Подобро еднаш во неделата да си дозволиш нешто такво, него секој ден да јадеш никаков сладолед само од шекер и вода.
Многу го сакам, летово го утепав од јадење наместо сладолед, многу подобра и повкусна опција ми е. А додатоците се совршени, секогаш си правам различни комбинации за да ги испорбам сите.
