Услови на работа? Плата? Искуства. Македонско-Британскиот стартап Cognism кој користи вештачка интелигенција за унапредување на продажбата, по инвестицијата од 2 милиони фунти во април, денес повторно објави дека добиле инбестиција од 2.8 милиони фунти во инвестициски фондови од инвеститорите Oliver Wyman, SC Ventures, LCIF, Newable и други постоечки инвеститори. Финансирањето првенствено ќе се искористи за да се подобри решението за претпријатија и исто така да се прошири понудата во секторот за финансиски услуги. Cognism бележи голем раст во приходите во 2018 година, со месечен раст од 23%. Компанијата во изминатата година значително го зголеми бројот на клиенти, ги мултиплицираше своите приходи и го усоврши својот софтверот благодарејки на тимот во Скопје кој брои повеќе од 20 вработени. “Cognism се движи надвор од продажната интелигенција и ја применува својата патентирана машинска разузнавачка технологија за да ги разбере приходите на ентерпрајс ниво. Со нашата нова инвестиција и соработка со Оливер Вајман, ќе можеме да ја претставиме нашата пионерска технологија Revenue AI на меѓународно ниво до врвните корпорации во светот, со што ќе го забрзаме растот на приходите “- Џејмс Исилеи, главен извршен директор на Cognism.
