Genius (Гениј, Генијалец) е уште една нова антологиска, историска телевизиска серија. Првата епизода беше емитувана 25 април, како дел од првата сезона составена од 10 епизоди посветени на генијалецот Алберт Ајнштајн. Тоа значи дека во втората сезона ќе се обработува животот и делото на некој друг историски значаен лик, а тоа ќе биде соопштено и откриено на крајот од првата сезона. Серијата е во продукција на National Geographic и се занимава со животот и делото на физичарот Ајнштајн од неговата младост па се` до последните години од неговиот живот. Јас ја одгледав првата епизода и сум задоволен. Привлекува и задржува внимание, така што, сигурен сум дека ќе ја одгледам цела прва сезона, а веќе со нетрпение чекам да ја одгледам втората епизода.