Hip Dips - дали може да се ослободиме од нив?

Ако е темава дупла нека оди во канта, ама мислам дека не е.

Што се hip dips?

Hip dips “или„ колкови на виолина “се однесуваат на вдлабнатините околу кривината од колковите до бутовите. Овие вдлабнатини може да се појават кога кожата на страните на колковите е поцврсто прицврстена на трохантерот, подлабок дел од коската на бутот.

Распределбата и количината на маснотии на нашето тело може да направи овие вдлабнатини да бидат помалку или повеќе забележителни.

Анатомски нема ништо лошо во падот на колкот. Тие не претставуваат никаков медицински ризик. Но на некои луѓе спуштените колкови им влијаат на самодовербата.

За да е појасно еве и слика во прилог:



Јас на пример имам испакнат задник, широки колкови и тесен струк. Но, воопшто не ми се допаѓа како ми стојат фустани уз тело затоа што ја имам оваа вдлабнатина. Како кога те сечат гаќите. Сум пробала со мидер и shaping хулахопки, ама имаат многу малку ефект.
Во животов сум имала, откако сум девојка, најмалку 50 а најмногу 72 килограми. Огромна разлика знам, ама ова е во поголем временски период, не е нагло. Сакам да кажам дека и со 50 и со 70 сум ја имала оваа вдлабнатина и мн ми влијае на самодовербата околу физичкиот изглед, особено кога ќе сакам да се дотерам повеќе за некој важен настан. Кога носам пантолони, тесни фармерки, фустанче А форма итн, воопшто не се познава, супер изгледа, но во тесен фустан мн ми смета.
Периодов почнав мн да вежбам и забележав дека нозете ми се оформуваат. Имам впечаток дека вдлабнатина е помалку забележителна, иако има уште многу простор за подобрување.
Гледам дека постојат и естетски корекции за овој "проблем" , пластични операции или надополнување на тој дел со филер за да се добие smooth форма, како песочен часовник.
На Јутуб најдов и мн вежби за ова. Сепак сметам дека ова е едноставно поврзано со анатомската градба на телото и дека не е нешто што може да се смени во целост.
Во оваа тема би сакала да чујам ваши мислења и да си споделуваме искуства. Дали вие имате вакви вдлабнатини? Дали сте пробале со некои вежби визуелно да направите да изгледаат подобро? Дали имало успех? Сметате ли воопшто дека може да се влијае на нив?

Секое искуство е добредојдено.

 

Јас ако не прочитав пред некое време дека овие се непожелна работа, верувај немаше на крај памет да ми падне. Напротив, мене отсекогаш ваква градба ми изгледала убаво. Не знам како одлучуваат луѓето што е убава градба на тело а што не е. Особено па кога се работи за форма на коски. Ич ми нема смисла.

Што е до мене, мислам дека воопшто не мораш да се секираш за нив. Носи си прилепени фустани ич да не се мислиш, мене баш секси ми изгледаат hip dips.

 

Има на инстаграм да ја изрекламирам се вика Јана Чолович и девојкава е ултра секси баш со овие хип дипс и мене лично како машко да се изразам безобразно јако ме палат (ако неќеш безобразно "ми се допаѓаат")
Гледам на ова како на предност а не како на мана.
На последниов американски идол има баш една ваква девојка и баш навивам за неа поради колковите и нејзината сруктура (малку пристрасно ама )

 

Брат оваа нема хип дипс... Најдобро од позади се гледаат. Еве сликичка што се хип дипс, се надевам ќе доловам што е уствари тоа.



А оваа Јана има екстра тркалезно газенце.

 

А јана има хип дипс или грешка сум?

 

Па ја колку шо знам Јана има тркалезно газе. И кога имаш такво газе и нормално позираш вака кај бутовите кај шо почнуваат изгледа широко и стварно е привлечно. Оние америве шо ги глеаме позираат, нешо вака за да немаат „дебелки“ нозе, а ако ти е газето тркалезно и убаво мора да изгледа така од напред кога си застанат нормално, а уште по нормално е на маж тоа да му се свиѓа јер природно е, ова во последно време е со овие инфлуенСерки.

Вака некако му доаѓа позирањето, иако не сум баш упатена, не ја користам техникава, не глеам смисла у ова.



А ова хипдипс е коа девојка ќе има широки колкови ама они се обично високо поставени, па од позади тешко се стига до тој ефект на тркалезно газе и како дупчиња од страна се познаваат, шо не мора да значи дека по дифолт ако се високи колковите и хипдипс ќе има.



Макар шо мене и овие хипдипс ми се многу привлечни и супер ми изгледаат кај девојките. Ми го има тој 80' или 90' supermodel look и баш е природно и привлечно, стварно е многу убаво, онака природно како што би требало жена да изгледа.

Искрено преку глава ми е веќе од овие инфлуенСерки и високи нереално поставени стандарди за убавина. Само стрес си ствараат жените.

Кога сме кај мажите на крајот од денот, најпривлечно и најубаво им е природното, ние жениве за џабе сами си се измачуваме и си поставуваме високи стандарди. Тоа од нас никој не го барал.

 

Hips dips првенствено се должат на градбата на телото и распределбата на телесните масти. Тие се дел од структурата на коските и можеш да го подобриш обликот на телото преку вежбање и диета, но не можеш да ја промениш самата структура на коските. Затоа ако природната форма на телото и генетиката се оние што предизвикуваат hips dips, можеш само со вежбање да го минимизираш нивниот изглед или ако ти пречат во физичкиот изглед можеш да носиш облека што нема да ги прави толку многу забележителни. Но, најважно е дека тие се нормална појава, секое женско треба да си го сака своето тело, наместо постојано да се обидува да го промени.

 

Со еден збор сега е во мода да изгледаш анорексично?
Јас ќе одам надвор од темава ама морам да кажам.
Приметив дека на едно локално шоу каде се бираат таленти сите со малку поголем вишок килограми ги критикуваат и одма као ослаби (како најголем грев)
Гледам и американски шоуа и сеа знам дека имаат поголема стапка на гојазност ама никој не им го доведе во прашање пеењето зашто имале килограм плус.Пак доаѓам на заклучокот дека сега е тренд да си фит да идеш во теретани и фитнес центри,да се консултираш со нутриционисти, а девојка без мевце не ми изгледа привлечно.

 

Прв пат слушам, никогаш не сум приметила дали некој ги има или не, ни сум ни знаела дека постојат.
Ни привлечно, ни непривлечно ми изгледаат.
Ми изгледа како сосема нормална варијација на тело (во смисла нели сите тела се различни, ова ми изгледа сосема како да е такво телото на девојката и ко да треба да си биде такво). Не ми изгледа како нешто што треба да се коригира или специјално да се вежба за да не се примеќаат.

 

Да не дојдев на темава нема ни да знаев дека ова постои. И мене не ми изгледа нешто што треба да се корегира. Дури и фитнес индустријава е удрена на униформирање, и воведуваат некои трендови што немаат врска.

 

Мислам дека имам
Дали е можно после бременоста/пораѓај да се појават !?
Ако да тие се

 

Ова не се hip dips.Баш ова е тој стандард што го поставуваат многу инфлуенсерки, кој патем поголемиот број го добиваат преку fat transfer а многу помалку го имаат природно.


Hip dips е делот помеѓу надворешниот дел на ilium од колкот и trochanter major на фемурот-бутна коска и таа вдлабнатина зависи од меѓусебниот агол кој го формираат коските, поточно поошто кажано од широчината на колковите и природната дистрибуција на масти.Не може да се промени, освен како што кажав со пластична операција да се додаде сало или па да се вежба задникот и на тој начин да се минимализира визуелно.Не си набивајте несигурности за џабе.

 

Отпосле видов дека сум во заблуда затоа ја ставив оваа слика

 

Комедии
Хип дипс се најнормална работа. И ако не слушнеш за ова нема да сфатиш дека е нешто поинаку. Всушност и не е ништо поинаку, баш биолошкиот прородна ствари.

Обидување да се исправат хип дипс е исто ко да се обидеш да ги поправиш back dimples (dimples of venus) или пак да се обидеш да добиеш thigh gap. Едноставно све е природно и све е генетика. Или ги имаш или ги немаш.

Конкретно за хип дипс, не постои вежба што може да направи да исчезнат.
На ова место на телото, анатомски гледано не постои никаков мускули, така да не може ни да се вежба. Кај некои луѓе генетски е предодредено тука да складираат масти и затоа ги нема, додека кај други генетски не собираат масти во овој дел.
Кај некои може да се намали разликата со кило две плус, кај некои можеби со кило две минус, кај други со затегањуна мускулите на нозете да се добие ефект на мускулесто тело. Но да исчезнат не е возможно.

Ако имаш хип дипс, веројатно сте ги добиле оној момент кога некој ви кажал дека постои ваков израз а пред тоа не сте обрнувале внимание. Ова не е физички недостаток, и дефинитивно не е нешто за што се оди на операција.

Реално и ова не се хип дипс, ова се love handles, само шо ја има опнато гаќата многу високо...

 

Јас немам ваква градба на телото, а еве и јас признавам дека да не прочитав дека се сметаат за „недостаток“ немаше ни да знам. Индиферентна сум кога ќе ги видам кај друг, не ми се нешто многу привлечни но отсекогаш сум ги сметала за нешто нормално, дури и секојдневно. Дали може да ги снема, не верувам, сепак станува збор за градба на тело и со помош на исхраната и физичката активност може да се направи да не се до толку истакнати,
Многу мои пријателки, познанички ги имаат. Јас па напротив, понекогаш им завидувам што немам никакви облини

 

Сите ги имаме, природни се. Кај некој повеќе се забележуваат, ако ви сметаат изградете мускулатура во тој дел.

 

Неможе да се изградат мускули таму, пошо нема мускули таму

 

Не сум слушнала за ова, а сега когa прочитав сфатив дека и јас имам такви. Во тесен фустан воопшто не си се свиѓам, баш поради тие нерамнини и затоа избегнувам да носам. Вежбам цел живот прилично активно со помали паузи, ама никогаш не ми се корегирало со вежбање. Кога сум послаба помалку доаѓаат до израз.

 

А дали можи повеќе да се познаваат од вежбањето?
Пример: