INKTOBER'21

Како и секоја година, така и оваа, ја отворам темата за Инктобер и да се дружиме цел месец низ ликовни задоволства. Темата ја отворам малку порано (29.09) иако ја имав споменато уште од почеток на Септември, за да имаме сите време да се спремиме и да служи како потсетник за тоа што следува.

Што е Inktober?

• Инктобер е цртачки предизвик каде во текот на месец Октомври, на дадена тема, се црта со мастило ( стило, туш итн) и со своја интерпретација за дадениот збор.

Правила:

1. Се прави цртеж со мастило ( можи да се црта од долу со молив, па од горе да се помини со мастило).
2. Се поставува некаде. Во официјалните правила пиши дека можи да се постави на некоја социјална мрежа, ете форум како тука, или пак на фрижидер дома. Целта е некој да види дека си направил, шо си направил и слично.
3. Ако е на социјални мрежи каде се бара под # се означува со #inktober и #inktober2021.
4. Се повторува секој ден.

Адаптации:
Има 3 начини на кои можи да учествувате на овој предизвик.

• Се црта цртеж на дадена тема према календарот секој ден.
• Се црта секој втор ден со секој втор збор од календарот.
• Се црта еднаш неделно со зборовите: 1, 8, 15, 22, 29.

Често поставувани прашања:
Дали можи да почнам покасно со предизвикот?

• Да. Избери дали ќе го прајш секој ден, секој втор ден или еднаш неделно и обиди се да ги стигниш другите за да е колку- толку синхронизирано. Сепак ова е за забава и колку поќе цртежи - толку подобро.

Какво мастило се користи и дали мора да е црно- бело?

• Се користи какво сакате стило/ пенкало со каков било вид мастило. Важното е да е мастило и да покрива. Од таму можи да се користи и мастило во боја, но препораките се тоа да е минимално и повеќето да се држат до црно- бела уметност. Лично, користам гелни стила и такви препорачвам.

Од кога до кога е предизвикот?

• Официјално, предизвикот е од 1 Октомври до 31 Октомври со 31 различен збор на кој се црта. Неофицијално, доколку помини 31 Октомври и уште не сте готови ради разни причини, секогаш можи да се доврши покасно. Накратко, многу флексибилен и глобален предизвик е и баш зошто е толку глобален е толку флексибилен. Пред 2016 немаше официјални листи и секој на свои зборови црташе и едино правило беше да се црта со мастило, а после 2016 се правилата од горе и има официјални листи. Покрај официјалните листи има и неофицијални листи кои можите да ги пратите на различни теми, најчесто: witches, supernatural, pets, plants etc.

Дали можи да се црта дигитално?

• Према официјалните правила - да. Предизвикот е почнат со традиционално цртање со мастило, ама подеднакво е важно и дигиталното и од таму се смена да можи и дигитално да се црта.

Дали мора да се користи листата со зборови по редослед?

• Не, правилата се поќе препораки ама седат така за некој шо сака да се држи до правила. Има многу други календари, и пак постои можност секој да црта со свои идеи и зборови. Ако сакате да прајте некоја приказна или некако да ги спојте зборовите, секогаш можи да се измешат.

Потребно ви е:

• молив
• гума
• стило или друг вид на мастило ( туш, обично стило, гелно стило)
• хартија ( големина по избор)

Линк до официјалните правила и страна.
Линк до FAQ од официјланта страна.

Годинешната официјална листа на теми/ зборови:


Дури да дојди 1 Октомври, во коментар можи да продискутираме какви стилца и опрема генерално ќе користиме за да можи поќе луѓе да видат и да се спремат за темата соодветно иако не е проблем ако се почни покасно, ама ја сфаќам потреба да е нешто навремено.

Со среќа на сите учесници.

 

Готово. Де види и ти, две очи подобро гледат, од правила надолу да не е утната годината оти то го копирав од лани. И шо прибор ќе користиш, да почниме да се спремаме денес и утре за да можиме да почниме.

Имате идеи?
Каков прибор ќе користите?
Дали воопшто ги имавте видено зборовите?
Како ви се допаѓаат?

Јас сега ќе сликнам стилцата. Дип нови се уште по ќеф ми се.

 

@LadyLollypop
Мака ми е да станам, и 0.4ка имам, а денојве се думам да видам шо големини има во Пинк, Битола да доземам. Ептен ми се допаднаа, прв пат сега ги зедов и добро се држат. И еден гри алкохолен маркер сакам да имам при рака, имам чувство дека ќе ми се најди.

Прв пат имам вистински скеч бук, исто од Пинк, малиов околу 120 беше. Јас прам и Фејктобер, не можев да дочекам и некои денови ќе ги дуплирам, цртани во Септември, боени, и една црно бела верзија ќе прам во Октомври.


Фејктобер постои за мене оти сум:
1) Нестрплива
2) Никако неќам да користам боја за време на Инктобер, а периодов сум фиксирана на алкохолни маркери.

Дупла работа си отворив, ама мислам дека вреди.

 

Да, смеј и со боја. Инктобер генерално нема правила, туку препораки. Јас ставав ептен кога "морав" зошто на сред Инктобер ми стигна нарачката на гел стила. Ама годинава ќе го терам црно бело како годините претходно, не како лани. Ама понекогаш ќе ставам и истиот збор нацртан два пати - еднаш во Септември и еднаш во Октомври. Да речиме дека јас си ставам строги правила на себе.

 

Нема врска како личи. Башка, многу се учи од шкрткање секој ден. До крај на Октомври ќе видиш како ќе бидиш импресионирана од себе.