Нова серија на Netflix, приказна за женски супер херој, работи како приватен детектив. Правена е по стрип на Марвел и изгледа ветувачки. Ја прати некој?
Моја препорака, да си седнете, да си ја изгледате. Netflix Господ да ми ги поживее што пуштаат цели сезони, 13 епизоди се и навлекуваат максимално. Приказната е одлична и доколку се мислите дали да гледате затоа што е Марвел и не сте фанови на суперхерои (нормални ли сте бре ) да ви кажам дека доста минимален е делот со супермоќи, не се ни споредува со филмовите. Одлична приказна, таман распределено дејство низ епизодите и феноменални глумци. Дејвид Тенант мене ми е стара љубов, ама тука само ми се потврдува колку е добар како глумец. Многу ми се допаѓа делот што има силни женски ликови, баш скоро со другарка дискутиравме дека обично женските ликови се многу полошо претставени во серии, но тука дефинитивно се погрижиле, не само главиот лик туку и останатите женски ликови да добијаат соодветна репрезентација. Препорачувам.
Бев голем скептик пред да почнам да ја гледм серијава, баш од прилина шо не сакам приказни за супер херои, но оваа навистина е подруга приказн.. Ми се допадна и ја изгледав буквално во еден ден. Глумата извонредна, приказната добро осмислена за ниту во еден момент да ме е досадна.
Баш се навлеков на серијава. Ми го задржа вниманието толку многу што занемарив и учење и се, тотално неодговорно од моја страна Еве се тешам уште 13та епизода ми остана па раат ќе бидам после. Инаку да, интересна приказна, добро оформени ликови но не ми е јасна врската Џесика-Хогарт. Може некој да ми објасни? На почетокот се чудев како се запознале Џесика и Триш, но тоа е објаснато понатаму во серијата и сега е ок. Но Џесика и Хогарт како се поврзани уште не ми е јасно.
Хогарт ги користи услугите на Џесика како приватен детектив. Инаку Хогарт е женско во серијава, а машки лик е во другите приказни во универзумот. Спојлер Сепак, иако тука е прикажан како женско тоа е само анатомски, во суштина нејзината приказна е стара колку и времето во машкиот свет. Моќен адвокат кој се разведува од својата сопруга поради тоа што нашол помлад модел. Иако Венди ја издржувала додека учела тоа не ја спречи да ја шутне. Мене ликот на Хогарт ми беше одвратен на крајот. Ама сепак одлично прикажан и актерката прекрасно го долови. Целиот кастинг е за пофалба, Килгрејв шармантен, на моменти да го жали човек, иако е чудовиште. Ритер улогата на Џесика не можела подобро да ја долови, цинична, ладна на изглед, а сепак инстинктот на херој е закопан длабоко во неа. Не сум некој фан на Марвел, затоа може и серијава толку ми се допадна, не е over the top, поприземјена, а сепак со успешно вметнати натприродни елементи. Едвај чекам втора сезона.
Може, не е ништо што не видел веќе. Не е толку експлицитно. На почеток има така по 2-3 минути секс сцени со Џесика и Лук (али не се снимени со не знам колку покажување голотија), после натака чат-пат ќе се најде, али пократко и со усул е. Не знам, може заедно да гледате, ќе ви се непријатни тие моменти, ама приказната е доста добра, што нема ни да ви текнува на секс сцените после. Јас ќе ја влечев демек серијава од што ми е јака, ама џабе, издржав само три дена да ја ситнам. Ми ја фалеа Дердевил дека е подобра, али од неа и по 2-3 дена се дешава да не пуштам епизода, за разлика од оваа. Што знам... Фино би било и Триш да ја вметнат ко Хелкет во нареднава сезона, а се надевам така и ќе е пошто имаше некои hints, според тоа како се развиваше карактерно. Тогаш ќе е уште појако. Не ја знам приказната во стрипот нешто многу, али имаше некои пропусти и многу тупења каде комотно можеле да вметнат уште позадинска приказна според стриповите. Просечно ми беше и самото финале.
Епа сега, на тие сцени ќе станете ќе одите до вц, вода ќе пиете, ќе гледате во таванот Како без тие трауми од детството, не е интересно.
Излезена е втората сезона. Ја гледа некој? Јас сум до 4тата епизода, ама некако првата сезона беше подобра. Оваа приказна ми е малку...мех.
Ја утепаа серијава со втората сезона. Колку што беше интересна првата, толку беше тапа вторава. Ептен лигле ја направија Џесика. Ми изгуби сјај некако. Па и заплетите не беа кој знае што. Наредната сезона ќе биде решавачка, или ќе ја осежат некако или ќе ја доутепаат.