Насловот кажува се. Ликови кои можете да ги сакате или да ги мразите, но едно е сигурно - Дека секако ќе ги приметите. Филмот без негативец е како торта без шлаг, не е целосен. Негативците се најчесто оние кои се најомразени, но што би бил филмот без нив? Неизоставен дел се од секој добар филм. И да, најчесто добро одиграните негативци ни ги оставаат најголемите впечатоци од тој филм. Постирајте кој од нив најдлабоко ви се врежал во потсвеста, независно дали од игран филм или серија. Јас подоцна ќе ги постирам моите, да не биде во првово мислење. Бујрум! *Мислам нема ваква тема, ако има оваа в канта имидатли
Бев помала кога прв пат го гледав филмов ама знам дека после тоа цела вечер го чекав чичково да ми дојде Па ете тој ми е врежан па кога ќе ми текне и друг пак ке постирам
Gerard Butler во Law Abiding Citizen. И не е баш негативец според мене, туку борец за правда, но на многу им скина конци. Го љубам
Океј, јас да си ги напишам моите. Затоа што јас по навика фазла си ги сакам лошковците од добрите, мојата листа ќе биде малку подолга. Џон Милтон (Ал Пачино) во "Адвокатот на ѓаволот" Кој не го памти неговиот монолог во овој филм? Сите нокти си ги изедов кога го гледав филмов, обично не се потресувам на филмови, ама овој ми влезе во потсвеста. Кој го нема гледано филмов, да го изгледа моја препорака. Commodus (Жоакин Феникс) во "Гладијатор" Овој ми е секси негативец. Уживав дури го гледав. И мислам дека на Жоакин добро му стоеше улогата на негативец, можат да го ангажираат повторно да глуми некаков. Ханибал Лектер (Ентони Хопкинс) во "Тишината на јагнињата" Moра ли да пишувам зошто? Филм кој ми е на листата во топ 5, токму заради доктор Ханибал, филм кој ме има раздрмано како никој друг. Ентони ради оваа улога заслужи да биде кажуван уште генерации понатаму. Кога режисерите сакаат да видат што е негативец, слободно нека црпат инспирација овде. Допелгангерот на Нина (Натали Портман) во "Црниот лебед" Аронофски сакаше да ни го покаже злото во самите себеси, пречката на успехот во нашите животи и успеа. Докажа дека единствено на нашиот пат си стоиме ние самите. Eн Болеин (Натали Портман) во "Другата Болеинова девојка" Натали Портман се најде 2 пати во оваа листа што само покажува колку почит имам спрема оваа глумица. Алал да и е. Во овој филм покажа дека целта не бира средства. Имам уште многу други но овие ми се најомилени. Од сериите Декстер (Мајкал Си Хол) во "Декстер" Овој убиец во ноќта е можеби најсовршениот кој го познавам. Интелегентен, зол, интересен, предобар за да не се најде на оваа листа. Лукреција (Луси Лолес) во "Спартак, крв и песок" Не за џабе ја трубам серијава. Кој ја погледнал знае. Сосем доволно. И за на крај, негативец кој го носам како име на мојов акаунт, на аватар, сегде! Лик кој никогаш, ама апсолутно никогаш нема да ми стане досаден. Џорџина Спаркс (Мишел Трахтенберг) во "Озборувачка" Сезона 1 беше добра, се дури не се појави момава. Тогаш стана одлична. Но Џорџинка стана мој идол кога се врати во втора сезона. Со нејзиниот цитат You can tell Jesus that the bitch is back, си го заслужи местото во мојата топ листа. Аииии се изнапишав. Добро, вредеше, сепак негативците ми се помили од протагонистите.
Јас сум од оние класични филмомани ги мразам негативците Многу е потешко да си негативец ем не те сака публиката, а далеку е потешко да глумиш негативец, него позитивецот кој и со скромна улога е одличен и е херој МОра да се сложам за Жерард Батлер, одличен негативец во Law Abiding Citizen. Aма нааааааајомилен негативец ми е Џејсон Статхем. Иако неговата улога е на граница за позитивна и негативна. Ама сепак е најдобриот можен транспортер на светов
^Росоњерке, јас кога го гледам Џејсон, тешко ми е некако да се сконцентрирам на неговата глума. Лиги ми течат дури го гледам хехехе... Инаку да, добар е, посебно ми се допадна како глумеше во "Cellular". Транспортер уште не сум го гледала
Значи го обожавам Џејсон, т.е. Спојлер се палам на него но мислам дека тој глуми позитивец, а не негативец, глуми главно во акции и во сите филмови е главен лик. Па така да негативците во акциите се тие што му се спротиставуваат нему...
Се согласувам со целосната листа на Спаркс, посебно за Ентони Хопкинс и Натали Портман. Јас би додала: Глен Клос во Фатална Привлечност и 101 далматинец( ја обожавам Круела де Вил) Потоа Мерил Стрип во Ѓаволот носи Прада Џек Николсон во Врколак Имам уште многу други но не ми текнуваат. Повеќе ги сакам негативците Ако ми притекни уште некој ќе пишам.
Па не ми оставиле некои многу голем впечаток, но моментално би ги издвоила Нина Добрев И Иан Сомерхалдер. Ги обожавам, посебно женските негативци.
Џеврие Се зафркавам. Патем мои најомилени негативци од серрите се Slayer - Heroes Декстерче - Декстер Џорџина од Госип Грл воопшто не ја сакам, премногу некоја слатка фаца ми има, иако ептен интересно ја донесе улогата.
Џокер! Го обожавам, дури и повеќе од главниот херој во филмот И секогаш навивам за него Исто и Џени од Госип Грл....мада незнам дали неа баш би ја сместила во негативци. Правеше збрки, ама онака тинејџерски не дека нешто била крајно лоша/злобна....
Ууууу Спаркс! Која тема! Веќе неколку од моите омилени негативци се спомнати. Ал Пачино во улога на ѓаволот himself - кој лик, кој глумец! Сеуште му го памтам монологот на крајот од филмот, предобар беше. Heath Ledger во улогата на Џокер. Му симнувам три капи, па и повеќе! И сеуште ме боли кога ќе ми текне дека такво талентирано човече повеќе не е помеѓу живите. Anthony Hopkins во улога на Ханибал Лектор. Добро, има ли филм во кој овој глумец не е добар? Легендарен филм, уште полегендарен лик! Gary Oldman! Негативец со диплома! Негативец број 1 кај мене! За улогата на Jean-Baptiste Emanuel Zorg во The Fifth Element, за улогата на Stansfield во Leon и секако за улогата на гроф Дракула во истоимениот филм. Едноставно човеков има подмолно фациче створено за негативни улоги. Го бива за лошотилук правење Kevin Spacey!!! За улогата на John Doe во Seven. Еден од моите омилени филмови и еден од моите омилени глумци. Не знам што повеќе да додадам! Едноставно одлично! Alan Rickman! Мммм Секако за улогата на Hans Gruber во Die Hard. Vincent Cassel! Ај уште еднаш - мммм За улогата на Кирил во Eastern Promises и за улогата на LaRoche во Derailed Robert Englund! Ајде нека ми дигне рака таа од вас која не се плашела од Фррррееееди Кругер?! Мислам дека во глава ми е сеуште онаа морничава песна - One, two, Freddie comes to you, three, four, he's knocking on your door...бррр кој хорор! Негативци има навистина премногу. А на женски форум не можам а да не ги спомнам женските ѓаОлици Sarah Michelle Gellar во улога на Kathryn Merteuil во Cruel Intentions. Еден од моите омилени ако не и најомилен, изваден од категоријата на лесни, тинејџерски филмови. Едноставно девојкава во филмов колку што ја мразев толку и ја сакав. Филмов има дефинитивно фрази за паметење. Валкани фрази за паметење А Кетрин? Ку*ка со тапија! И за крај, ви текнува на филмот The Crush? Епа Alicia Silverstone! Дефинитивно одлично одглуми луда жена. Ах бре луда жена што може да ти направи!
Веќе го спомнавте, а јас уште еднаш: Ентони Хопкинс е ненадминат. Кој лудачки поглед, просто те смрзнува и хипнотизира со глумата. Спојлер БУ На веќе споменатите ќе го додадам Peter Ustinov со улогата на Нерон во Кво Вадис. Брилијантна глума, брилијантна!
-Најстрашниот од сите негативци заради кој спиев со запалена сијалица една неделаоткако го гледав филмот беше Christopher Walken (како обезглавениот коњаник во филмот Sleepy Hollow)...хихихи -Robert DeNiro во филмот Cape Fear -Al Pacino како Tony Montana во Scarface (прекрасно доловен лик......) -Anthony Hopkins во ликот на Др. Hannibal Lecter во филмот Silence of the Lambs (многу добар филм) -Dr. Evil во филмот Austin Powers (најсмешниот "злочко") -сум се исплашила и од куклата Чаки а најголем негативец од сите ми е дефинитивно Jack Nicholson...таква му е фацата едноставно психич невиден
Се сетив на двајца одлични негативци. Јас си ги обожавам жениве Meрил Стрип во The devil wears prada, фантастична е тука, идол Глен Клосе во 101 далматинец Јес да ја мразам ради кученцата, ама совршена е за улогава, перфекција!
Анџелина Џоли во Проблематична девојка ( Girl, Interrupted ) Многу добро и прилега улогата на луда девојка...
