Resident Alien е полн погодок за сите кои сакаат слатко да се изнасмеат и да уживаат во одлична комедија. Жанрот е драма/комедија со елементи на научна фантастика. А се работи за еден вонземјанец кој има мисија да ја уништи Земјата и целокупното човештво. По сплет на околности завршува во Пејшнс - едно мало гратче околу Колорадо. И тоа е тоа, мора некако да се втопи и да се вклопи, сè со цел поуспешно да си ја спроведе мисијата и да нè истреби сите до последен. Но...хммм, баш му се интересни луѓето, што би се рекло - секој си е свој случај за набљудување. Серијата не е нова, во тек е третата сезона и денес имаше нова епизода па се инспирирав да отворам тема. Jа препорачувам доколку сакате нешто лабаво, но во исто време и топло, со одличен, врвен хумор. Баш ми е фина за следење и би сакала да има тема. Можеби ќе ја видат повеќе луѓе и ќе се приклучат на муабет. Ако има некој што ја гледа, нека се јави со коментари. А еве и препорака за сите кои не ја гледале досега. Дајте ѝ шанса на серијава.
Штета е што серијава не е попозната. Страаааашно добар хумор има, сите ликови имаат нешто свое уникатно, Alan Tudyk е полн погодок за улогава, секоја чест. Ја почнав сега третата сезона, таман не морав да чекам по завршување на втората. Toпла препорака ако сакате нешто необично, со голема доза на хумор, но и со многу емоции.
Јас прва ја гледав уште одамна кога излезе, некни случајно видов дека ја има на Нетфликс и ми текна дека не спуштив нови сезони, отворам гледам има плус две нови и се израдував, е сега ги спуштив ама уште да иам време да ги гледам. Ја изгледав прва пак дека е на нетфликс полесно да пуштам, ама за другите да ги префрлам на тв уште не најдов време. Како и да е, многу јака серија, стварно е оригинална и сите ликови се интересни на свој начин. Уживанција.
И јас ја гледав од самите почетоци серијава, тука на форумов некој ја препорача па така всушност дојдов до неа. Пораснал и рејтингот, што баш ме радува. Видов дека ја ставиле првата сезона на Нетфликс, па затоа и темава. Баш мислам дека вреди да се актуелизира малку серијава зашто никој во моја околина не ја пофалил, а е стварно одлична. И скроз уникатна со тема, за хуморот да не зборам. Алан е одличен избор за улогата на вонземјанецот, се согласувам и јас. И мислам дека тоа му е убедливо најдобрата улога досега. Скроз е погоден. Доволно е да му ја видам фацијалната експресија во некоја ситуација и се смеам на глас.
Финалето беше одлично, ама преееебрзо заврши сезоната. Bullshit Спојлер Пресмешно беше сите кога се бркаа по бродот. И воопшто не го очекував крајот, иако беше чудно како направија пресек и мислев нешто сум пропуштила. Којзнае колку ќе се чека за следна сезона сега.
Дури сега ги изгледав последните 3-4 епизоди сосе финалето. Искрено немам идеја во која насока би се движела следната сезона, стварно ме фати неспремна крајов. Ништо сега, чекаме...
