Rituals е холандски бренд формиран 2000 год, со спој на производи за дом и тело. Нагласен е како луксузен бренд на производи. Сега последниов период е пуштена линија за нега на лице исто така. Што мислите за нивните производи? Јас лично најмногу ги сакам боди кремовите, го обожавам луксузниот мирис што го имаат. Исто имам свеќи кои преубаво ми мирисаат исто така. Последно зедов од хидратантните креми за лице, кои ми изгледаа добро ( но @Biodevojka со кремовите не знам колку би се согласила, кажа дека имаат и силикон). Гледав дека има перничиња и бањарки кои ги меркам исто така. Сепак цените се доста скапички. Не најдов тема , ако е дупла може да оди во канта.
Нема кај нас за жал, мада можда сум грешка https://instagram.com/pharmaciabeta?igshid=NzZlODBkYWE4Ng==
Тема како за мене Ги обожавам производите на Rituals, значи секоја колекција им е врв. Мислам дека омилена ми е розевата Rituals of Sakura моментално, ама сега дека зима ја користам црвената Rituals of Ayurveda дека е појак мирисот. И оваa сега лимитираната што ја имаат The Legend of the Dragon е сооовршена, ама не успеав ништо да купам дека месецов ја купив пак црвената, а скапи ми се за да купам повеќе работи истовремено Скработ од црвената колекција некогаш го користам и за лице иако знам дека е наменет за тело. @Sucubus пишува дека се од 94% natural origin. Не се разбирам многу од состави, сепак нека каже некој поискусен.
Ова е делче од моето царство. Најмногу ми се допаѓаат белиот и црвениот сет. Сега и новиот т леџенд оф т Драгон го обожавам. Кремите за лице не се лоши. И ја купив најголемата свеќа што немам срце да ја запалам. Некако станав опседната со брендов, и се нешто купувам кога и одам на патување. Сега викендов се думам што да купам, но веројатно ќе бидат креми за тело, можеби уште една од т леџенд. А за состојки и јас не се разбирам, но чат пат ја следам @Biodevojka, таа веројатно е едуцирана во таа насока и пратив слики во темата за декларации на производи.
Уф кај што ја гледам сликава само срце ми се наполна Земи си нешто од жолтиот сет да те потсетува на лето малку. Јас го чекам во секој момент да ми стигне жолтиот серум за коса, каков е милина пуста носталгија за сонце… Макар што, чим одиш во странство најубаво да си земеш адвент календар од Rituals, многу убави продукти има внатре и реално исплатливо е. Ко ќе собереш колку пари би дала за одвоено да ги купиш тие сите работи ни 300€ не те спашаваат. А за свеќите, no comment- откако ќе ги купам ги чувам на работа на биро некое време, дека таму е забрането да се палат свеќи и као демек ги чувам за нови Уште еднаш да се едитирам, штом пазариш често спушти си ја апликацијата Rituals- на секој шопинг над 35€ имаш гратис некое поклонче од нив со тој кодот што ќе го добиеш во апликацијата. Има картичка за купувачи внатре и на каса само им ја отвораш да ти ја скенираат.
Јас Шведска последно кога бев станав член, и сега имам попусти и гратис производи. Кога ја купив свеќата, зашто бев прва што ја купува ми дадоа од сетовите, и јас ја зедов машката колекција. Имаат преубав мирис, трае и се шири. Специфичен е мирисот, погоден за со дечко
Скработ Rituals of Sakura ми беше прекрасен. Ги ѕирнав овие аптекиве што ги спомнале девојчињава погоре, ама ни сајт имаат, ништо подетално. Иако мислам дека во оваа Бета Фармација на Рузвелтова, на минување од таму ко да приметив кутии Rituals по полиците. Да не се фејк?
И други ми имаат спомнато дека ги имало во Мери фарм во Охрид, за други места стварно не знам. И за Охрид дури не сум сигурна, не сум била долго таму за да видам, а и немам кого да прашам. Можда има некоја девојка од Охрид на форумот да потврди.
Дали сте користеле некој од серумите за коса? Јас конкретно овој, ставам секој ден на врвовите само дека косата ми е склона кон мрсење. Мирис преубав, нежен- коса свети, мека како свила И плус долго трае, бидејќи е густо и само една капка ми треба за мојава слаба коса.
Не знам за кај нас, секогаш ги купувам од нивна продавница. Но и кај нас цените се исти како низ ЕУ, тоа барем го приметив. Исто ми се допаѓаат и мирисалките за простор, и тие се долготрајни ( поготово во мали простории, канцеларии) ептен се заприметливи на самото влегување во просторијата.
Веќе 3 години редовно ги користам и тоа Rituals of Sakura ми се најомилени, уствари сакам сѐ што мириса на Cherry Blossom. Последно начекав во една нивна продавница имаше од кремата за тело - една крема + дополнување од 200 мл за 20 евра, фактички 2 креми од по 200 мл за 20е. Во некоја од темите тука имам пишувано за балзам за усни кој ми е најомилен од сите балзами ever, има некоја нота на еукалиптус, уста ми нема испукано од ко го земав и ми изгледаат полни ради благото пецкање од еукалиптусот! Секогаш кога патувам купувам, а ако некој патува обавезно порачувам да ми донесат ако нешто ми фали!
И јас сум вљубеник во Rituals, но пред 3 години почна да ми се активира дерматитот и од тогаш не сум ги зела, сега ме закачивте да си ги побарам пак . Фаворит на мирис ми е happy buddha, сум користела само козметика, мириси за дома не. А пилингот... такво совршенство друго немам најдено . Мислам дека ги имаше и кај нас во некоја аптека од пред некоја година, јас обично од надвор ги земав, во сефора сум наоѓала и мини сетчиња со супер цена.
Многу скапа колекција... Земав едно за туширање и, искрено, ништо посебно. Не сфаќам во што се толку посебни?
Карши Правда кафичот, помеѓу coffee factory и книжарница три има една продавница пишува неколку бренда од кои и Rituals ги има. Дали некој има забележано? Мислам дека ги држат нивните производи. Исто така овде имаат достапни продукти https://viafarm.mk/search?query=rituals
Ова ми личи како некоја секта со ритуали, ритуални свеќи, па да не кажам па ритуални работи за телото и организмот. Како во тие продавници да ги држи некоја организација така наречена секта. И така има некои 50 во Скопје кои се кријат. А нивните производи навистина се ритуални, повеќето луѓе ги купуваат и убаво мирисаат.
