White Noise Machine - Апарат со звуци за спиење

Не знам дали ова е достапно кај нас, во Македонија. Ако да, тогаш сигурно е како производ наменет за бебиња. Сепак, White Noise Machine е тренд во светот и кај возрасните.


Се работи за апарат/gadget во вид на пренослив звучник кој во себе има инсталирано неколку видови на смирувачки звуци т.н. „бели звуци“ (дожд, река, ветар...) кои континуирано се емитираат со цел полесно заспивање и поквалитетен сон, како и релаксација/одмор. За бебиња, на пример, има вакви апарати со звуци слични на оние кои бебето ги слушало додека било во матката на мајката.

Се вели дека звуците од овие апарати ги блокираат надворешните шумови и несаканите звуци.

Има различни видови со различни опции. Ги има и во комбинација со светло.

Обично доаѓаат со тајмер кој се подесува на 15, 30 или 60 минути, како и можност за приспособување на јачината на звукот.

На поквалитетните верзии, еднаш наполнета батерија држи до 30 часа. Батеријата се полни со УСБ-кабел.

***


Читав коментари по интернет дека се многу корисни за луѓе кои тешко заспиваат. Некои, пак, велат дека е подобро да си пуштиш радио на нерегистрирана фреквенција, па да ти шушти цела ноќ )))) Секако, постојат вакви звуци и на YouTube но, ете, некој измислил и засебен апарат.

Сте имале ли искуство со нешто вакво?
Дали би користеле?

***

П.С. Модератори, се мислев каде да ја сместам темава. Ако не е за овде, ве молам преместете ја.

 

Користам white noice веќе подолго веме како noise cancelling механизам.
Откако се роди син ми, користам и за него. Најчесто пуштам на телефон/таблет, а неретко пуштам и фен.
Дали би користела ваков апарат, мислам дека да, доколку нуди некои предности (на пример за да ми биде слободен телефонот).
Инаку, ништо не може да ме успие како калорифер

 

Мене ми се скроз прифатливи да сум во природа, да слушам такви звуци. Вака да си пуштам не само што нема да заспијам, туку и ќе се напнам дека мозокот ќе ми ги перцепира како "неприродни".

 

Порано многу често ја користев апликацијава: https://play.google.com/store/apps/details?id=relax.sleep.relaxation.sleepingsounds, ама не за "звуците со боја", туку за комбинациите од разни звуци од природата (најдобар избор има), никогаш не ми биле привлечни баш звуците што крчат како фрекфенција.
Природните звуци како бранови, дожд, крцкање од оган, птици, итн. ми се допаѓаат, ама не и за спиење, поготово не бранови, ме иритираат. Мек дожд што удира на шатор или прозор ми е омилен звук за релаксирање, а исто така обожавам и звук на хор од штурци.

Пред 10 години за успивање пуштав една станица на tunein кај што пуштаа по саат време од снимени вистински звучни атмосфери, пример "мирно неделно утро" и се слушаа птици, шумотење на дрво, некој како коси трева во далечина, авион како поминува, по некоја кола. Ама вистински снимени, не компјутерски мешани звуци. Врв беше за успивање.

Веќе некое време прочистувачот и одвлажнувачот ми се апарати за white noise и почнаа ми годат звуците. Не ми се свиѓа баш класичниот бел звук, премногу ми крчи, ми смета. А од апаративе баш е нежен мек звук на шумење, е тоа ми е топ.

Така да, ако има квалитетни звуци кои би ми помагале за спиење (ако имам потреба) и релаксирање, и имам одвишок на пари , би користела, зш да не.

 

Користам апликација на телефон

 

Досега сум користела само апликација на телефон.
Ако е за бебе во друга соба разбирам да се земе додатно.
Исто подобро е за батеријата, ако е од мобилен ја троши во случај да сакаш цела вечер да биде уклучено.
Јас за мене лично ми одговара на телефон/апликација, го уклучувам 1час додека да заспијам само.
Не знам кои се иначе другите предности ова на тие што имате (не за бебе)?

И да, го има и во Македонија,во бебешките продавници, може и онлајн да се нарача.

 

Никад.

Истоо. Не да ќе се напнам, ќе полудам бре.
Алал да им е како овие звуци ги опуштаат и релаксираат, им завидувам.

Јас за спиење само потполна тишина, што се вика мува да не прелета иначе во спротивно многу се нервирам и тешко да заспијам така.

Може па и вакви ствари не се за луѓе кои се нерва по природа.

Аууу ова па...
Одма ќе скренам скроз.

 

Оние што живеат на помирни локации немаат потреба, за оние што живеат на погаламурдни е и прекупотребно, за нескренување баш.

 

Мене ми пречи светлото од телефонот кога се полни батеријата, а не па нешто вакво измислено.
Мора да ми е тивко и темно.
И ја би полудела

 

Хахахахахахаха

Фреквенција би издржал некоја соодветна, скоро да не ја слушам. Ама, да ми дува ветер? Да ми врне (демек) и да грми? Да ми тече река, не дај Боже бранови да плускаат? Ноу уеј! Ја ќе добијам чувство дека сум у вода и дека, готово, ќе се удавам.

Како и да е, треба да пробам. Порано имав навика да спијам со 20 песни на рипит, а многу често сум спиел и со вклучено радио (обично македонска музика пуштаат тоа време и ме враќа назад во некои убави времиња). Со звуци, хм... Не сум спиел така. Баш ќе пробам, па ќе искоментирам како ми делувало.

 

Вакви звуци не се смирувачки, туку полудувачки.
Не можам да заспијам ако не е скроз тивко.

 

Користев пред некое време. Така го заспивавме син ми додека беше бебе.
But I hated it а и на син ми не му помогна премногу но мислам во некои моменти го смируваше да не плаче. Знам на некои луѓе им помага бидејќи само со звуци во позадина спијат подобро. Се зависи до личноста. For me it's not a good idea

 

Ни на крај памет не ми било да ми бучи нешто додека спијам. Ама со дете помага многу, па 2 години ми шуштеше по цела ноќ, се навикнав. Сега со второ дете пак ќе пуштам да шушти. Не дека прави помирен сон, него неутрализира други звуци, па не се буди бебето така лесно од нормално функционирање на останатите по дома.
Апарат за звуци не најдов кај нас, освен оние како мечиња на тајмер, па ваљда ќе тераме со апликација на таблет пак.

 

Kaj ima vo Sk da se kupi aparatce?

 

Дали најде? барам и јас

 

Користев за син ми од кога беше бебе до може 2 години и више. Толку се навикнав шо неможев да заспијам ако не ми е пуштено. јас по зависна бев од син ми хаха постепено ја намали употребата он и така и јас се одвикнав, сеа заспиваме со приказни на македонски јазик. Следно ако имам уште едно дете пак би користела бела врева. Само би барала апарат нешто такво што ќе го користам пошто на телефон мачно е

 

Иста сум хахах. Претходно заспивав во скроз тишина. Арно ама кога се омажив сменив средина, овде многу галама има, мм научен е. Јас никако не спиев раат. Лесно се будам. Сега покрај ќерка ми, и јас си спијам раат со ова не слушам ништо од страна.

 

Ех, златно радио Равел, не знам дали уште постои. Како студент спиев со тоа радио цела ноќ, за мерак. Нема поубаво од целоноќна музика, одмор за мозокот. White noise не би можела да слушам, иритантно ми е.

 

- Дали би можела да споделиш во кои продавници поточно? 2 дена барам не можам да најдам...

 

Не знам дали веќе си нашла, ама провери онлајн продавници?