Расизам

Значи не се фаќај за небитни работи, црнците се дискриминирани во америка, ромите се дискриминирани тука и ако многу се секираш за дискриминација почни од тука, не се секирај толку за америка кога ние овде имаме ист проблем, може не дошло до убиство, ама дека имаме е факт. Сигурно си "скарана" и со македонци па не викаш не поднесувам дел од македонците. Едноставно не треба да стои "не поднесувам' и раса или националност во иста реченица. Ако не поднесуваш, не поднесувај заради индивидуалната личност, а не заради тоа што се роми.

 

Да не знаеле дека му компромитираат циркулација, немаше да се случи убиството.
Убиство од трет степен, какво разочарување.

 

Инаку има многу осудени на СМРТНА КАЗНА само затоа што убиле полицаец. Еден! За друг осуден да добие смртна казна треба да е јак психопат да убива, малтретира, хорор филм да прави, значи јако да ја оплеска работата за доживотна едноставно да е слаба казна. Ама можеш и многу едноставно, само убиј полицаец, може и од трет степен да е, одма те стрелаат. Сум гледала еден случај, пукал кон полицаецот за да го заплаши ама го погодил. Тоа не е трет степен бе? Исто е! Се крена америка и за него па му ја намалија на доживотна. Ами тие што не стануваат популарни случаи? А клошари ко овој што го уби Флојд, ко херои ги слават. Ужасни неправди

 

Па тогај мислењето не ти е за тука. Овоа е Расизам. Не поднасам и навивачи и тоа ли е дискриминација?
Сама се вртеш во еден ист муабет.
Кај нас има дискриминација од секако вид.
Те имам забележано само Ромите ти се болна точка.
А, нема дискриминација спрема Албанци, Власи итн?

 

Ок во право си, ова е расизам, а дискриминација над роми е на националистичка основа, да, имаш право, има за тоа тема.
Ме имаш приметено ама ме немаш приметено. Повели отвори тема за дискриминација врз албанци и власи и ќе ме приметиш и таму. Од три и пол коментари не можеш да знаеш што ми е болна точка. Мене секаква дискриминација ми е болна точка. Ко што прочитав едно во еков на протестиве - не сме црнци против белци, туку сме сите против расисти. Значи ако во моментов на форумов е актуелна ситуацијава со црнците не знам која е поентата да ме прашаш, аа со албанци имаш проблем, а со власи, а со роми? Ти реков, кажи ситуација кај што си сведочела на дискриминација врз албанци или власи, одма ќе ги испцујам дискриминаторите

 

Ти да беше едуцирана на тема расизам немаше да го правиш овој All Lives Mаtter муабет и комплетно да ја пропуштиш поентата на тоа што го зборам јас и многумина на темава. Не можеш да знаеш кој како помогнал од тие што постирале на социјални мрежи или да гледаш потреба да се докажуваш дека си анти расизам, бидејќи ако си, нема да има потреба да се докажуваш Не го правете движењето и анти расизмот нешто од кое ќе профитирате у муабет за да бидете видени како social justice warriors зошто е брука и тие што навистина се борат против расизмот секаде каде што ќе го сретнат само ќе ве гледаат и ќе ви се смеат. Сосема е океј да кажеш дека не си едуциран за глобален проблем, слободно кажи не знам и не можам да зборам за оваа тема бидејќи немам доволно инфо, не само да зборите без врска колку да се уклопите у муабет.
А јас нигде не го спомнав полицаецот ниту пак реков дека сум океј со тоа дека е убиен. Те молам не ми ставај зборови во уста. Сечиј живот вреди, нормално, но протестиве се со поента да докажат дека и животите на црната раса вредат. Тоа мислев кога кажав да не се губи од фокус поентата на протестите. Не можеш на некој да кажеш колку го заболе за расизам и за протести кога не знаеш каква позадина има, со што се соочил, што се видел и не видел. Многу глобализирано мислење.
Исто така, реченицата „Ај ти не ме едуцирај за расизам“ ти пропаѓа во вода откако прочитав дека си напишала дека црната раса е дискриминирана во Америка а ромите тука. Расизам е глобален проблем, не знам зошто е толку тешко да сфатите. И ве молам не мешајте раса и националност, смешни сте. Секако дека и двете се дискриминирани но не можете да докажете некоја си ваша поента за расизам од ваша гледна точка со тоа што ќе вмешате националност. Ахххх, ignorance is bliss.

Ете во прилог @Lella ви има ставено куп корисни линкови кои можат навистина да помогнат. Потрошете го времето на нив наместо на „Не сум расист, АМА“ коментари. Гуд ток.

 

Срц, тебе ќе ти се смеат сите луѓе што се стварно поборници против расизмот пошо сиве протести настанаа заради убиство и протестирачите се против убиство, а ти овде за убиството на невин полицаец пишеш "нека не ви одзема фокус'. Оставај си инстаграм имиџ дека си нешто многу свесна али кога игнорираш и не осудуваш убиство на невин човек и го сметаш ко да е само нешто малкуцка што одзема фокус, ти реков, треба да не си нешто ок. Слоганот All lives matter упорно се повторува за такви ко тебе да сфатат дека ако Флојд е убиен, не значи дека убиство на друг невин е оправдано. А споредбата со ромите е исто така направена за такви ко тебе што многу ги заболе за расизам во америка, кајли џенер објавила дека е против расизам, па ајде и јас да сум, а утре ќе одам ќе ги плукнам ромите. Фала шо ми кажа што е разлика меѓу раса и националност, пак ќе речам да те заболеше за дискриминација ќе ја сфатеше поентата како не е во ред да се приклучуваш на антирасистичко движење во друга земја, а во твојата земја да дискриминираш друго малцинство. Лицемерие до бесвест. Ама и тоа лицемерие не е толку страшно колку што е страшно тоа што не можеш да увидиш зошто убиство на невин човек е за осуда. Ништо не постигнале со тоа што убиле невин полицаец. Апсолутно ништо. И јас во мојот првичен коментар пишав дека не е во ред да се убиваат дополнително невини луѓе за да се докаже дека било погрешно убиството на Флојд. И ти на тоа ми враќаш " не дозволувајте да ви одвратат фокус". Срам да ти е

 

Еве пошто јас на претходната страна ги внесов ромите во дискусија, а @Mantub мене ме цитираше, да ви кажам нешто најискрено, мислењава ама не е исто националност и раса, смешно е да се споредува ви паѓаат скроз во вода.Омраза врз цел друг етникум или раса е основа на расизмот и национална дискриминација и без разлика дали е овој или оној, ако за некого се залагаш а по друг фрлаш со дрва и камења, не си тоа што мислиш дека си.И секако, затоа што темата моментално е полициска бруталност во Америка, а не роми во Македонија, ништо нема да дискутирам повеќе за нив, туку само да ви посочам како поголем број од народов се чисти хипокрити, ќе решаваат проблеми на другата страна на светот а следна секунда и сами се расисти, ама пошто не се расисти кон црнци не си го рачунаат расизмот.

И мислам дека штом протестиве земаат човечки жртви, стануваат контрадикторни на својата поента.

 

Не објаснувај. Тебе поентата ти е емпатија и никако да не умре уште еден човек. Нив поентата им е да остават имиџ на инстаграм со тоа што ќе стават црна слика во знак на поддршка. Затоа не можат да разберат. Се што сакав да кажам, го кажа ти со последната реченица. Протести што одземаат животи стануваат контрадикторни на својата поента. Баш така. Да не гледаш ништо погрешно во убиен невин, треба стварно да не си ко шо треба. Ти доловувај поента до утре сабајле, нив најбитно им е раса и националност да ти цитираат дефиниција од лексикон

 

@Angie1432
Стварно немам желба со вас да се докажувам. Искрено.
Дискриминација има тука. Ама на основа на боја на кожа нема.
Можеби е до мене. Можеби сум со омраза. И мене ми жал кога ќе видам мали Ромчиња. Ама те одамна ми залепија етикета расист. И 100 пати потенцирам дека се дел и тоа конкретно една фамилија ама ај.
Друго, во Америка е потребна е промена. И цела Америка е сплотена против расизмот.
Расизам постои пошто уште белците ги презираат црнците пошто биле некогаш робови.
И не е фер пошто немаат права и се цело време мета на осуди поради бојата на кожата.
И btw Инстаграм ептен ретко користам ни пак сум ставала слики од сегашниве случувања.
И како сеа, треба да си гледаме тука и да не ни е гајле што се убиваат невини црнци у Америка?

 

Мене ме загрижува тоа што Трамп изјавил, дека ако не можеле да се справат локалните власти, ќе ја пуштел војската.

Замислете да прогласи вонредна состојба во САД и со тоа да добие ултимативна и единствена моќ над цела држава??!

Кузнај шо ќе му свирни да напрај...

 

Не. Туку небитно е да се натегаш дали било исто или не црнците во америка со ромите тука. Знаеме сите што е националност, што е раса, спонтано дојде муабетот дека и овде имаме проблем со дискриминација и дека се понашаме исто со ромите ко шо се понашаат во америка со црнците. Се губи поентата на муабетот да се натегаме со дефиниции за раса и националност. Секако дека има друга тема за роми, само ако си свесна дека има дискриминација, а не треба да има, нема толку да се фаќаш за зборови пошо не е битно, поентата е друга

 

Роми е инаку етничка припадност, а не и националност затоа што нема држава со истиот назив. Грк е националност дека има држава Грција, Влав е етничка припадност само дека нема држава со тој назив.
Инаку Ромите секако не се бела раса туку црвена или кафена не се сеќавам, иста со Индијците.

 

Роуз, потребна е промена онаму каде што постои расизмот а тоа е насекаде во светот. ГЛОБАЛЕН ПРОБЛЕМ. Не ви се дерам туку сакам да ви боде во очи. Ако дојде во државава припадник на различна раса, нема да биде подложен на расизам? Нема да го гледаат и да му се смеат? Да сакаат да го тепаат? Да се сликаат со него ко да е предмет или туристичка атракција? Не се користи н-збор и разни други расистички зборови само затоа што сме „бела“ држава? Не мислиш дека тоа многу кажува за луѓето и како тоа им е поважно да испаднат кул и тренди отколку да бидат човечни? Не треба да има голем процент на people of color во една држава за во неа да постои расизам. Точно дека никој не се раѓа расист но се раѓа во расистичко општество. И точно дека не треба да си гледаме тука, мислејќи дека не постои расизам во нашава држава. Не сме имуни на расизмот. Секаде го има, секаде!

А инаку еве, можеби половина од луѓево што ми излагаат на инстаграм постираа црна слика но не видов дека постираат нешто со информации за тоа како може да се помогне од било која држава. Многумина го користат тој црн пост како „ај бе еве ставив слика, my work here is done“ а статистиките велат дека 22 милиони луѓе постирале црна слика а 13 милиони ја потпишале главната петиција Мислам дека тоа ти кажува доволно.

 

Сметам дека една од најтешките вистини поврзана со бруталната смрт на George Floyd е тоа што мала е веројатноста дека овој трагичен настан ќе придонесе кон драстична промена при Американскиот кривично-правен и безбедносен систем поради тоа што многу добро знаеме како можат политичарите и медиумите да ја извртат вистината во нивна полза, особено сега во оваа критична здравствена состојба против која сите се бориме.

Моментално се спроведуваат и мирни и насилни протести против смртта на George Floyd, меѓутоа манифестираното насилство од страна на Американскиот народ може да биде перципирано како сосема очекувано. Со други зборови, сметам дека истото не е предизвикано само поради расистичко-мотивираната смрт на Floyd, иако тоа е примарната цел на протестите, туку од повеќе фактори кои само предизвикувале потиснување на разни фрустрации како воведување карантин, паника поради светска пандемија, масивно отпуштање од работа, осиромашување, потиснувани фрустрации поради системот на Американската правда и континуирано сведоштво на расизам и полициска бруталност низ годините.
За жал, трагичната смрт на George Floyd беше последната капка која ја прелеа чашата во Америка.

Ова е причината поради која многу луѓе, особено Американците, почнуваат да се прашуваат дали протестите за Floyd воопшто можат да се сметаат за оправдани, што звучи погрешно од една страна бидејќи целта е да се бориме против расизмот и полициската бруталност, но одредени недостатоци при спроведувањето на насилните протести го оспоруваат тоа и токму тие имаат најголем потенцијал да ја уништат и извртоперат нивната основна цел и суштина.

Прашањето за тоа дали овие протести се оправдани е делумно точно поради тоа што одговорот не може целосно да се препише на решавање на одреден спор по мирен пат или по насилен пат, туку поради што меѓу сите луѓе кои активно, искрено и несебично протестираат за правда, постојат и одредени луѓе кои само ја користат смртта на George Floyd за истовремено да ги вршат нивните кривични дела и да нанесуваат штета кон невини луѓе. Уништување на имотот на невини луѓе никогаш не може да биде оправдано, особено ако истите се сопственици на мали бизниси кои работеле толку напорно да ги стекнат и најверојатно им се главен извор од кои преживуваат и ставаат леб на масата дома, не сметајќи ја нивната дополнително отежната ситуација поради пандемијата.

Додека сметам дека во одредени околности насилството претставува единственото и најефективното решение, истото не смее никогаш да биде насочено кон невини луѓе, туку кон оние навистина кои го заслужуваат тоа, бидејќи во спротивно, тие протести не се ништо подобро од самиот чин поради кое се протестира и истите можат многу лесно да бидат прогласени за неоправдани и подлежени на брзо задушување од страна на државните власти. Поинаку кажано, не смее да се дозволи потрагата по правда да не ослепи до тој степен што ќе заборавиме дека им нанесуваме неправда и да им го уништуваме животот и безбедноста на невини луѓе.

Претходниот викенд во Канада се планираа спроведување на безбедни и мирни "Anti-Black Racism" протести поттикнати од смртта на George Floyd под околности на полициска бруталност. Меѓутоа, забележав одредени разлики помеѓу планирањето и спроведувањето на протестите за смртта на George Floyd во Америка и во Канада, кои особено во Америка можат да бидат искористени против луѓето кои се борат против расизам бидејќи се заборава дека овие протести се спроведувани за време на глобална пандемија.

Додека во Канада задолжително се налага луѓето за време на протестите да маршираат во групи од најмногу пет лица и да одржуваат дистанца од 6 feet, како и да носат со себе ID за да не бидат парично казнети од полицијата, во Америка луѓето кои насилно протестираат не секогаш одржуваат социјална дистанца, не се групираат селективно и дел од нив воопшто не носат маски. Ова значи дека доколку се евидентира нагло проширување на бројот на заразени при Американските протести, ќе биде премногу лесно истите да бидат политички обвинети за проширување на вирусот COVID-19 и да бидат задушени на брз начин за да се спечи понатамошно ширење на вирусот, што всушност ќе им оди во прилог на убијците на Floyd, како и нивните расистички поддржувачи.

Исто така, можам јасно да ја согледам разликата меѓу реакцијата на Donald Trump и реакцијата на Justin Trudeau во врска со протестите за George Floyd. Во Канада Trudeau изјаснува дека не можеме да се преправаме дека расизмот не постои и им се обраќа на сите млади црни Канаѓани со следниве зборови:

"I hear you when you say that you are anxious and angry. When you say that this brings back painful experiences of racism that you've faced. I want you to know that I am listening, and that your government will always stand with you," Trudeau said. 

"Together, we will keep taking meaningful action to fight racism and discrimination in every form. The status quo – where people face violence because of the colour of their skin – is unacceptable."

Од друга страна, сметам дека Donald Trump само додава масло на огнот и дополнително го разгневува Американското население откако јавно се закануваше дека на брз начин ќе ги задуши насилните протести со воена сила. Овие протести се случуваат бидејќи луѓето во Америка веќе стануваат очајни нивните гласови и да бидат слушнати и да го покажат револтот кои го поттиснувале со години.
Меѓутоа доколку луѓето претераат со насилството, јавното мислење би можело за многу кратко време да се промени и тоа да се претвори во дополнителна причина за брзо задушување на насилните протести.

Реалноста не е секогаш црно-бела и George Floyd не е првиот African-American кој го загубил животот поради полициска бруталност и се сомневам дека ќе биде последниот. Дури и да претпоставуваме дека овие протести ќе успеат да го променат Американскиот кривично-правен и безбедносен систем до одредена мера, сепак не постои начин како да го промениме расистичкиот менталитет кој претставува основниот антрополошки извор за ваквиот вид на морбидна дискриминација меѓу луѓето низ светот.

 

https://mobile.twitter.com/ItsDasiaVu/status/1267906993630654468

Еве го девојчето што го сними целиот настан. Моментално посетува психијатар за тоа што го видела, преистрауматизирана била Има само 17 години, с-т-р-а-ш-н-о. И се запнале некои зошто не изреагирала и зошто не се инволвирала, туку само стоела од страна и снимала. Е вакви луѓе ме нервираат многу жими се. Прво девојчето има 17 години, второ да не снимеше и да не објавеше ништо од ова немаше да држи вода, немаше да има докази. Им го овозможи најмоќниот алат за оваа револуција, не знам како некој има лице да ја малтретира и да и прави булинг. Плус ако се вмешала таму беа уште 3ца полицајци кои сигурно ќе ја совладаа и ќе и следуваше многу, многу полошо сценарио. Немаше да ја чешлаат секако.

Кој што може нека пушти some love кон девојката. Треба огромни кохонес да го снимиш ова и да го дистрибуираш. И нека прекинат булинг да и прават аман. Не можам со некои луѓе.

 

Да се надоврзам во врска со гледање видеото, во коментари најдов дека треба да се исполнат овие услови при гледање на видеото и доколку сакате да го гледате повеќе пати, со цел да биде валидно. Се надевам дека се точни и дека ќе ви помогне.

 

Ако не беа протестите цела ситуација ќе се замачкаше и ќе се заборавеше.

Благодарение на протестите на гнасата што го уби Џорџ Флојд сега е ќе му се суди за убиство од Втор степен а не трет, и другите три полицајци нема да си поминат со лесно, и нив ќе им се суди.

 

America’s Protests Won’t Stop Until Police Brutality Does

In the name of all these men and women and countless more, this is why thousands of Americans have taken to the streets — to express a rage born of despair. Despair that their government has failed to provide one of the most fundamental protections in the Constitution: the right to life, and to not be deprived of that life without due process of law. Stop killing us.