Од кога не сум пишала во темава, сум ја заборавила скрос За месецов што изминува ,еве ги производите : 1. Carroten BB cream - 250 денари Презадоволна! Општо од производите на каротен сум многу задоволна, така и овој не ме разочара. Е сега малку не ми годи на мојот тип на кожа, зошто ми е мрсна кожата ,а бб кремов дава сјај ..тоа знаев ама сепак си го земав. Но, воопшто не светам како сијалица, има сјај да, но таков природен сјај дава кој на секоја кожа и е потребен така и на мојава мрсна ,и преубаво изгледа на лице ја се воодушевив првиот пат кога ја пробав. Слабо е покривна, али доволна барем да го изедначи тенот. Приметив дека порите ги покрива добро, не се забележливи воопшто после неа, и останатите недостатоци малку ги покрива колку да не се приметливи многу. Има зф, што мене ми е најбитно во крема,пудра, што и да е за лице. Факторот е 25, мене ми е таман само за преку ден, на шетање до град, кафе ваму таму но, за на плажа не, зошто користам 50 фактор. Мирост е преееееееубав, типичен каротен мирис - на плажа, на сонце, на лето ми мириса Оцена: 10/10 Наредно од каротен цц кремот со 50 фактор, премногу ме привлече 2. Avon Glow Illuminating Bronzer Duo - 260 денари ( на попуст, редовната е повисока ) Значи бронзеров и хајлајтеров се најпрекрасни на цел свет ! Одамна си барав ваква комбинација во еден производ да имам и бронзер и хајлајтер, да можам секаде да си го носам со мене иии конечно Прво, кога го добив малку се разочарав зошто пакувањето е многу мало искрено со тоа што го видов на сликата.. Но, океј , затоа барем секаде можам да си го носам со мене баш дека е мало. Ефектот е исто таков како што си барам од секогаш. Прво да кажам дека ја сум сирење бела во тенот, и сиииииииите бронзери до сега ми толку темни што ја неможев да си најдам асален за мојов блед тен И кога видов нијанса Light Bronze , мораше да се земе. Бронзерот е како темна камена пудра , но за мене е баш бронзер и како ми одговара на тенот како според мене да го правеле Хајлајтер е исто многу добар, малку треба да се земе само за да даде сјај . Еве ја и мојата нијанса како изгледа : Спојлер Оцена : 9/10 3. ColorB4 Hair Color Remover - Extra - 750 денари Исто и од отстранувачот сум многу задоволна, мислам дека овој производ највеќе си го сакам месецов. Скрос ми ја смени бојата, имам пишано и во соодветна тема за ова подетално. Само голем минус за мирисот, ужасен е Друго е се одлично, мене не ми се оштети косата воопшто, дури и помека ми беше после целиот третман. Цената малце е повисока , но само за еднаш ми беше и толку. Оцена: 9/10 4. Oriflame Nature Secrets - Hand Gel - 150 денари ( на попуст, али околу таа цена е често ) Супер гелче за миење раце кога не сте дома, практично за во ташна. Цената одлична, одлично чисти, е мирисот ми е малце чуден . Пишува дека е со мандарина и некое си чајно дрво, малце на трева мириса но, барем чисти ако не друго. Оцена : 10/10 Едит: Уште нешто заборавив 5. Garnier Micellar Water - 240 денари И водичкава на гарниер, одлична! Со едно памукче и се отстранува шминката. Нема мирис, нема алкохол исто мислам дека. Одлична цена, а големо пакување! Само мислам дека не ја отстранува водоотпорната шминка, барем мене не ми ја вади воопшто =/ Оцена: 9/10 Тоа би било тоа за месецов од мене.
1. одличен pријатен летен мирис супер боичка си фатив на тен ептен сум задоволна и омилен продукт дефинитивно бр 1.. 10/10 2. совршена за мојата кожа, ја користам само за навечер и доста е трајна ... 10/10 3. најдобар шампон што го имам деф... 10/10 4. 10/10 5. го чисти лицето од шминка мн добро 10/9 6. victoria's Secret Endless Love Body Spray - мириса препрепрееубаво
Еден друг омилен производ на месецов Ми се потроши на Есте Лаудер па реков да пробам и една пудра на Клиник, сосема е супер,ми се допаѓа што е мат,нема некој мирис , издржува скоро цел ден,не се копира на облека, единствено лошо е што не ја регулира маснотијата на лицето ( пудрата на Есте ова го правеше ) па пред да ја извадите ако се допрете на челото ќе видите маснотија сепак мора да се додаде и камена пудра на лицето за да се нема ваков проблем. Ја земав околу 20 евра со попуст.И ми се допаѓа многу пакувањето
Victoria's Secret love spell сет Преубав летен и овошно-сладок мирис, за трајноста нема да коментирам - спрејот повеќе трае дури и од некои парфеми кои ги имам. Веднаш ми влезе под кожа мирисот, а и не верувам дека ќе се најде некоја која би можела да остане рамнодушна. Штета што кај нас се прескапи и баш штета што порано не ми текнало да си ги набавувам од страна. Нејсе, вреди да се купи. Маybelline - The Nudes Palette Имав палета со вакви тонови, но никогаш не боли глава од уште една. Не се споредува со квалитетот на bella oggi, сепак Maybelline си е Maybelline. Пола-пола е палетата, има и седефасти и мат сенки, пигментацијата е на ниво и трајноста е одлична и без претходно да се нанесе база за сенка! Не се нападни и супер се и за дневна шминка. Спојлер П.С. Не ми се купени од тука, а во Грција не знам дали ги има. Ги нарачав од Острелија. Impala foundation brush no.8 Ми се појави потреба за нова четка за пудра, а не ми се даваа многу пари. Оваа ја купив со голема доза на сомнеж, но неочекувано испадна премногу добра зделка, за само 200 денари. Доволно мека, врвовите се одлични и многу е прецизна. Убаво ја распоредува пудрата и прави линии само доколку невешто, ради-реда ја тапкатe низ лице. Многу ми се допаѓа и се надевам дека нема да ја фати есенската криза и да оќелави. Maybelline Color Whisper - 85 Berry Ready Фантазија! Иако понекогаш се прашувам дали навистина е кармин или станува збор за лабело кое глуми кармин, сепак пигментираноста е супер и има солидна трајност. Нијансата беше тоа што ме воодушеви, одамна барав кармин во таква боја коjа ќе ги „вцрви“ усните и ќе им даде сочност. Следен за купување ми е 20 mocha muse - совршен за на факултет. D&G Dolce лосион за туширање После туширање едноставно ми е жал да го уништам мирисот и да нанесам млеко за тело. Би го купила и млекото, но не сум сигурна дали го има самостојно во продажба кај нас. Како и да е, одличен цветно-воденаст мирис кој трае долго и ме тера да пекам по парфемот. Се тешам дека летото ќе помине и цела зима ќе ми собира прашина - изговор кој вреди да се проба. Vichy Normaderm teint течна пудра Ја купив најсветлата нијанса, буквално само од погледнување на интернет. Да знаеше мајка ми, ќе ме убиеше пред да одам. Знаев дека ќе ми биде идентична со мојот блед тен и да ви кажам - не сум погрешила воопшто. Долго време се мислев дали да ја купам Dermablend или Normaderm, а изборот на крај сосема случајно падна на оваа. Многу е нежна, мириса преубаво, покривноста е средна, но му дава неверојатен и здрав изглед на тенот - совршено за моите уморни и понекогаш ненаспани очи. Има мат ефект, но не е типичен како кај останатите пудри - сувкаст и ко од вакуум, туку делува природно и ја прави кожата како кадифе. Масните делови ми светнуваат стандард по 4-5 саати, а да бидам искрена, веќе престанав да се замарам со оваа проблематика, додека ми одговара ќе терам со неа. Негативно е тоа што има малку алкохол во составот, но мене никогаш не ми сметале ваквите производи, а за сува и осетлива кожа не би била погодна воопшто. Oва е за јуни, листата за јули ... друг пат.
Моите продукти за месец ЈУЛИ FA - гел за туширање. Ги има на попуст во тинекс, мене ми мирисаше прекрасно. ГО зедов, го пробав и преубав. Мирисаш кога си избањат. Дефинитивно би го препорачала. Нежен, мек мммм. Спојлер MAC - розев кармин Не е оригинален, но е преубав. Бојата е нежно розева, иако на сликата е малку потемна. Мрсен кармин, но доста убав. Купен ми е од пред месец дена, ама сега решив да го пробам. Спојлер Becutan - шампон. Го користам за интимните делови, бидејќи претходно користев од авон гел за интима. После миењето кожата е мазна и убава,а и спречува непријатна миризба. Спојлер Golden Rose - лак за нокти. Јас обично не ги фалам лаковите, но овој ептен ми е производ на месецот. Ми стои 4 дена без лупење. На сликата е +/- бојата, но ако сте заинтересирани за лак месо боја бројчето на лакот е 6. Спојлер
Го добив на подарок, од Италија е земен. Кај нас не знам дали има сетови со гел и млеко за тело во Космо и останатите парфимерии. Кај мене како да видов во една, но треба да проверам.
Дојдов на темава да ја испофалам пената за миење лице и рачиња на Бекутан. Ја користам речиси две недели и сум презадоволна од тоа како го чисти остатокот од шминка што ми останува после чистењето со млеко. Мирисот - претпознатлив за сите Бекутан производи Цена - 120тина денари Големина - 250милилитри Без парабени, бои, алкохол Може да се најде во сите маркети
Прекрасно нешто, многу добар мирис што трае.. Стварно немам зборови, прекрасен e Го земав овој кармин, малку е потемен од ова на сликава ама е преубав. Јас го носам со се, и трае што ми е најбитно Многу е добар пилингов на Балеа. Мене пред да добијам ми се појавуваше по некоја акна, ама искрено од кога го имам ова не ми се појавила ни една.. Порано го користев тој од арганово масло, и уште мислам дека е многу добар, но со мајка ми го земавме овој демек да пробаме за фарбана коса и стварно е добар. Косата има сјај, мека е, и ептен има убав мирис, мене ми мириса на млеко за сончање, може дека има УВ филтер што знам..
После цел месец користење можам да кажам дека многу сум задоволна.Јас верувам дека другите производи од Clean&Clear се исто многу добри и едвај чекам да ги пробам ама тешко дека ќе ги најдам.Тука кај нас ги нема многу.Се троши многу брзо ако ставате и наутро и навечер како што е препорачано ама лицето после тоа е толку мазно.Цената му беше околу 300 денари,го земав од Грција. Еве го чудото за кое сите зборуваат одамна па еве и јас да го пробам.Хидрирачко со прерасен розов сјај и за преку ден и за ноќе.Има нешто што е посебно кај овие лабелца Инаку колку што знам тоа црвеното и не било така добро а она безбојното во плаво пакување било супер. И реков на мајка ми да земе купка и жената се врати со ова од 500мл со + 250мл гратис.Најискрено за секојдневно туширање толку опушта онака оргинален мирис на свежо,прекрасен ми е. Ова што го гледате е најубавото нешто што ми се случило овој месец.За само 100 денари лицето ми сјае. Сите тие креми,лосиони,сапуни не би биле ефикасни доколку навистина не ги користите доволно.Не знам,јас сум презадоволна.Топло го препорачувам.
Од овој шампон косата не ми се мрси два дена. Регенераторот ја остава косата многу мека и полесна за чешлање. Преубав мирис. Ахх, овој дезодоранс е преубав. Премногу ми се допаѓа. За жал кога бев во ДМ маркет не земав уште еден.
July`s Favourites I love Coconut and cream лосион за тело: Морам да признаам дека лосионов неможе да се пофали со некоја голема хидратантност и не е нешто многу убав со кожата, сосема обичен и лесен. Брзо се впива, мирисот му е траен ама за милитражата од 250мл е доста скап 332 денари е предност е тоа што скоро секогаш оди во акција со друг производ од истата фирма па за таа цена може да добиете + пилинг за тело, гел за туширање или путер за тело што е супер исплатливо. Мене најмногу ми се допаѓа мирисот, кокос обожавам и кај овој производ сум ја нашла најприближната миризба до она што го сакам, зависна сум од него! Cliniquе Even Better пудра за лице: За сува, нормална и комбинирана кожа е наменета. Мене на топло време ми е нормална со мало мастење на носот и пудрава одлично ми прилега. Има 15ка фактор, одлична покривност, не изгледа вештачки на лице, го прави да изгледа здраво и чисто. Можам да кажам дека е и доста долготрајна, без посебни бази и фиксатори мене ми стои по цел ден. Посебно се препорачува за луѓе кои имаат пигметациски несовршености и плус спречува појава на пеги од сонцето. Има 30мл и чини околу 2600 во Космо. Кога ја купив пред некое време ми дадоа и подарок течен коректор и четка за нанесување на течна пудра. Guerlan Terracota 4seasons бронзер: Пааа како да ви кажам колку сум среќна што имам нешто од фирмава, а посебно овој бронзер кој е совршен. Многу луксузно изгледа, мириса на некои стари ретро шминки, а ефектот што го дава е одличен. На подарок го добив нијанса 04moyen blondes, иако не сум блонд ме радува што не е толку темен. Мат е и одличен е за контурирање. Го нанесувам под јаболчниците, а на јаболчниците нанесувам малку светкав бронзер и изгледа преубаво што ми иде да се сликнам и да ви се покажам . Како што видов цени на интернет во Сефора чини 76$ ама тие со најновата амбалажа, моето мислам е од постарите амбалажи. Radiant Lasting Lip shine сјај за уста: Кажувајте каде ги има производиве Radiant! Сјајчето е преубаво, неможам да најдам слика од нијансата ама ја имам 45 rose. Не е баш роуз, јас би рекла нешто измеѓу роуз и праска таква летна, тропска нијанса мммм, ги прави усните сочни, изгледаат како влажни, а сепак имаат преубава боја која долго се задржува и постепено се вади па секогаш изгледа како сеуште да имате сјај. На исончан тен би изгледало уште поубаво и по секси, јас малце имам боичка од што одам на Водно натака навака, ама ќе го чувам и за после одмор да се шлапам со него. Цената не му ја знам, ми го дадоа на подарок во Космо кога купив 2-3 сенки Севнтин, незнам дали го има во продажба, ако го нема ќе си каснам од... l`oreal color riche сенки за очи: Лореал за мене е фирма што нема утка, нема нешто што не ми се допаѓа од нив и се доста квалитетни. Ги имам овие сенки, баш таа боја што е на сликата, преубава комбинација. Ми се допаѓа тоа што одпозади имаат и упатство како да се нашминкаш, а и четкичите во паковањето не се лоши. Не се собираат на капаците и не се ронат, не се прават онакви линии на пресликување, си стојат долго додека не извадам шминка. Не се светкави туку се сјајни, попогодна ми е нијансава за во лето навистина убаво изгледа. Ги имам купено околу 600 денари, во сите парфимерии ги има.
За под пазуви е ама прекрасно нешто. Има премногу свеж и нежен мирис, и е долготраен секако. мајка ми ги зема од кај некоја колешка за 100 денари. 200 милилитри е. Дури може и како дезедоранс да се користи и кога под пазувите ќе ставам и ќе ја подигнам раката мириса. Прекрасно нешто. Јас ги користев тие на Авон кои се инаку за иста цена ама не заштитуваат пред некој ден ми се потроши и морав да ставам од на мајка ми и дури тогаш ја приметив разликата па си земав и јас едно.
Ако не се лажам ги има на Бит пазар по тоа тезгите Другарка имаше едно преубаво розево - праскасто сјајче иста ваква амбалажа и ми рече од Бит пазар го земала Отвори ја сликата во нов таб, си го пишува бројчето 02 е
Мимс за Скопје не знам, ама ако одиш на кај Битола, тука ги има. Мислам пред некое време имаа и некоја акција, со купена маскара добиваш и гратис сјајче како твоето. Спојлер https://www.facebook.com/pages/Merkur-beauty-shop-Bitola/103000203100778?sk=timeline
