ТЕМА: Која е вашата животна цел ?

[manja666]

Дали имате животна цел кон која се стремите или живееме затоа што така сакаме и не ни треба посебна цел ? Јас на пример освен основање на семејство немам ништо друго зацртано затоа што како одат годините така се менувам..неможам да зацртам нешто на долгорочен план. Друга цел во животот ми е да оставам позитивни чувства кај луќето кои ми значеле нешто , цел ми е еден ден да имам доволно за да можам да си основам некоја хуманитарна организација која ќе помага на болни , сиромашни деца и деца без родители. Сега за сега е тоа . Споделете ги и вашите цели во животот .

[eli25]

Во едно си во право Мања-животните цели со тек на годините и времето се менуваат.
Јас кога се запишав на факултет си велев-Да го завршам факсот,па потоа ќе го изнашетам светот и дури потоа брак Да сум го изнашетала светот бе
Кога дипломирав цел ми беше работа.Ова ми е една од основните животни цели-работа која ме исполнува.За жал тешко е да се добие.Да се омажам не ми е некоја животна цел ниту да имам деца веднаш кога ќе омажам.Во тој правец не размислувам,а бракот ако може да се нарече животна цел го посакувам и може ми е и време
Една животна цел немам зацртано-Пример ќе бидам најуспешна и точка.Сакам помали цели ама кои ќе ме исполнуват.Да речам желбички за убав живот.Да сме сите блиски живи ,здрави,среќни.Да ги имам до мене.
Кога ќе се омажам животна цел може ќе ми биде детенце,не знам.
Знам само дека отсекогаш сум ја сакала мојава струка која е и ценета и со убава титула ама кога ја добив после мнооогу труд,се разочарав зошто не можам гордо да си ја носам.Кога дипломирав цел ми беше-работа,кога ја најдов-цел подобра работа од оваа,така да една животна цел,навистина немам.Дали сум станала помалку амбициозна не знам,ама од едно нешто не можам да се раководам во животот,дека само тоа ќе го постигнам.
Во секоја доба од животот,целта ти се менува,согласно со потребите,желбите,условите.
На крај,сакам да постигнам единствено да бидам среќна

[NATALIJA89]

Хммм,тешко прашање .Никогаш немав некоја посебна цел,освен една што за жал и не ми се оствари-а тоа беше да се омажам за љубовта на мојот живот.Инаку во исчекување сум на диплома,и цел ми е да си најдам некоја поубава работичка,не мора да биде по мојата струка,но барем така со поубава платичка .Инаку,никогаш не посакав да станам мајка,дури и сега кога практично се наоѓам пред брак,не се замислувам како идна мајка која се грижи за своите деца и бла бла бла.....Најголема желба исто така ми е да живеам во странство,ем стандардот е подобар ем и луѓето се онака порелаксирани и не се мешаат во сечиј живот како балканците.Од мене тоа-па со среќа во постигнување на вашите животни цели

[slavica999]

Да не си умрам млада и детето да го изведам на правилен пат (ако ме служи здравје и памет).
Све останато е релативно и го правиш ако имаш амбиција и сакаш.

[Butterfly15]

Животна цел ми е NEW YORK. Сакам да ја напуштам оваа држава, да живеам во NEW YORK, со љубовта на мојот живот да си основам семејство, да ги истерам на добар пат моите деца и да си живеам среќно до крајот на животот.

[MSkorpionka]

Немам цел. Вејка на ветерот. Каде ум таму друм. Се шалам...до некаде...
Некои работи што си ги имав зацртани во моето сценарио сo тек на време ги снема. Некои страни скинав јас, некои ми беа скинати со сила, па нешто пречкртуваш, нешто бришеш, нешто додаваш, и кога гледаш најдобро е да ја фрлиш тетратката и да си пишуваш на мали ливчиња...Напиши една работа или две па тутни ја во џеб...после некое време пак уште една две...и така.
Сега за сега битно ми е, и се стремам кон подобра финансиска состојба, да ја задржам оваа хармонија што ја имам во бракот, и среќно детство нормално на моето најмило...За понатаму-здравје, времето ќе покаже...

[Kicky]

Имам повеќе цели. Можеби некои од нив се премногу високи. Не знам. Но сум многу амбициозна, можеби и претерувам. Но желбата да успеам во животот ми е голема. Пред се сакам да се образувам значи да завршам факултет. Па здравје боже и магистер ако ме држи памет и желба.Сакам да бидам успешна личност во својата професија, сакам да патувам, да го почувствувам животов на моја кожа, имам премногу планови за иднина, ако не ми успее еден ќе успее друг и така.
Се разбира дека сакам и да си ја пронајдам својата љубов, семејство и се така со ред. Сите тие цели се наменети за во различни делови од животот. Тоа е така бидејќи човек треба да се бори, нешто да прави, на нешто да се надева, за да не е животот апсурден. И сакам да си заминам од државава, тоа ете би била една од најважните цели..Париз по можност ...

[stilas7]

за жал ја немам.досега живеев живот по девизата да се преживее и никогаш не ми се појавила мислата и борбата за успех во животот,но сега на половина од мојот пат имам цел да ја откријам својата цел и причина за моето постоење.

[imelda]

Да се пензионирам на 50 годишна возраст.

[Tenna]

Имав цели, сега веќе не...
Се испостави дека онаа ''Домашниот есап, на пазар не излегува'' е многу вистинита, така да сега веќе правам како што налага самата ситуација и се трудам да го извлечам најдоброто од одреден период, ако воопшто е можно.