Дали сте биле, како ви се допаѓа? Дали цените им се високи или пристапни секој да може да си овозможи да отиде? Споделете ваше искуство
Сум била неколкупати и ми се допаѓа.Има интересни коктели и цедени сокови,а и цените се ок,ако се земе во предвид дека едно цедено сокче го носат во поголемо шишенце(како тегла ),наместо во обична чашка како во другите кафулиња. И комбинациите на овошје во цедените сокови ми се допаѓаат.
Не знам зошто толку го форсираат и буквално се тепаат за маси. Како место е фино, пријатно, има убави комбинации на смутиња, ама почесто би одела ако немаше толку гужва. Цените се океј, среден просек.
Сум била еднаш, преку ден. Местото е океј, ми се допаѓа ентериерот, убав дизајн. Цените не се претерано високи, но не го добив тоа што го порачав. Порачав цеден сок Wake up каде што наводно требаше во состојките да има манго, но немаш "м" од мангото, само портокал и морков. Е токму тоа е причината зошто нема да отидам повторно, зошто не го добиваш тоа што го нудат. Евентуално ако отидам, би порачала кафе, зошто тука веројатно нема да има изненадување.
Префорсирано ми е, а и не сакам да давам толку пари за сокче кога можам и сама да си направам и повкусно дома, кога сум излезена гледам да пијам нешто што дома не би можела.
Бившо Кај мајка ти и татко ти. Солидно место со интересно мени. Мене смудињата ми се убави сум пробала 3 и сите ми беа погодени. Цените се како и во другите локали, смудињата се од 120 до 160 со тоа што го носат во тегла, буквално тегла од барем 400 милитри. Кафе не сум пиела ама цените им де исто стандарни. И храната била океј ама јас не сум пробала за да кажам лично мислење. Само дизајност и идеата им е тотално копи пејст на еден евроспки џус бар кој нема франшиза за Македонија. Ако го замижам тој за мене голем грев останатото ми се допаѓа. Услугата не е сјајна, ама зависи од келнерката, некогаш се брзи некогаш ги чекаш со часови.
Местото е одлично, пријатно, супер средено. Цените се исто океј пристапни. Само тотална грешка во продавањето на цеден и свеж сок за кој секој со пробано едно- природен и друго - купечки сок, ќе ја најде разликата. Не е океј да продаваат на хартија едно, а во чаша друго. Исто, не ми се допаѓа префорсираноста но за тоа не се криви тие.
Сум била, интересно мало место особено за денска шема, ама и навечер е убаво. Тоа што го прави толку познато местово се тие како да ги наречам „теглите“ во кои ги ставаат пијалоците, ама не сите, некои ги ставаат и во интересни стаклени чаши. Како и да е, вреди да се отиде барем еднаш.
Услугата е одлична, пијалоците се необично сервирани и сметам дека цените не се превисоки бидејќи за истите пари во друг кафич цедат само портокал, мешавините од овошки и нивниот микс се превкусни!
Мене многу ми се допадна дизајнот на тегличките, а слушнав позитивни коментари за сокови, па решив и јас да отидам. Морам да кажам дека сум разочарана од тоа што го видов. Прво, бидејќи сите масички надвор беа зафатени и како се ослободуваа, веднаш некој седнуваше, решивме да се сместиме внатре, каде скоро сите масички беа слободни. Потоа чекавме 30-40 минути за да дојде некој да не услужи, притоа неколку пати повикувајќи ги келнерите. Нам не ни обрнуваа внимание бидејќи цитирам "повеќе беа сконцентрирани на гостите надвор". Откако конечно нарачаме, почекавме уште 20-25 минути за да ни ја донесат нарачката која ние не ја ни нарачавме. Јас конкретно порачав Berry Queen, a добив Cherry Choco. Не знам како успејаа да ја погрешат порачката кога состојките воопшто не се слични. Бидејќи персоналот беше тотално незаинтересиран, решив да не правам драми и фино си го испив smoothie-то кое беше поефтино од тоа што го нарачав, па не се бунев. Вкусот на smoothie-то беше целосно вештачки. Јасно го чувствував прашокот и шеќерот кој нецелосно се растворил. Од црешите немаше ни "Ц", како плус на целава ситуација. Заклучок е дека местово е преценето, каде што излегуваат само луѓе кои сакаат да бидат видени и кои се во состојба да стојат на тротоар пред кафулето, за да при прво слободно место се стрчаат да седнат (буквално стоеја на тротоар со чашите во раце Јас лично не знам дали повторно би отишла, иако ми се допаѓа понудата за достава до дома, со нарачани 3 шејка/сокови добивате +1 гратис и уште 4 кафиња по ваш избор исто така гратис, со бесплатна достава секаде низ Скопје. Таа опција ми одговара, но повторно да чекам саат време за услуга- ќе се прашаме. Еве слика од smoothie-то што го добив. http://gianyl.tumblr.com/image/116549567244 P.S. Интересно ми изгледаа и овошните салати и коктели, иако немав прилика да ги пробам. Можеби наскоро и нив ќе ги доставуваат.
Јас многу го сакам местово бидејќи многу ми е убава атмосферата,за гужва има секогаш и за да не седите внатре,затоа што е многу поубаво надвор,најпаметно е да си резервирате како ние што правиме редовно Последниот пат кога бев имаше нови келнерчиња и многу добро работеа,одма дојдоа да нарачаме,за помалце од 10 мин дојдоа кафињата,сметка исто не чекавме долго,се што побаравме одма ни донесе. Единственото што не ми се допадна беа високите маси,ама тоа до мене ќе да е,бидејќи јас сум критичен човек и не можам така на виоско да седам,немам како нозете да си ги скрстам,сакавме да се преместиме ама се беше фул,и си седев така со вкочанет грб. За смутињата не можам да коментирам бидејќи не сум ги пробала. Ние таму главно кафе пиеме,а тоа ептен ми се допаѓа и многу се исплати за парите.
Втора посета и повторно ужасна услуга. Кога порачувавме, го прашав за еден пијалок (нешто со Харибо бонбони) напишан во менито, келнерот рече дека немаат ништо од тоа. Во ред. Го прашувам за Captain Morgan. Немаат. Било каков рум? Вели дека имаат Bacardi и јас и дечко ми го порачуваме тоа. Го нема 10 минути. Што е работата, не порачавме коктел или смути, па да треба да чекаме да се направи. Рум без ништо, само сипи го во чашка. Доаѓа после 10-ина минути и вели дека немаат Bacardi, а имаат Captain Morgan, но само 1 доза. Кафичот има 1 чашка рум, лол. Во ред, дечко ми го остави румот за мене, тој си зема нешто друго. Ни ги носи пијачките, мојата една доза речиси и не се гледаше. Букавлно, имаше една голта. Не преувеличувам, сериозно! Треба да ја навалиш чашката за да видиш дека има течност. Жими дозата. Ај да пивнам, гледам некако чудна боичка ми има, потемна. Капетонот во чаша е доста блед, светол. Пробувам... не е рум воопшто. Според мое мислење тоа беше Johnny Walker. Веројатно затоа и толку малку ставиле, да не се потрошат од поскапиот пијалок за поефтина цена (Капетанот беше 100, а вискито мислам дека беше 150). Сума сумариум... прво, пола мени го немаат. Второ, ми вели дека има Бакарди, а нема. Трето, ми носи половина пијачка (ако беше и половина). Четврто и најважно, ми носи сосема друг пијалок тврдејќи дека е тоа што го порачав. Хех, мене мислат ќе ме измамат околу мојот најомилен пијалок, Captain Morgan. Никогаш... ама, НИКОГАШ повторно не стапнувам во овој таканаречен "бар". И ве советувам да запазите што ви носат.
Јас бев летово прв пат во Џус бар , премногу ми се допадна локалот а и соковите им се многу убави Повторно би отишла
