ТЕМА: Како знаете дека тоа е љубов?

[feministika]

Не знам воопшто дали постои ваква тема ако постои би ги замолила администраторите да ја избришат мојава. Па да се навратам на прашањето...Како знаете дека сте вљубени во некого? До сега сум имала 3 долги врски и никогаш не сум почуствувала нешто посебно во врска со момчињата со кои сум била освен милост. Како вие ја доживувате љубовта и како знаете дека ете баш тој е оној кој е поразличен од останатите, не го кажувам ова како приказна за ВИСТИНСКИОТ туку само како човек во кој сте ВЉУБЕНИ?

[CharmedGirl]

Секој ќе ти го одговори ова прашање различно.Еве како јас знам-има многу луѓе што ми се свиѓаат и знам дека тоа е само физичка привлечност.Да си заљубена во некој, тоа значи по цели денови да мислиш на него, да анализираш се што се случило со него по 5 пати дневно, да сакаш што побрзо да помине викендот и што поскоро да дојде понеделник, само за да го видиш
Да сакаш некого е многу понормална состојба отколку заљубеноста.Кога сакаш, тоа е најубавото чувство на свет.Ти треперат пеперутките во стомакот секогаш кога ќе му го чуеш гласот, секогаш кога ќе те погледне, се губиш во неговиот поглед и занемуваш...Љубовта е бескраен ролеркостер од најразлични чувства измешани заедно-среќа, возбуда, тага, исчекување, безнадежност...Кога еден човек ќе ме принуди да ги осетам сите тие чувства, е тогаш знам дека го сакам

[LaDyDoLl]

Самите секогаш бараме одговор на ова прашање и не можеме да најдеме.Љубовта е нешто што не може да се опише со зборови,туку треба да се почувствува со срцето.Разбирање,почит,доверба,издржливост итн итн се само дел од бисерите кои го нижат поимот љубов.Кога љубиш не постојат никакви граници и пречки за тебе,постои само една личност без која не можеш,со која заспиваш и се будиш,која цело време ти е во мислите,и поради која несвесно правиш свесни работи.Среќен е тој што љуби,уште посреќен е тој што е љубен...Љубовта е единствен двигател на светот,лек кој може да излече секоја рана,насмевка која може да расположи милион лица и срца бескрајно исполнети кои вечно живеат.

[Miss666]

Едноставно знаеш дека е тој тој.... Барем јас знаев.. Сеуште знам, иако јас и тој не сме заедно, знам дека тоа што го имавме беше љубов.. Не се секирај, ќе знаеш кога ќе се случи тоа, дека е вистинското..

[thinkerbell]

Кога знаеш дека си сигурна во неговите прегратки. Кога ја гледаш својата иднина во неговите очи. Кога правите компромиси. Кога држењето на неговата рака ти покажува колку му значиш. Кога ти е тешко што не се будиш до него. Кога има многу вакви кога...

[julie77]

Кога и покрај сите издигнувања и падови ... покрај сите лимити и внатрешни, надворешни негативни фактори ... покрај сите важни и не важни случувања, вие на крајот сте заедно и копнеете еден за друг, тогаш тоа е тоа. А ќе знаеш така што сама ќе ја почувствуваш внатре во душата која и ќе трепери и ќе боли, а срцето ќе менува ритам. И силата, волјата и желбата се заедно и ти помагаат во секој момент за да го имаш до себе, во себе тогаш верувај дека тој е твојот принц ти неговата принцеза.

[SOVRSENSTVO]

Кога нечувствувсте како времето изминува кога сте заедно, кога се чувствуваш сигурна во неговата прегратка, кога со него никогаш не ти е здодевно и секогаш имаш тема за разговор, едноставно кога јавето ти е поубаво од сонот кога сте заедно и тогаш дефинитивно станува збор за љубов...

[crazyinlove19]

Љубов...
Тоа не е, да најдеш некого со кого можеш да живееш, туку некој без кого неможеш да живееш.
Точно така е. Секој момент кога сме заедно ми е преубав, бесценет, а штом се испратиме почнува да ми недостига. Кога сум со него сум најсреќна, во неговата прегратка би останала вечно. Едноставно неможам да си замислам ни еден ден без него.

[feministika]

Ви благодарам на сите, од ова што го прочитав секој на различен начин ја доживува љубовта кон некој, изгледа сепак на крајот сама ќе треба да откријам Читајќи ги вашите мислења во секое од нив ја видов вашата љубов кон некој, уште еднаш благодарам <3

[LaBella]

Како знам дека тоа е љубов?

Кога сум како мало немирно дете покрај него и се чувствувам убаво
Кога го гушкам, времето запира и сакам да не се помрднам од неговите раце
Кога и после 2 години кога ќе го видам имам пеперутки во стомакот
Кога си се смешкам мило на самата помисла дека го имам крај себе
Кога заспивам веднаш во неговите прегратки чувствувајќи се сигурно
Кога кажувајќи "те сакам", ми навираат солзички

...е тогаш знам дека ТОЈ е мојата љубов