ТЕМА: Контактни леќи или очила?

[OrdinaryGirl]

Пред некој ден бев на очен доктор и ми одреди диоптер 0,5. Не е којзнае колку, ама чувствувам потешкотии кога ќе седнам пред телевизор (бидејќи е на поголемо растојание) или кога ќе чекам автобус затоа што не гледам на далеку. Си порачав наочари во Оптика и фрлив 6000 на рамки (затоа што биле Вог ) Немам комплекси ако ги носам, убаво ми стојат, си купив и други „фенси“ рамки со цветови, со циркончиња и слично. Прашањето ми е дали некоја од вас има носено леќи и дали би ми препорачале да си набавам и леќи. Еден другар носи, ми ги пофали дека пофино му е со нив затоа што наочарите му го потеле лицето, вака така онака. Само што предност на наочарите е што не мора толку голема хигиена да се води за нив. За леќите требале посебни препарати да ги мачкаш, да ги вадиш пред бањање и спиење, да ги менуваш на секои 3-4 месеци и слично. Што би ми препорачале вие?

(Барав ваква тема, ама не најдов, ако има - се извинувам)

[femina90]

сестра ми носи леќи со години и мислам дека поубаво е леќи.точно е дека треба да се внимава на нив,не треба да се спие со нив,се мијат со раствор посебен и слично,но предноста е сепак поголема.

[slavica999]

Јас носам леќи веќе 2 год. и супер ми е. Носам од тие што се менуваат на 2 месеци, значи спијам, не ги вадам секој ден пред спиење..туку ставам и ги менувам на 2 месеци. Сега има и леќи кои немораш секој ден да ги вадиш и ставаш и да ги миеш со посебни течности. Овие се органски и после одреден период се распаѓаат. Во случај да заборавиш да ги смениш ке приметиш сам , почнува да те како чеша окото и приметуваш дека веќе не гледаш добро, значи без диоптер си.
Ова е малку поскапа варијанта за разлика од очила, затоа што годишно ти требаат околу 60-80 евра (зависи која марка на леќи купуваш). Во едно пакетче на леќи имаш 4 пара леќи кои ти траат за една година. А очила не купуваш секоја година, нели, туку купиш и носиш неколку години.

[Hipica]

Да надополнам само дека секое око не може да истрпи леќи. Мајка ми работи на очно, јас исто носам очила и знам многу работи од оваа област. Можеш да пробаш, но мој совет, доколку не ти пречат очилата и немаш никакви комплекси со нивното носење, носи си ги

[OrdinaryGirl]

Благодарам на мислењата Листа на „за“ и „против“ аргументи има, истражував повеќе и на интернет, некои повеќе сакаат наочари, некои леќи, значи - се зависи до човекот. Овие наочари што ги земав имаат анти - рефлексни стакла, па убави ми се за пред компјутер. За среќа немам некој голем диоптер, па сепак ќе ги задржам, а којзнае, може еден ден ќе пробам и леќи

[Krisi]

Јас носам и наочари и леќи. Наочарите си ги носам за по дома, кога учам и гледам телевизија, додека леќите ,ми се за излегување. Леќите бараат доста поголемо внимание,хигиена пред се, јас каде и да одам си го носам к,утивчето со мене каде што се чуваат, бидејќи се случува нешто да влезе во око,или на било кој начин да ти засметаат и треба да се измијат.
Иако носам леќи со кои можеш да спиеш, јас никогаш не го практикувам тоа, бидеќи сабајле се суши окото и ми е многу непријатно.Вака ми е навика секој ден, како миење заби,ми одзема пола минута ставањето така да немам проблем.
Може да се суши окото исто така ако ги носиш подолго време, ама за тоа има специјални капки,вешптачки солзи ги викаат за навлажнување на окото.
Леќите се дефинитивно покомплицирани за употреба,меѓутоа има и многу предности,поубаво изгледа,односно не носиш наочари,можеш слободно да вежбаш со нив, и сл.
Ако има некои прашања слободно може да прашате.

[Sweety-Tweety]

Носам очила и еден период многу ме нервираа па решив да ги заменам со леќи. Ептен ми беше тешко и покрај тоа што водев грижа и повеќе од доволно, ама ете моите очи не биле за леќи Од друга страна другарка ми која исто носи очила и се јави прогресија во диоптерот и и препорачаа да носи леќи и сега и е многу подобро. Кај сите е тоа индивидуално. Ординери Грл би ти препорачала без оглед дали ќе носиш леќи или очила да си ги носиш редовно (сепак за здравје се работи).
Е сега имам едно прашање за Ординери Грл. Претпоставувам дека дури си бараше оквири ги помина сите Оптики, па ај пиши каде има убави и интересни модели и дали си видела негде од оние што се како на Супермен, црни, поголеми, пластични, не знам како да ги опишам поинаку.
Се извинувам за офтопик.

[OrdinaryGirl]

Уф, да ти кажам искрено само во една Оптика бев. Од очен лекар директно таму и за 5 минути одбрав. Имаше нај најразлични модели, од шарени и џиџани, до дискретни и сериозни. Јас бев во една оптика што се наоѓа спроти Рамстор во кулите. Ама ако ти е само за рамки, побарај на пазар има и таму избор и гарантирам дека ќе ги најдеш за поефтини пари. Такви како што бараш не загледав, затоа што цел ѕид беше преполн со секакви рамки. Ако ти е во близина - помини, можеби има

[SpoiledBaby]

Јас носам наочари веќе многу долго време.Пред повеќе од година бев на очен лекар и ми кажаа дека под 18 години не даваат леќи а јас бев така загреана дека ќе ми препишат леќи не за секој ден туку само за излегување,малку се разочарав ама за 8 месеци полнам 18 па ќе видиме инаку се работи за страбизам.Има ли некој со сличен проблем и да носи леќи?

[OrdinaryGirl]

Јас носам наочари веќе многу долго време.Пред повеќе од година бев на очен лекар и ми кажаа дека под 18 години не даваат леќи :^) а јас бев така загреана дека ќе ми препишат леќи не за секој ден туку само за излегување,малку се разочарав ама за 8 месеци полнам 18 па ќе видиме инаку се работи за страбизам.Има ли некој со сличен проблем и да носи леќи?

Како бе не даваат?! Нема шанси, баш прееска праев муабет со една комшика, 16 години има девојчево, носеше до сега наочари и сега во последно време ја гледам не носи. Ја прашав што е финтата и она ми рече дека леќи си земала, инаку носела 1,5 диоптер. Ми кажуваше и било тешко додека да научи да ги става и вади, малку и било језиво, а се друго и било океј.