Ѓомлезе е баш без ништо, ако се додаде сирење тоа веќе би биле питулици, а ако се додаде месо... не знам ни што би испаднало.
Ѓомлезе и питулици не е ни малку слично. Се прават на различен начин, иако основата им е иста. Питулиците се прават од палачинки, а може и во рерна да се печат. Ѓомлезе исклучиво под сач (вршник) се прави, инаку не е тоа тоа.
Него мене не ми е јасно едно нешто, како тоа традиционалното јадење Ѓомлезе, во Охрид го нема нигде во пекарите освен на тезга на сред пешачка улица? Не си го сакаат и не си го ценат тоа што им е традиционално... Истото и со симит погачата во Скопје. Освен во фурната во Чаир и Козле и уште 2-3 фурни, го нема нигде.
Знам, сум ги правела и двете Не мислев да кажам дека питулици и ѓомлезе се едно исто (плус сирењето де), туку дека ова што го бара всушност дечково, би биле питулици. Не сум се изразила како што треба. Инаку, @Ма.нев, нема врска со несакање или неценење, туку е тешко и комплицирано за правење. Не е замеси па стави го да се пече, туку треба да светиш над вршникот со саати. Плус оган и жар треба, па обично надвор се прави (многу ретко се наоѓаат луѓе што го прават внатре во гаражи или подруми), што значи треба и времето да се погоди, не се прави во јануари на снегот . Освен тоа, сепак е вид на печиво и највкусно е кога е тазе, после 2-3 дена не е веќе вкусот ист (се суши, нормално), што ме враќа до првото нешто што го реков - прекомлицирано е за некој да би се нафатил секој (или секој втор) ден да го прави за да продава тазе ѓомлезе. Мислам спомна некој веќе, има жени што го продават тазе на пазарчето (обично во пазарен ден), исто има и жени што прават цели тепсии по нарачка, за матури, визити, слави, дури и задушници.
На пазар некогаш има. Иначе по нарачка се прави, ако сакаш. Ако поминуваш во Охрид, јави се пред да одиш да нарачаш, ќе ти направат. Побарај на фб Охридско ѓомлезе, и прашај.
